TAPALOUYU 29
29
Aaron alia Puh Nahpoutu Maitaoye panou Napao soure donou Soushee Peiyu
(Lev 8.1-36)
1“Nenou Aaron alia puh nahpoutu maitaoye panou napao mai ali soua avah soure donou haibüa soushee peia popeilai: Chode ali ae zhaotu veishoyu ahai polo, 2alia khei thoumoyu raokhao, raokhao daoli hai theadzü thoulo, daoli theadzü thouso, alia raokhao kamai-a theadzü nou thou shokilo. Raokhao sütao sü southou aveih tyanou soulai. 3Raokhao sütao hai sülai ali hi thouloua neletao nou Eye chode ae zhaotu ahai pove posheela peiyu phaki pove peio.
4“Aaron ae puh nahpoutu maitaoye Enou buyu Ratho kipao hi taloure kikhubomü hinou save khailoua dzükhü sheepeio. 5Süthaisü Aaron ye napao maivei sabanü taosü banoupeio — Naazao, ephod khevai nou zaokouyu zao, ephod, khaokha, alia khyakho. 6Puh pei hisü peiphusah nou phupeio, alia peiphusah hisü haibüa rüthou khaipeio: ‘Mapao hi peithouwure.’ 7Süthaisü puhye neapeire donou theadzü poloua puh pei hinou lakoupeio, alia puhye panou napao mai ali soure donou theadzü neapeio.
8“Süthaisü puh nahpoutu maitao-a sakouloua naazao sü thoupeio, 9alia puletaoye khyakho khopeio ae pei hisü peirü rüpeio. Haibüa Aaron alia puh nahpoutu maitaoye teisa panou avei kuvah soure donou soukupa khaipeio.
10“Süthaisü chode nasü Enou buyu Ratho kipao pa hi hukoulo, alia Aaron ae puh nahpoutu maitao hi puletao bah sü chode pei hi khailo tea paopeio. 11Chode nasü Enou buyu Ratho kipao hi taloure kikhubomü hinou dathalo. 12Chode zhe sü daotu poloua posheelabu vei kai vasü ne bahtou nou neapeio, ae lia buyu zhe teitei sü posheelabu deiphi hisü lazülo. 13Süthaisü lesouva tao-a buyu theatao, veikayu sousü, kithou ahai ae sühi tao-a buyu theatao sü poloua Eye pove posheelabu hinou meidei-a posheela peio. 14Ana chode vei souketao, hee, alia lesouraitao hai vakou popaloua meideiwo. Hai nasü napao maitao mah sousheere donou posheela peiyu nasüe.
15“Süthaisü zhaotu ali poloua Aaron ae puh nahpoutu maitaoye panou zhaotu pei hisü puletao bah deilo, 16sübüa zhaotu nasü dathalo, alia zhe sü poloua posheelabu kainghou adai teitei hisü lazülo. 17Süthaisü zhaotu nasü daodesasalo, alia lenatao ae phitao sü dzü thealoua sou pei hisü pokhailo. 18Zhaotu sou teitei nou posheelabu phao hisü popa khailoua mei deiwo. Hai nasü Mapao hi meideia posheelayu nasüe. Haibüa nou meideia kaingi payu nasü Enou jüpae.
19“Zhaotu kukhe na-a povelo, alia Aaron ae puh nahpoutu maitaoye panou zhaotu pei hisü bah deilo. 20Sübüa zhaotu nasü dathaloua zhe daotu poloua Aaron ae puh nahpoutu maitao noubi pha zhoulova, bahkü zhoulova, ae phikü zhoulouva sü neapeio, alia shokhaitoua buyu zhe teitei sü posheelabu pehao hi lazükhaio. 21Posheelabu hinou buyu zhe daotu polo ae neayu theadzü poloua Aaron ae puhvei sabanü hi alia puh nahpoutu maitao ae puletao vei sabanü hisü kavupeio. Süthaisü puh, puh nahpoutu maitao alia puletao vei sabanü khesü shee-a bailai, sübüa Eye peithou peio.
22“Zhaotu thea, mi hi buyu theatao, lena hi tao-a buyu theatao, sousü veikayutao, kithou ahai ae thea noupu alia phikao zhoulova sü polo. 23Posheela khaitouyu raokhao sülai hinou raokhao ali, theadzü nou neakhai touyu raokhao ali, theadzü thoumoa soukhai touyu raokhaoki ali polo. 24Haitao teitei hai poloua pokou Aaron ae puh nahpoutu maitao bah hi thoupeio, alia hainasü Mapao nghoujü nou veishoyu posheela apei ali soua puletaoye zhipeio. 25Süthaisü sütao hai puletao bah hinou poloua posheelabu hinou meideia posheelayu phao hisü thouloua meideia posheela peiwua Mapao Eye panou kai aveih nasü kainghülo. Hainasü mei deia Mapao ye posheelayu ali-e.
