TAPALOUYU 28
28
Napao Maitao vei Sabanü
(Tap 39.1-7)
1“Ne jürai Aaron ae puhvei nahpoutu Nadab, Abihu, Eleazar alia Ithamar puletaoye ne hi kupoa koulo ae puletaoye panou avei napao maitao soure donou Israel mai hinou pokupalo. 2Ne jürai Aaron ye ngaokhusüyu ae hüveiyu napao maivei sabanü soupeio. 3Enou shara souyu hie dokai aveih thoupei khaitoua buyu maitaoye kuveloua puletaoye panou Aaron vei sabanü soupeio tea paopeio, sübüa puhye panou avei napao soure donou peithouwuo. 4Puletao nou soure sabanü sü haitaoe: Khaokha ali, nahra büa phao hinou khare ephod ali, naazao aso ali, cha daokhai touyu zao ali, peizüyu sah ali, ae khyakho ali tea soulai. Puletao nou napao maivei sabanü haitao avah soulaiyu ne jürai Aaron alia puhvei nahmaitao donou soulai. 5Shara soulou süyu puletao nou daiyu, maomüyu ae zaiteiyu pha; züzüyu sah aveih tya alia sana nou poa soulai.
6“Puletao nou ephod nasü daiyu, maomüyu ae zaiteiyu pha; züzüyu sah alia sana nou poa zhai soutou thoulai ae cha daothoua soulai. 7Phao hi hokoure sah ahai sü kainghou ahai hinou kou khipa loure donou soulo. 8Khyakho nasüa sana; daiyu, maomüyu ae zaiteiyu pha alia züzüyu sah nou souloua ephod nahisü khipalo. 9Onyz chuh ahai poloua Israel nahmaitao zhih sü sühi rüthoulo. 10Nahmaitao zhih sü tsükhana hinou poa shosho shoshonou rüthou koulo, chuh ali vanou mai zhih arou rüthoulo, alia chuh kukhe na vahia mai zhih arou rüthoulo. 11Chuh daoyu mainou sühi cha daothouyu büa chuh ahai va hisü Israel nahmaitao kiahai zhih sü daothoulo, alia sana nou chuh pei hisü souka khailo. 12Israel mai khü kiahai taoye panou licho loure donou chuh süna ahai sü phao daoyu ephod vahisü soupa khailo, alia Aaron nou puletao zhih sü teisa panou licho loure donou pfülai koutelai, sübüa Enou avei maitaoye sü teisa tsüloulai. 13Ae sana nou zhai veishoa rai büyu zhusa ahai soulo, 14alia sana nou tou ahai souloua süna ahai sü zhusana koa soupalo.
Khaokha
(Tap 39.8-21)
15“Napao Peicha naye panou poa Ramai vei leli süloure donou khaokha ali soulo. Haina hai-a ephod souyu natao bütoua daiyu, maomüyu ae zaiteiyu pha, züzüyu sah alia sana nou zhai veishoa daothouloua soulai. 16Haina hai sah-jha-a deitou toulai alia ahai soua khikhailo, sah shoyu nou sentimitar 22 solai, ae jha duyua sentimitar 22 dulai. 17Haina hisü chuh mutei tyanou she adai soua thoulo. She araina hisü ruby, topaz ae garnet; 18she ahai chena hisü emerald, saphir ae diamond; 19she asü chena nou jacinth, agate, ae amethyst; 20she adai chena hisü beryl, onyx, ae jasper noulai. Haitao hai sana nou koa soukhailai. 21Chuh sütao kiahai vahisü Jakob nahpoutu mai alili zhih sü rüthou khailai, sübüa chuh sütao panou Israel mai khü kiahai bue touyu süloulai. 22Nenou khaokha nasü sana veitya nou rai büa louloua soulo. 23Ae sana nou lürü touyu ahai souloua khaokha nahisü pokou khikhailo, 24alia sana nou rai büa loukhai touyu nasü poloua sana nou haorüa soukhai touyu khaokha hisü khipalo. 25Raipo ahai sü poloua kainghou hi khiloua pokou ephod pah hi khipalo. 26Süthaisü sana nou lürü touyu ahai souloua khaokhayu khelova ephod nghia levai hinou thoukhi khailo. 27Sana nou souyu lürüa kukhe ahai-a soupuloua phao hinou kakouyu sah ahai ephod vei pah hi ae khyakho reilo bü hinou khikhailo. 28Khaokha hi thouyu lürü nasü ephod hi lürüyu naye koa daiyu pha ali nou phupalo, sübüa khyakho pei hinou buyu khaokha nasü panou lümoa buloure donou.
