1 SAMUEL 20
20
Jonathan nou David ye Soukhayu
1Süthaisü David nou Ramah hi buyu Naioth nuhdu hinou tupoa ve Jonathan hi haibüa paoe, “Enou dai mahli souwure? Enou ne puo hi dai mah soupei khaitoua ne puo nou Eye southalai touwe?”
2Jonathan nou chila peie, “Neye panou daisounou thai shulai! Apuo nou soupfüre vah teitei sü ahi paongao-a baiwe, ae neye southalai touyu hai-a ahi paongao moa pokukhai toulai moe.”
3Ana David nou Jonathan hi chila peie, “Ne puo nou süwe, süolouzü ne hai Eye leshi showe, südonou puhnou tsüchoda khaitouyu nasü neye panou sümore donou lelawure, daiolouzü nenou süloure toulouzü ne le vea-a bailai, Hriyu Mapao zhih hinou ne hi chaachou soua paowe, süolouzü E hai thaire hinou phika ali baire.”
4Jonathan nou paoe, “Nenou jüpayu teitei sü Enou neye donou soupeilai.”
5David nou chila peie, “Dosho hai Khouh Ashu Nüh nülai, ae E-a veo ye koa tovai vaizhoyu hi loumo louzü shi-e. Ana nenou ae-ao toupei louzü, Eye panou daone khoukhe koute hai dou hinou ho tutsüa buwo. 6Hakinou ne puo nou Eye tovai zhoyu hi velou moa ngaoloure toulouzü, E hai ne hinou nouloua Bethlehem hi taho akikha maiye koa potei vei posheela-a nüh nüzhore donou tare tea paopeio. 7Hakinou ne puo nou ‘Süsü veire’ tea paolouzü E hai kaozhou vei-a bailai, ana ne puo hai rarou louzü, Eye soushire donou lelawure touyu nenou süloulai. 8Ramai zhih hinou ahai hai samai soulai tea chaachou soukhai touyu thaifüa, hai nasü zhuvea nou ajüpa soupeio. Ana Enou soumah khaitouyu bulouzü, Eye ne lah buh hai hinou southawo. Daisounou ne puo hi save Eye southalai?”
9Jonathan nou chila peie, “Sübüyu tsü choso! Hakinou apuo nou neye southalai tea bulouzü, daisounou E ne hi paomo shulai.”
10Süthaisü David nou Jonathan hi noue, “Ne puo nou ne hi raroua chila peire touyu sü thaonou tave ahi paopeilai?”
11“Ahai koa dou hi holai khe,” tea Jonathan nou chila peie. Südonou puhai koa dou hi hotare, 12ae Jonathan nou David hi paoe, “Israel maivei Ramai Mapao panou ahai ko hi shaki soulai! Dosho moa daone hai, chu phateile hi Enou apuo hinou chi noulai, ae puhnou neye jüpa-a bulouzü, Enou ne hi ko paota peilai. 13Ana puhnou neye soushilai tea bulouzü, Enou neye panou süloua tutalou moyu thaio, Mapao ye panou Eye southa theo. Mapao nou apuo ye salai peiyu büa neye salai peiyu soulou theo! 14Hakinou E thaimoa hria bulouzü, zhuvea nou ahai koa chaachou soukhai touyu thaifüa ahi chilee cheche-a bupeio; ana E thai louzü, 15avei kihikha maitao hi nevei zhuvea leshiyu nahai deraita peiso. Mapao nou nevei ngaobayu mai hrülaiye souhakhai toupeiyu phaki, 16ahai koa chaachou soukhai touyu nasü panou pepo tapeiso. Hakinou pepo tare toulouzü Mapao panou neye tudee peitheo.”#20.16 Phoure 15-16 nahai Hebrew hi sheesha toumoe.
17Jonathan nou David ye panou puh-a puhye leshi chechewe touyu vei chaachou ali hai panou soupu-e, daiolouzü Jonathan nou David ye leshiyu hai lah puhye leshiyu büa lesh-e. 18Süthaisü Jonathan nou puh hi paoe, “Dosho hai Khouh Ashu Nüh nülaire, ae nenou tovai vaizhoyu hisü velou moyu hai mainou sülou laire. 19Ae daone hai ne hare touyu hai mainou süpu laihie; südonou raichoki nenou taho tutsüyu chuh pokaokhai touyu thailo nou tutsüa bulo. 20Süthaisü Enou voulouthou asü hai ha kayu büa kakou peilai. 21Süthaisü Enou avei kilai na hi takou voulouthou phoukhaio tea paopeilai. Enou puh hi ‘Voulouthou sü hailova bubaie, takou phouloua polo,’ tea paolouzü, ne hai kaozhou vei-a bailai, vakou tapaloua bailai. Hria buyu Mapao zhih hinou Enou chaachou soua paowe, ne kaozhou ashi daolai moe. 22Ana Enou avei kilai na hi ‘Voulouthou sü holova koure,’ tea paolouzü, ne tavai loua baio, daiolouzü Mapao nou süsü neye seitawe. 23Ahai nou koa chaachou soukhai touyu nasü Mapao panou veteyu sü soupeiyu soulou theo.”