26“Aaron ye soushee loua sheeyu vah panou soure donou zhaotu navei khao hi soutao sü poloua Mapao nghoujü nou poa zhayu posheela ali soulai, ae hainasü nevei zha soulaie.
27“Napao mai aliye soushee loua popeiyu phaki, zhaotu vei khao hi soutao ae phikao sü poa zhayu posheela soua Eye popeilai, alia sünasü napao maivei zha soua pokupa khaipeilai. 28Hainasü Israel mainou Aaron ae puh nahpoutu maitaoye teisa panou peire zhai nasüe, daiolouzü hainasü Israel mainou puletao vei kaonayu posheela soua napao maitaoye peire zhai ali soulai, ae haisü puletao nou Mapao hi posheela-a peilai.
29“Napao Aaron nou thaita louzü, puhvei sheeyu sabanü khesü puh nah maitao hi thaothou peilai, alia puletao nou soushee loua napao soutare donou banou loulai. 30Puh thaosou pa napao soure nahpoutu nanou tave Sheeyu Buh, Enou buyu Ratho kipao hinou vah soutayu phaki teithe anai sü sabanü sütao banoulai.
31“Napao maitaoye soushee peire donou peikhai touyu zhaotu sou sü poloua sheeyu buh hinou kholo. 32Alia zhaotu sou sünasü sülai hinou buyu raokhaotao koa Aaron ae puh nahpoutu maitao nou Enou buyu Ratho kipao hi taloure kikhubomü hinou toulai. 33Puletaoye soushee loua popei loure donou napao maitao likhei nou mah khaipeire posheelayu sou nasü toua bailai, daiolouzü sünasü sheewe. 34Hakinou sou moyuma raokhao taralia thainesho shona koute toulou moa lia bulouzü, sünasü mei deia bailai, toupu laimoe, daiolouzü süsü sheewe.
35“Aaron ae puh nahpoutu maitaoye soushee loua peithoure naanou soure hai Enou ne hi kharochi peikhai touyu bütoua teithe anai soulai. 36Mah khailu peire donou mah vei posheelayu nasü teithetsü chode alili posheela peilai. Posheelayu hai nanou posheelabu nasüa soushee peilai, ae sünasü panou amashee buh ali soure donou oliv theadzü nou nealo. 37Teithe anai koute mah vei posheelayu nasü posheela pei koutelai. Süthaisü posheelabu nasü sheesha tea bailai, mai tarali noua moyuma hatarali noua posheelabu nasü deiwu louzü, sühi sheeyu khouko nanou sünasü soushia bailai.
Teithetsü vei Posheelaretao
(Mai 28.1-8)
38“Teithetsü neletao nou posheelabu hisü po ali payu zhaotu ahai hai pove posheelalai. 39Zhaotu ali sü shona nou posheelalai ae zhaotu kukhe ali nanou koukhe noulai. 40Zhaotu arai nasü southou aveih tyanou kilo ali ae oliv theadzü nou litar ali noupu thouhrüloua posheela peio, alia darkha zhaoh litar ali nghoupeio. 41Koukhe vei posheelayu zhaotu ahai nasüa shona vei bütoua southou, oliv theadzü, ae darkha zhaoh thouloua posheela peio. Haina hai Mapao, Eye touso vei posheela peiyu nasüe, ae haitao hai Enou jüpae. 42Haithai vere bonakha teitei hia teisa nou haibüa meidei-a posheelayu hainasü Enou buyu Ratho kipao hi taloure kikhubomü hinou soulai. Sühi sünou Enou tave neletaoye daolai ae neletaoye chakulai. 43Buh sühi sünou Israel maiye Enou ve daolai, alia avei khouko ava sünou buh sünasü soushee peilai. 44Enou Ratho kipao ae posheelabu sü soushee peilai, alia Aaron ae puh nahpoutu maitaoye soukupa loua panou napao mai ali soua avah soulai. 45Israel mai hrohinou Enou bupeilai, alia puletao Ramai sü soulai. 46Puletaoye Ejipt teidei hinou sapa peiyu, puletao Mapao Ramai sü E-e touyu puletao nou süloulai, sübüa Enou puletao hrohinou koa hrülai. E hai puletao Mapao Ramai nasüe.