29“Aaron nou Sheeyu Buh hi talouyu phaki, puhnou Israel nahmaitao zhih rüthou khaitouyu khaokha nasü pfülai, sütoulouzü Mapao Enou teisa avei maitaoye licho loulai. 30Khaokha vahisü Ramai vei leli süloure donou Urim ae Thummim#28.30 urim ae thummim: Na haina ahai hai napao mainou Ramai vei leli poa zhuloure donoue; haina sü kabüa souwe touyu sü sülou more. hai-a thoulo, ae Aaron nou Mapao nghoujü talouyu phaki, puhnou khaokha hai nasü pfülai, sübüa Aaron nou Israel maiye donou haibülai touyu khesü paopeilai.
Napao Maitao vei Sabanü Kukhetao
(Tap 39.22-31)
31“Ephod khevai nou noure naazao nasü maomüyu soumaipha likhei nou soua bailai. 32Naazao nasü pei thoure donou sah toutsü hinou mü souchalo, ae mü sühisü panou patamore donou daleichü tea khailo. 33Phi zhukouyu naazao kainghou hisü daiyu, maomüyu ae homarayu pha nou radoushi zhai büa cha kuthoulo ae süko kohisü sana nou hudabvü souloua khithoulo. 34Sana nou soukhai touyu hudabvü na ae radoushi zhai büa soukhai touyu nasü reirei-a naazao kainghou hi khithoulo. 35Aaron nou napao vei vah souyu phaki naazao sünasü noulai. Puhnou naazao süna noupoa Enou buyu Sheeyu Buh hi talouyu phaki, moyuma dakhai tayu phaki, hudayu kho sü choulai, sükulouzü puhye southa laimoe.
36“Sana veitya nou poupa zhai büa ali soulo, ae sühisü ‘Mapao hi peithouwure’ tea larücha daothoulo. 37Sünasü peiphuyu sah hi daiyu raipo ali nou phupalo. 38Aaron nou hainasü puh pei hi phupfülai, sükulouzü Israel mainou posheela peiyu veishi sü Enou popeilai, hakinou maikhe mainou posheela pei mah-a buyuma sükhesü puh pei hi ve-a bailai.
39“Aaron vei naazao ae peiphurai nasü züzüyu sah veitya nou daolo alia khyakho nasü bah nou zhai veitoua cha kuthoulo.
40“Aaron nahpoutu maitao vei naazao, khyakho ae peirü khesü panou khusüh shore donou ae ngavei shore donou nenou soupeio. 41Na haitao hai nenou ne jürai Aaron ae puh nahpoutu maitaoye thoupeilai. Süthaisü puletaoye oliv theadzü nou nealoua panou napao mai ali soua avah soure donou sousheeloua peithou peio. 42Ae nenou puletao vasou panou zhingao more donou khevai nouyu zao sü khya hinou khoubou koute holou süyu soupeio. 43Aaron ae puh nahpoutu maitao nou Rathokipao hi talouyu phaki moyuma Sheeyu Buh hi ve vah souyu phaki, sabanü sütao sü banoulai, sükumo louzü puletao hai thai-a bailai. Haibüyu zhai hainasü Aaron ae puhvei tyaosholea hrülai nou teisa tare zhai nasüe.