24Südonou David hai dou hinou tutsüa bure. Khouh Ashu Nüh nüzhoyu tovai buh hisü Veo Saul hai veloure, 25ae puhnou teisa nou buyu buh kivova hilosü buloure. Abner nou puhye da-a nou bue, ae Jonathan nou puh nghoujülo bue. David vei buh hai sakhai-a bue, 26ana süzhou hai Saul nou hachilia paomore, daiolouzü puhnou haibüa choloure, “Naanou hilovanou David hai soushee loumoa vemoyu phare.” 27Khouh Ashu Nüh nülouyu thainesho-a David vei buh hai sakhai-a bubaire, südonou Saul nou Jonathan hi noue, “David hai daisounou do-a ae zhou-a tovai vaizhoyu hisü velou mowe?”
28Jonathan nou chila peie, “Puhnou ahi zhuvea panou puhye Bethlehem hi tawo tea kholoure. 29Puhvei kikha maitao hai koa posheelayu vei khonüh nüzhore donou puhye puh jürai maitao nou velouyu deinou shi-e tea paovewe tea ahi paoe. Südonou puhvei kihikha maitaoye taho zhure donou E hai puhvei samai khamai-e toulouzü puhye panou tawo tea ahinou kholoure. Südonou neye koa vaizhoyu buh hisü puh hai velou loumore.”
30Saul hai Jonathan hi lekha sholoua haibüa paoe, “Ne hai khakhapfü nah baie! Ne lah ne hi hraongu pove loure donou ae neye napeiyu ne pfüye hrao soupeire donou ne hai David ye phaobowe touyu Enou süwe. 31David hria bukisa sü ne hai pa tyadei haina hi veo koulou hoe touyu ne sümowu? Südonou taho puhye hai hi save-o, daiolouzü puh hai thaivu zülai.”
32Süthaisü Jonathan nou puh puo Saul hi chila peie, “Puhye daisounou southalai touwe? Puhnou dai mah soukhai toue?”
33Sübüa Jonathan nou chi noupei khaie, Saul sü puhye heung nou laikou phyare. Haibüa puh puo nou rapayu ngaolou khaie, Jonathan nou puh puo hai David ye southa vuzülai tea buloure touyu hai süloure. 34Südonou Jonathan nou süzhou hai haliro toumoa rarouloua vaizhoyu buh sü thaokhaiwua tare— süzhou hai Khouh Ashu Nüh nüyu teithe ahai chena-e. Puh puo Saul nou David ye ngaophou moyu donou Jonathan hai David ye donou levea shore. 35Thainesho shona sü puhai nou paokhai touyu thaifüa Jonathan nou David ye daore donou dou hisü nahmaitu aliye saloua tare. 36Jonathan nou puh hi paoe, “Enou voulouthou kalaiyu nasü ne tukou phouloua nou polo.” Nahtou nanou tukouyu jünou la-a Jonathan nou voulouthou nasü kakoure. 37Nahtou nanou voulouthou dekouyu buh hi kouyu phaki, Jonathan nou shusoua shapaoe, “Voulouthou sü buh taijünou lakou hie! 38Tehinou la-a buso! Thashoa nou polo!” Nahtou nanou voulouthou taosü koloua puh paopu hisü dakhai koure. 39Ana nahtou nanou daisouwe touyu haliro sümoe; Jonathan ae David likhei süa baie. 40Jonathan nou puhvei reihna khesü puhye salaiyu nahtou na hi peiwua puhye panou ki hi poa dakhai tare.
41Nahtou nanou dakhai tayu thai, David nou chuh pojü khaitouyu thailo vanou tapa loure, ae puhnou khoukhe loua puh pah pfükou deiphi khurü asü kho-e. Süthaisü Jonathan puhai hai alinou aliye kholoua kra-a nou mütei-e. David nou leveayu hai Jonathan jünou leveapure. 42Süthaisü Jonathan nou David hi paoe, “Ramai ye panou neye salai peiyu sü soulou theo. Ahai nou chavei lathao-a hrülai tea chaachou soukhai touyu nasü Mapao ye panou avei ae nevei tyaosholea phao hia panou bukou teyu sü soulou theo.” Süthaisü David hai tare, ae Jonathan-a lah ki hi dakhai vere.