Currently Selected:
TAPALOUYU 29: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 29
29
Aaron alia Puh Nahpoutu Maitaoye panou Napao soure donou Soushee Peiyu
(Lev 8.1-36)
1“Nenou Aaron alia puh nahpoutu maitaoye panou napao mai ali soua avah soure donou haibüa soushee peia popeilai: Chode ali ae zhaotu veishoyu ahai polo, 2alia khei thoumoyu raokhao, raokhao daoli hai theadzü thoulo, daoli theadzü thouso, alia raokhao kamai-a theadzü nou thou shokilo. Raokhao sütao sü southou aveih tyanou soulai. 3Raokhao sütao hai sülai ali hi thouloua neletao nou Eye chode ae zhaotu ahai pove posheela peiyu phaki pove peio.
4“Aaron ae puh nahpoutu maitaoye Enou buyu Ratho kipao hi taloure kikhubomü hinou save khailoua dzükhü sheepeio. 5Süthaisü Aaron ye napao maivei sabanü taosü banoupeio — Naazao, ephod khevai nou zaokouyu zao, ephod, khaokha, alia khyakho. 6Puh pei hisü peiphusah nou phupeio, alia peiphusah hisü haibüa rüthou khaipeio: ‘Mapao hi peithouwure.’ 7Süthaisü puhye neapeire donou theadzü poloua puh pei hinou lakoupeio, alia puhye panou napao mai ali soure donou theadzü neapeio.
8“Süthaisü puh nahpoutu maitao-a sakouloua naazao sü thoupeio, 9alia puletaoye khyakho khopeio ae pei hisü peirü rüpeio. Haibüa Aaron alia puh nahpoutu maitaoye teisa panou avei kuvah soure donou soukupa khaipeio.
10“Süthaisü chode nasü Enou buyu Ratho kipao pa hi hukoulo, alia Aaron ae puh nahpoutu maitao hi puletao bah sü chode pei hi khailo tea paopeio. 11Chode nasü Enou buyu Ratho kipao hi taloure kikhubomü hinou dathalo. 12Chode zhe sü daotu poloua posheelabu vei kai vasü ne bahtou nou neapeio, ae lia buyu zhe teitei sü posheelabu deiphi hisü lazülo. 13Süthaisü lesouva tao-a buyu theatao, veikayu sousü, kithou ahai ae sühi tao-a buyu theatao sü poloua Eye pove posheelabu hinou meidei-a posheela peio. 14Ana chode vei souketao, hee, alia lesouraitao hai vakou popaloua meideiwo. Hai nasü napao maitao mah sousheere donou posheela peiyu nasüe.
15“Süthaisü zhaotu ali poloua Aaron ae puh nahpoutu maitaoye panou zhaotu pei hisü puletao bah deilo, 16sübüa zhaotu nasü dathalo, alia zhe sü poloua posheelabu kainghou adai teitei hisü lazülo. 17Süthaisü zhaotu nasü daodesasalo, alia lenatao ae phitao sü dzü thealoua sou pei hisü pokhailo. 18Zhaotu sou teitei nou posheelabu phao hisü popa khailoua mei deiwo. Hai nasü Mapao hi meideia posheelayu nasüe. Haibüa nou meideia kaingi payu nasü Enou jüpae.
19“Zhaotu kukhe na-a povelo, alia Aaron ae puh nahpoutu maitaoye panou zhaotu pei hisü bah deilo. 20Sübüa zhaotu nasü dathaloua zhe daotu poloua Aaron ae puh nahpoutu maitao noubi pha zhoulova, bahkü zhoulova, ae phikü zhoulouva sü neapeio, alia shokhaitoua buyu zhe teitei sü posheelabu pehao hi lazükhaio. 21Posheelabu hinou buyu zhe daotu polo ae neayu theadzü poloua Aaron ae puhvei sabanü hi alia puh nahpoutu maitao ae puletao vei sabanü hisü kavupeio. Süthaisü puh, puh nahpoutu maitao alia puletao vei sabanü khesü shee-a bailai, sübüa Eye peithou peio.
22“Zhaotu thea, mi hi buyu theatao, lena hi tao-a buyu theatao, sousü veikayutao, kithou ahai ae thea noupu alia phikao zhoulova sü polo. 23Posheela khaitouyu raokhao sülai hinou raokhao ali, theadzü nou neakhai touyu raokhao ali, theadzü thoumoa soukhai touyu raokhaoki ali polo. 24Haitao teitei hai poloua pokou Aaron ae puh nahpoutu maitao bah hi thoupeio, alia hainasü Mapao nghoujü nou veishoyu posheela apei ali soua puletaoye zhipeio. 25Süthaisü sütao hai puletao bah hinou poloua posheelabu hinou meideia posheelayu phao hisü thouloua meideia posheela peiwua Mapao Eye panou kai aveih nasü kainghülo. Hainasü mei deia Mapao ye posheelayu ali-e.