Currently Selected:
TAPALOUYU 28: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 28
28
Napao Maitao vei Sabanü
(Tap 39.1-7)
1“Ne jürai Aaron ae puhvei nahpoutu Nadab, Abihu, Eleazar alia Ithamar puletaoye ne hi kupoa koulo ae puletaoye panou avei napao maitao soure donou Israel mai hinou pokupalo. 2Ne jürai Aaron ye ngaokhusüyu ae hüveiyu napao maivei sabanü soupeio. 3Enou shara souyu hie dokai aveih thoupei khaitoua buyu maitaoye kuveloua puletaoye panou Aaron vei sabanü soupeio tea paopeio, sübüa puhye panou avei napao soure donou peithouwuo. 4Puletao nou soure sabanü sü haitaoe: Khaokha ali, nahra büa phao hinou khare ephod ali, naazao aso ali, cha daokhai touyu zao ali, peizüyu sah ali, ae khyakho ali tea soulai. Puletao nou napao maivei sabanü haitao avah soulaiyu ne jürai Aaron alia puhvei nahmaitao donou soulai. 5Shara soulou süyu puletao nou daiyu, maomüyu ae zaiteiyu pha; züzüyu sah aveih tya alia sana nou poa soulai.
6“Puletao nou ephod nasü daiyu, maomüyu ae zaiteiyu pha; züzüyu sah alia sana nou poa zhai soutou thoulai ae cha daothoua soulai. 7Phao hi hokoure sah ahai sü kainghou ahai hinou kou khipa loure donou soulo. 8Khyakho nasüa sana; daiyu, maomüyu ae zaiteiyu pha alia züzüyu sah nou souloua ephod nahisü khipalo. 9Onyz chuh ahai poloua Israel nahmaitao zhih sü sühi rüthoulo. 10Nahmaitao zhih sü tsükhana hinou poa shosho shoshonou rüthou koulo, chuh ali vanou mai zhih arou rüthoulo, alia chuh kukhe na vahia mai zhih arou rüthoulo. 11Chuh daoyu mainou sühi cha daothouyu büa chuh ahai va hisü Israel nahmaitao kiahai zhih sü daothoulo, alia sana nou chuh pei hisü souka khailo. 12Israel mai khü kiahai taoye panou licho loure donou chuh süna ahai sü phao daoyu ephod vahisü soupa khailo, alia Aaron nou puletao zhih sü teisa panou licho loure donou pfülai koutelai, sübüa Enou avei maitaoye sü teisa tsüloulai. 13Ae sana nou zhai veishoa rai büyu zhusa ahai soulo, 14alia sana nou tou ahai souloua süna ahai sü zhusana koa soupalo.
Khaokha
(Tap 39.8-21)
15“Napao Peicha naye panou poa Ramai vei leli süloure donou khaokha ali soulo. Haina hai-a ephod souyu natao bütoua daiyu, maomüyu ae zaiteiyu pha, züzüyu sah alia sana nou zhai veishoa daothouloua soulai. 16Haina hai sah-jha-a deitou toulai alia ahai soua khikhailo, sah shoyu nou sentimitar 22 solai, ae jha duyua sentimitar 22 dulai. 17Haina hisü chuh mutei tyanou she adai soua thoulo. She araina hisü ruby, topaz ae garnet; 18she ahai chena hisü emerald, saphir ae diamond; 19she asü chena nou jacinth, agate, ae amethyst; 20she adai chena hisü beryl, onyx, ae jasper noulai. Haitao hai sana nou koa soukhailai. 21Chuh sütao kiahai vahisü Jakob nahpoutu mai alili zhih sü rüthou khailai, sübüa chuh sütao panou Israel mai khü kiahai bue touyu süloulai. 22Nenou khaokha nasü sana veitya nou rai büa louloua soulo. 23Ae sana nou lürü touyu ahai souloua khaokha nahisü pokou khikhailo, 24alia sana nou rai büa loukhai touyu nasü poloua sana nou haorüa soukhai touyu khaokha hisü khipalo. 25Raipo ahai sü poloua kainghou hi khiloua pokou ephod pah hi khipalo. 26Süthaisü sana nou lürü touyu ahai souloua khaokhayu khelova ephod nghia levai hinou thoukhi khailo. 27Sana nou souyu lürüa kukhe ahai-a soupuloua phao hinou kakouyu sah ahai ephod vei pah hi ae khyakho reilo bü hinou khikhailo. 28Khaokha hi thouyu lürü nasü ephod hi lürüyu naye koa daiyu pha ali nou phupalo, sübüa khyakho pei hinou buyu khaokha nasü panou lümoa buloure donou.