Currently Selected:
1 SAMUEL 20: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
1 SAMUEL 20
20
Jonathan nou David ye Soukhayu
1Süthaisü David nou Ramah hi buyu Naioth nuhdu hinou tupoa ve Jonathan hi haibüa paoe, “Enou dai mahli souwure? Enou ne puo hi dai mah soupei khaitoua ne puo nou Eye southalai touwe?”
2Jonathan nou chila peie, “Neye panou daisounou thai shulai! Apuo nou soupfüre vah teitei sü ahi paongao-a baiwe, ae neye southalai touyu hai-a ahi paongao moa pokukhai toulai moe.”
3Ana David nou Jonathan hi chila peie, “Ne puo nou süwe, süolouzü ne hai Eye leshi showe, südonou puhnou tsüchoda khaitouyu nasü neye panou sümore donou lelawure, daiolouzü nenou süloure toulouzü ne le vea-a bailai, Hriyu Mapao zhih hinou ne hi chaachou soua paowe, süolouzü E hai thaire hinou phika ali baire.”
4Jonathan nou paoe, “Nenou jüpayu teitei sü Enou neye donou soupeilai.”
5David nou chila peie, “Dosho hai Khouh Ashu Nüh nülai, ae E-a veo ye koa tovai vaizhoyu hi loumo louzü shi-e. Ana nenou ae-ao toupei louzü, Eye panou daone khoukhe koute hai dou hinou ho tutsüa buwo. 6Hakinou ne puo nou Eye tovai zhoyu hi velou moa ngaoloure toulouzü, E hai ne hinou nouloua Bethlehem hi taho akikha maiye koa potei vei posheela-a nüh nüzhore donou tare tea paopeio. 7Hakinou ne puo nou ‘Süsü veire’ tea paolouzü E hai kaozhou vei-a bailai, ana ne puo hai rarou louzü, Eye soushire donou lelawure touyu nenou süloulai. 8Ramai zhih hinou ahai hai samai soulai tea chaachou soukhai touyu thaifüa, hai nasü zhuvea nou ajüpa soupeio. Ana Enou soumah khaitouyu bulouzü, Eye ne lah buh hai hinou southawo. Daisounou ne puo hi save Eye southalai?”
9Jonathan nou chila peie, “Sübüyu tsü choso! Hakinou apuo nou neye southalai tea bulouzü, daisounou E ne hi paomo shulai.”
10Süthaisü David nou Jonathan hi noue, “Ne puo nou ne hi raroua chila peire touyu sü thaonou tave ahi paopeilai?”
11“Ahai koa dou hi holai khe,” tea Jonathan nou chila peie. Südonou puhai koa dou hi hotare, 12ae Jonathan nou David hi paoe, “Israel maivei Ramai Mapao panou ahai ko hi shaki soulai! Dosho moa daone hai, chu phateile hi Enou apuo hinou chi noulai, ae puhnou neye jüpa-a bulouzü, Enou ne hi ko paota peilai. 13Ana puhnou neye soushilai tea bulouzü, Enou neye panou süloua tutalou moyu thaio, Mapao ye panou Eye southa theo. Mapao nou apuo ye salai peiyu büa neye salai peiyu soulou theo! 14Hakinou E thaimoa hria bulouzü, zhuvea nou ahai koa chaachou soukhai touyu thaifüa ahi chilee cheche-a bupeio; ana E thai louzü, 15avei kihikha maitao hi nevei zhuvea leshiyu nahai deraita peiso. Mapao nou nevei ngaobayu mai hrülaiye souhakhai toupeiyu phaki, 16ahai koa chaachou soukhai touyu nasü panou pepo tapeiso. Hakinou pepo tare toulouzü Mapao panou neye tudee peitheo.”#20.16 Phoure 15-16 nahai Hebrew hi sheesha toumoe.
17Jonathan nou David ye panou puh-a puhye leshi chechewe touyu vei chaachou ali hai panou soupu-e, daiolouzü Jonathan nou David ye leshiyu hai lah puhye leshiyu büa lesh-e. 18Süthaisü Jonathan nou puh hi paoe, “Dosho hai Khouh Ashu Nüh nülaire, ae nenou tovai vaizhoyu hisü velou moyu hai mainou sülou laire. 19Ae daone hai ne hare touyu hai mainou süpu laihie; südonou raichoki nenou taho tutsüyu chuh pokaokhai touyu thailo nou tutsüa bulo. 20Süthaisü Enou voulouthou asü hai ha kayu büa kakou peilai. 21Süthaisü Enou avei kilai na hi takou voulouthou phoukhaio tea paopeilai. Enou puh hi ‘Voulouthou sü hailova bubaie, takou phouloua polo,’ tea paolouzü, ne hai kaozhou vei-a bailai, vakou tapaloua bailai. Hria buyu Mapao zhih hinou Enou chaachou soua paowe, ne kaozhou ashi daolai moe. 22Ana Enou avei kilai na hi ‘Voulouthou sü holova koure,’ tea paolouzü, ne tavai loua baio, daiolouzü Mapao nou süsü neye seitawe. 23Ahai nou koa chaachou soukhai touyu nasü Mapao panou veteyu sü soupeiyu soulou theo.”