26“Aaron ye soushee loua sheeyu vah panou soure donou zhaotu navei khao hi soutao sü poloua Mapao nghoujü nou poa zhayu posheela ali soulai, ae hainasü nevei zha soulaie.
27“Napao mai aliye soushee loua popeiyu phaki, zhaotu vei khao hi soutao ae phikao sü poa zhayu posheela soua Eye popeilai, alia sünasü napao maivei zha soua pokupa khaipeilai. 28Hainasü Israel mainou Aaron ae puh nahpoutu maitaoye teisa panou peire zhai nasüe, daiolouzü hainasü Israel mainou puletao vei kaonayu posheela soua napao maitaoye peire zhai ali soulai, ae haisü puletao nou Mapao hi posheela-a peilai.
29“Napao Aaron nou thaita louzü, puhvei sheeyu sabanü khesü puh nah maitao hi thaothou peilai, alia puletao nou soushee loua napao soutare donou banou loulai. 30Puh thaosou pa napao soure nahpoutu nanou tave Sheeyu Buh, Enou buyu Ratho kipao hinou vah soutayu phaki teithe anai sü sabanü sütao banoulai.
31“Napao maitaoye soushee peire donou peikhai touyu zhaotu sou sü poloua sheeyu buh hinou kholo. 32Alia zhaotu sou sünasü sülai hinou buyu raokhaotao koa Aaron ae puh nahpoutu maitao nou Enou buyu Ratho kipao hi taloure kikhubomü hinou toulai. 33Puletaoye soushee loua popei loure donou napao maitao likhei nou mah khaipeire posheelayu sou nasü toua bailai, daiolouzü sünasü sheewe. 34Hakinou sou moyuma raokhao taralia thainesho shona koute toulou moa lia bulouzü, sünasü mei deia bailai, toupu laimoe, daiolouzü süsü sheewe.
35“Aaron ae puh nahpoutu maitaoye soushee loua peithoure naanou soure hai Enou ne hi kharochi peikhai touyu bütoua teithe anai soulai. 36Mah khailu peire donou mah vei posheelayu nasü teithetsü chode alili posheela peilai. Posheelayu hai nanou posheelabu nasüa soushee peilai, ae sünasü panou amashee buh ali soure donou oliv theadzü nou nealo. 37Teithe anai koute mah vei posheelayu nasü posheela pei koutelai. Süthaisü posheelabu nasü sheesha tea bailai, mai tarali noua moyuma hatarali noua posheelabu nasü deiwu louzü, sühi sheeyu khouko nanou sünasü soushia bailai.
Teithetsü vei Posheelaretao
(Mai 28.1-8)
38“Teithetsü neletao nou posheelabu hisü po ali payu zhaotu ahai hai pove posheelalai. 39Zhaotu ali sü shona nou posheelalai ae zhaotu kukhe ali nanou koukhe noulai. 40Zhaotu arai nasü southou aveih tyanou kilo ali ae oliv theadzü nou litar ali noupu thouhrüloua posheela peio, alia darkha zhaoh litar ali nghoupeio. 41Koukhe vei posheelayu zhaotu ahai nasüa shona vei bütoua southou, oliv theadzü, ae darkha zhaoh thouloua posheela peio. Haina hai Mapao, Eye touso vei posheela peiyu nasüe, ae haitao hai Enou jüpae. 42Haithai vere bonakha teitei hia teisa nou haibüa meidei-a posheelayu hainasü Enou buyu Ratho kipao hi taloure kikhubomü hinou soulai. Sühi sünou Enou tave neletaoye daolai ae neletaoye chakulai. 43Buh sühi sünou Israel maiye Enou ve daolai, alia avei khouko ava sünou buh sünasü soushee peilai. 44Enou Ratho kipao ae posheelabu sü soushee peilai, alia Aaron ae puh nahpoutu maitaoye soukupa loua panou napao mai ali soua avah soulai. 45Israel mai hrohinou Enou bupeilai, alia puletao Ramai sü soulai. 46Puletaoye Ejipt teidei hinou sapa peiyu, puletao Mapao Ramai sü E-e touyu puletao nou süloulai, sübüa Enou puletao hrohinou koa hrülai. E hai puletao Mapao Ramai nasüe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.