1 TIMOTHI 3
3
Lüloumaime hi Süthai-apeimai Zhai Hrü
1Paopei-a buyu chipao hainasü chechewe: Maita linou lüloumaime vei süthai-apeimai sounü louzü, puhsü veiveilai vahli züpa-a bure. 2Lüloumaime hi süthai-apeimai alihai hrümai zütouyu mai ali soulai; puh hai chapfü alikhei bubailai, alia puh hai kao-zü cholou süyu, lahye tukhalou süyu, khekai pfüyu; shevai-shesüye shetou peilou süyu ea puh hai maiye doutou peilou süyumai ali soulai. 3Puh hai zhaoh shozhiyu moa maiye tai-dava süyu maili soulaimoe, ana nataiyu ea maiye zü-veimoyu mai ali souvu zülai; 4puh hai lah puh kikha maiye zhotoulou süyu maili soulai ea puh nahmaitao hai hata hinou panou puh chi züa bulai. 5Daiolouzü maita linou lah puhvei kikhamaiye zhutoulou sümoa bulouzü, puhnou kabüa Ramai vei lüloumaimeye zhutou peiloulai. 6Puh hai lü hinou licheyu maili souvu zülai, molouzü puh-a lah khaophu souloua rashina büa mah dukhaiyu hi kaolou bailai. 7Alia puh hai vakoumainou tsükhouyu maili souvu zülai, sükulouzü puhsü ahrao ngaolaimoe ea rashina vei shohi delou laimoe.
Church vei Kuvah Soupeire mai
8Sükua vahlümaitao-a khekai pfüvuzülai, mada laimoe, darkha zhaoh alaosou showu laimoe moa thou-sha vanou loküwu laimoe. 9Puletao sü sheeshayu lekhetsü hinou lüvei kheitsü nasü potou louyumai souvu zülai. 10Alia puletaoye rai-a zhai zhuwulai, süthainou sühinou chipayu hayu zhopaoh ngaolouyu shonou puletaoye panou vahlümai soulai. 11Sübüa puletao vei chapfümaitao-a naotu khekaipfü souvu zülai, maichi-maila paoshi laimoe; ana kao-zü cholousü-a ha teitei hinou maiye panou louchelou veiyumai soulai. 12Vahlümai alihai chapfü alikhei bubailai, alia puh nahmaitao ea kikha maitaoye zhutoulou süyumai soulai. 13Vahlümai alisoua puletao vah veishoa sou bumaisü lah puletaoye donou khekai zhihsü kuloue ea Khrista Jisu hi buyu puletao vei lü vanou khuvei-a puletao nou chi paolou süe.
Kheitsü Aduna
14E thala-a neye ve daoloure rei-a bue, ana Enou nehi seiko haina rüyuwo louzü, 15hakinou Enou thala-a vekhaimore toulouzü seiko hainanou kakuyu zhainou Eletao lahnou Ramai vei kikha hi süolouzü acheche vei kika ea kifü soua buyu hriyu Ramai vei lüloumaimehi tazüe touyu sü nehi paosü peilai. 16Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü:
Puhsü emai zhu hinou ve ngaopeie,
Rako hinou puhye sü souzüpeie,
alia rakivamaitao nou puhye sü ngaoe.
Puh vanou tahrüh khemai hrohi paodoue,
deiphao buh liki hinou puhye sü loucheloue,
alia puhye sü rakihi pokhere.
Currently Selected:
1 TIMOTHI 3: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
1 TIMOTHI 3
3
Lüloumaime hi Süthai-apeimai Zhai Hrü
1Paopei-a buyu chipao hainasü chechewe: Maita linou lüloumaime vei süthai-apeimai sounü louzü, puhsü veiveilai vahli züpa-a bure. 2Lüloumaime hi süthai-apeimai alihai hrümai zütouyu mai ali soulai; puh hai chapfü alikhei bubailai, alia puh hai kao-zü cholou süyu, lahye tukhalou süyu, khekai pfüyu; shevai-shesüye shetou peilou süyu ea puh hai maiye doutou peilou süyumai ali soulai. 3Puh hai zhaoh shozhiyu moa maiye tai-dava süyu maili soulaimoe, ana nataiyu ea maiye zü-veimoyu mai ali souvu zülai; 4puh hai lah puh kikha maiye zhotoulou süyu maili soulai ea puh nahmaitao hai hata hinou panou puh chi züa bulai. 5Daiolouzü maita linou lah puhvei kikhamaiye zhutoulou sümoa bulouzü, puhnou kabüa Ramai vei lüloumaimeye zhutou peiloulai. 6Puh hai lü hinou licheyu maili souvu zülai, molouzü puh-a lah khaophu souloua rashina büa mah dukhaiyu hi kaolou bailai. 7Alia puh hai vakoumainou tsükhouyu maili souvu zülai, sükulouzü puhsü ahrao ngaolaimoe ea rashina vei shohi delou laimoe.
Church vei Kuvah Soupeire mai
8Sükua vahlümaitao-a khekai pfüvuzülai, mada laimoe, darkha zhaoh alaosou showu laimoe moa thou-sha vanou loküwu laimoe. 9Puletao sü sheeshayu lekhetsü hinou lüvei kheitsü nasü potou louyumai souvu zülai. 10Alia puletaoye rai-a zhai zhuwulai, süthainou sühinou chipayu hayu zhopaoh ngaolouyu shonou puletaoye panou vahlümai soulai. 11Sübüa puletao vei chapfümaitao-a naotu khekaipfü souvu zülai, maichi-maila paoshi laimoe; ana kao-zü cholousü-a ha teitei hinou maiye panou louchelou veiyumai soulai. 12Vahlümai alihai chapfü alikhei bubailai, alia puh nahmaitao ea kikha maitaoye zhutoulou süyumai soulai. 13Vahlümai alisoua puletao vah veishoa sou bumaisü lah puletaoye donou khekai zhihsü kuloue ea Khrista Jisu hi buyu puletao vei lü vanou khuvei-a puletao nou chi paolou süe.
Kheitsü Aduna
14E thala-a neye ve daoloure rei-a bue, ana Enou nehi seiko haina rüyuwo louzü, 15hakinou Enou thala-a vekhaimore toulouzü seiko hainanou kakuyu zhainou Eletao lahnou Ramai vei kikha hi süolouzü acheche vei kika ea kifü soua buyu hriyu Ramai vei lüloumaimehi tazüe touyu sü nehi paosü peilai. 16Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü:
Puhsü emai zhu hinou ve ngaopeie,
Rako hinou puhye sü souzüpeie,
alia rakivamaitao nou puhye sü ngaoe.
Puh vanou tahrüh khemai hrohi paodoue,
deiphao buh liki hinou puhye sü loucheloue,
alia puhye sü rakihi pokhere.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.