24Südonou David hai dou hinou tutsüa bure. Khouh Ashu Nüh nüzhoyu tovai buh hisü Veo Saul hai veloure, 25ae puhnou teisa nou buyu buh kivova hilosü buloure. Abner nou puhye da-a nou bue, ae Jonathan nou puh nghoujülo bue. David vei buh hai sakhai-a bue, 26ana süzhou hai Saul nou hachilia paomore, daiolouzü puhnou haibüa choloure, “Naanou hilovanou David hai soushee loumoa vemoyu phare.” 27Khouh Ashu Nüh nülouyu thainesho-a David vei buh hai sakhai-a bubaire, südonou Saul nou Jonathan hi noue, “David hai daisounou do-a ae zhou-a tovai vaizhoyu hisü velou mowe?”
28Jonathan nou chila peie, “Puhnou ahi zhuvea panou puhye Bethlehem hi tawo tea kholoure. 29Puhvei kikha maitao hai koa posheelayu vei khonüh nüzhore donou puhye puh jürai maitao nou velouyu deinou shi-e tea paovewe tea ahi paoe. Südonou puhvei kihikha maitaoye taho zhure donou E hai puhvei samai khamai-e toulouzü puhye panou tawo tea ahinou kholoure. Südonou neye koa vaizhoyu buh hisü puh hai velou loumore.”
30Saul hai Jonathan hi lekha sholoua haibüa paoe, “Ne hai khakhapfü nah baie! Ne lah ne hi hraongu pove loure donou ae neye napeiyu ne pfüye hrao soupeire donou ne hai David ye phaobowe touyu Enou süwe. 31David hria bukisa sü ne hai pa tyadei haina hi veo koulou hoe touyu ne sümowu? Südonou taho puhye hai hi save-o, daiolouzü puh hai thaivu zülai.”
32Süthaisü Jonathan nou puh puo Saul hi chila peie, “Puhye daisounou southalai touwe? Puhnou dai mah soukhai toue?”
33Sübüa Jonathan nou chi noupei khaie, Saul sü puhye heung nou laikou phyare. Haibüa puh puo nou rapayu ngaolou khaie, Jonathan nou puh puo hai David ye southa vuzülai tea buloure touyu hai süloure. 34Südonou Jonathan nou süzhou hai haliro toumoa rarouloua vaizhoyu buh sü thaokhaiwua tare— süzhou hai Khouh Ashu Nüh nüyu teithe ahai chena-e. Puh puo Saul nou David ye ngaophou moyu donou Jonathan hai David ye donou levea shore. 35Thainesho shona sü puhai nou paokhai touyu thaifüa Jonathan nou David ye daore donou dou hisü nahmaitu aliye saloua tare. 36Jonathan nou puh hi paoe, “Enou voulouthou kalaiyu nasü ne tukou phouloua nou polo.” Nahtou nanou tukouyu jünou la-a Jonathan nou voulouthou nasü kakoure. 37Nahtou nanou voulouthou dekouyu buh hi kouyu phaki, Jonathan nou shusoua shapaoe, “Voulouthou sü buh taijünou lakou hie! 38Tehinou la-a buso! Thashoa nou polo!” Nahtou nanou voulouthou taosü koloua puh paopu hisü dakhai koure. 39Ana nahtou nanou daisouwe touyu haliro sümoe; Jonathan ae David likhei süa baie. 40Jonathan nou puhvei reihna khesü puhye salaiyu nahtou na hi peiwua puhye panou ki hi poa dakhai tare.
41Nahtou nanou dakhai tayu thai, David nou chuh pojü khaitouyu thailo vanou tapa loure, ae puhnou khoukhe loua puh pah pfükou deiphi khurü asü kho-e. Süthaisü Jonathan puhai hai alinou aliye kholoua kra-a nou mütei-e. David nou leveayu hai Jonathan jünou leveapure. 42Süthaisü Jonathan nou David hi paoe, “Ramai ye panou neye salai peiyu sü soulou theo. Ahai nou chavei lathao-a hrülai tea chaachou soukhai touyu nasü Mapao ye panou avei ae nevei tyaosholea phao hia panou bukou teyu sü soulou theo.” Süthaisü David hai tare, ae Jonathan-a lah ki hi dakhai vere.
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.