29“Aaron nou Sheeyu Buh hi talouyu phaki, puhnou Israel nahmaitao zhih rüthou khaitouyu khaokha nasü pfülai, sütoulouzü Mapao Enou teisa avei maitaoye licho loulai. 30Khaokha vahisü Ramai vei leli süloure donou Urim ae Thummim#28.30 urim ae thummim: Na haina ahai hai napao mainou Ramai vei leli poa zhuloure donoue; haina sü kabüa souwe touyu sü sülou more. hai-a thoulo, ae Aaron nou Mapao nghoujü talouyu phaki, puhnou khaokha hai nasü pfülai, sübüa Aaron nou Israel maiye donou haibülai touyu khesü paopeilai.
Napao Maitao vei Sabanü Kukhetao
(Tap 39.22-31)
31“Ephod khevai nou noure naazao nasü maomüyu soumaipha likhei nou soua bailai. 32Naazao nasü pei thoure donou sah toutsü hinou mü souchalo, ae mü sühisü panou patamore donou daleichü tea khailo. 33Phi zhukouyu naazao kainghou hisü daiyu, maomüyu ae homarayu pha nou radoushi zhai büa cha kuthoulo ae süko kohisü sana nou hudabvü souloua khithoulo. 34Sana nou soukhai touyu hudabvü na ae radoushi zhai büa soukhai touyu nasü reirei-a naazao kainghou hi khithoulo. 35Aaron nou napao vei vah souyu phaki naazao sünasü noulai. Puhnou naazao süna noupoa Enou buyu Sheeyu Buh hi talouyu phaki, moyuma dakhai tayu phaki, hudayu kho sü choulai, sükulouzü puhye southa laimoe.
36“Sana veitya nou poupa zhai büa ali soulo, ae sühisü ‘Mapao hi peithouwure’ tea larücha daothoulo. 37Sünasü peiphuyu sah hi daiyu raipo ali nou phupalo. 38Aaron nou hainasü puh pei hi phupfülai, sükulouzü Israel mainou posheela peiyu veishi sü Enou popeilai, hakinou maikhe mainou posheela pei mah-a buyuma sükhesü puh pei hi ve-a bailai.
39“Aaron vei naazao ae peiphurai nasü züzüyu sah veitya nou daolo alia khyakho nasü bah nou zhai veitoua cha kuthoulo.
40“Aaron nahpoutu maitao vei naazao, khyakho ae peirü khesü panou khusüh shore donou ae ngavei shore donou nenou soupeio. 41Na haitao hai nenou ne jürai Aaron ae puh nahpoutu maitaoye thoupeilai. Süthaisü puletaoye oliv theadzü nou nealoua panou napao mai ali soua avah soure donou sousheeloua peithou peio. 42Ae nenou puletao vasou panou zhingao more donou khevai nouyu zao sü khya hinou khoubou koute holou süyu soupeio. 43Aaron ae puh nahpoutu maitao nou Rathokipao hi talouyu phaki moyuma Sheeyu Buh hi ve vah souyu phaki, sabanü sütao sü banoulai, sükumo louzü puletao hai thai-a bailai. Haibüyu zhai hainasü Aaron ae puhvei tyaosholea hrülai nou teisa tare zhai nasüe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.