1 TIMOTHI 2
2
Lüloumaime nou Rathoyu
1Südonou, raikai-a maikhemai hrülai donou Ramai hi khore, veachi paore, maisühsou khopeire, alia kalo paopeire donou; 2alia vemaitao ea kukhe teidei khomaitao donou khopeiresü Enou süpeiwe, sükuyu vanou Eletao nou Ramaiye khuhao-a ea maikhemai hi ha teitei hinou zhai aveinou ta-a pai-rao ha-a ea kaona-a hrülousüe. 3Sübüa souyu sü veishoe ea sünanou Eletaoye khailu-apeio Ramai puh züpa souwe, 4daiolouzü maikhemai hrülainou khailu louresü ea acheche vei tsü süna süloure sü puhnou züpawe. 5Daiolouzü sühisü Ramai ea emai kohi kolelou-apeio ali bue, mai sünasü Khrista Jisue. 6Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe. 7Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!
8Südonou poutumainou buh liki hinou lekha-rarouyu moa zü-veiyu ha-a puletao vei sheeyu bahnou laposhu Ramai hi veachi paoyu sü Enou züpawe. 9Alia sübüa naotumaitao-a mainou zhuposhu tsükhouyu ea khizü-nouzüyu sahnü taonou noulai, puletao vei peishuhai phu khaiwu laimoe moa sana touhnou moa zhaivei sana chuhnou moa muhteiyu sahnü taonou tupfüwu laimoe, 10ana vah veinou tuloulai, daiolouzü rahrüzhai tayu naotumaitaoe tea pao-a laiyu puletaoye donou süsü züshoe. 11Naotumaitao nou pai pakhaimoa ea natai-a douloulai. 12Enou naotumai taoyenou panou doupeiyu moa poutu maitao pei hi paopu soua panou buyu sü aetou moe; puletaosü nasha-a buvu zülai. 13Daiolouzü Adamye raikai-a soupeie, alia süshonou Efye soupeie. 14Alia Adamye athao nanou laloumoe; ana athao nanou naotupai sünaye laloua razhai nasü soukhore. 15Ana naotupai puhnou lü hinou avei zhai-hrü noupu koa thaokhaimoa hrüa bulouzü puhye sü tou-nah hrüyu hinou khaipa peilai.
Currently Selected:
1 TIMOTHI 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
1 TIMOTHI 2
2
Lüloumaime nou Rathoyu
1Südonou, raikai-a maikhemai hrülai donou Ramai hi khore, veachi paore, maisühsou khopeire, alia kalo paopeire donou; 2alia vemaitao ea kukhe teidei khomaitao donou khopeiresü Enou süpeiwe, sükuyu vanou Eletao nou Ramaiye khuhao-a ea maikhemai hi ha teitei hinou zhai aveinou ta-a pai-rao ha-a ea kaona-a hrülousüe. 3Sübüa souyu sü veishoe ea sünanou Eletaoye khailu-apeio Ramai puh züpa souwe, 4daiolouzü maikhemai hrülainou khailu louresü ea acheche vei tsü süna süloure sü puhnou züpawe. 5Daiolouzü sühisü Ramai ea emai kohi kolelou-apeio ali bue, mai sünasü Khrista Jisue. 6Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe. 7Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!
8Südonou poutumainou buh liki hinou lekha-rarouyu moa zü-veiyu ha-a puletao vei sheeyu bahnou laposhu Ramai hi veachi paoyu sü Enou züpawe. 9Alia sübüa naotumaitao-a mainou zhuposhu tsükhouyu ea khizü-nouzüyu sahnü taonou noulai, puletao vei peishuhai phu khaiwu laimoe moa sana touhnou moa zhaivei sana chuhnou moa muhteiyu sahnü taonou tupfüwu laimoe, 10ana vah veinou tuloulai, daiolouzü rahrüzhai tayu naotumaitaoe tea pao-a laiyu puletaoye donou süsü züshoe. 11Naotumaitao nou pai pakhaimoa ea natai-a douloulai. 12Enou naotumai taoyenou panou doupeiyu moa poutu maitao pei hi paopu soua panou buyu sü aetou moe; puletaosü nasha-a buvu zülai. 13Daiolouzü Adamye raikai-a soupeie, alia süshonou Efye soupeie. 14Alia Adamye athao nanou laloumoe; ana athao nanou naotupai sünaye laloua razhai nasü soukhore. 15Ana naotupai puhnou lü hinou avei zhai-hrü noupu koa thaokhaimoa hrüa bulouzü puhye sü tou-nah hrüyu hinou khaipa peilai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.