1 SAMUEL 19
19
Saul nou David ye Souveayu
1Saul nou puh nahpoutu Jonathan hi ae puhvei peikho maitao hisü David ye southare donou tsüchoda khaiwure tea paoe. Ana Jonathan nou David ye sü leshi shoe, 2südonou puhnou David hi paoe, “Apuo nou neye sü southalai tea bure, südonou dosho shona hai kailoua nou tutsülo. 3Ae nenou tutsüa buyu buh hisünou Enou apuo pe hinou kou laloua neye donou chi phalai, ae Enou hataralia süloure toulouzü ne hi paongao peilai.”
4Jonathan nou puh puo Saul hi David ye paosho-a haibüa paoe, “Apuo Veowo, ne kilai David pei hi mah souso. Puhnou ne hi vah ashi ali-a soumoe, vah ashi souyu thaosü, puhnou soupfüyu vah teitei hai neye soukha peia baie. 5Puhvei hrirai hayu pimoa taho Goliath ye southa peie, ae Mapao nou Israel maiye panou ngalouyu sü peie. Hai khesü nenou ngaolouyu phaki ne-a asa shoa baie. Ana chuo ne daisounou mah lia hayu David ye sü southalai touge?”
6Jonathan nou paoyu chipao khesü Saul nou keiloua kaore tea poloure, ae Mapao zhih hinou puhnou David ye southalai more tea chaachou souwure. 7Südonou Jonathan nou taho David ye kuloua ko khesü puh hi paongaoe, süthaisü puhnou David ye saloua Saul hi save peie, ae David nou raichoki büa Saul vei kuvah sü soupue.
8Philistin maiye soureih sü soutapu khaire, ae David nou Philistin maiye alaosou southa peie, sübüa Philistin mai hai tutare.
9Teithe ali Mapao hinou veyu rashi rako nanou Saul hisü velou loure. Süphaki Saul hai puh ki hinou heung ali poa nou bue, ae David hai lana poa nou lou soua bue. 10Saul nou David ye sü kivova hi heung nou laikou phyapa khaiwulai tea phyakou-e, ana David nou reiloua puh heung hai kivova hi phyakhai baire, ae David hai tureipa loure.
11Süzhou khei sü Saul nou puhvei maiye seive David ki sü kholoua panou thainesho shona sü puhye southare donou leve-e. Ana David vei chapfü Mikhal nou puh hi paoe, “Zhou khei nou tuvai loumo louzü, ne hai dosho shona thai-a bailai.” 12Südonou Mikhal nou David ye sü panou vabomü hinou taopaloua tuta loure. 13Süthaisü honapai nou kihikha maivei bashara nasü poloua züphao hi zükhai loure, ae nghitumai nou soukhai touyu peikhü nou pei hi thou khüpeia sah nou hopeiwure. 14Saul vei maitao nou David ye salai tea veyu phaki, Mikhal nou puletao hisü David hai souwe tea paopeiwure. 15Ana Saul nou puletaoye seida khaive “David ye zhukhaio, ae puhye züphao hinou kaopoloua haihi poveo, Enou puhye sü southawulai,” tea kharochi peie. 16Puletao nou kikha talou zhuyu phaki, züphao hisü kihikha maivei bashara nasü nghitu mainou soukhai touyu peikhü nou khüpei khaitoua ngaoloua baire. 17Saul nou Mikhal hi noue, “Ne daisounou haibüa shodo ashi sü ahi soupeia panou Eye ngaobayu mainaye tuta louwe?”
Honapai nou haibüa chila peie, “Puhye panou turei palou molouzü Eye southalai tea puhnou paoloure.”
18David nou turei paloua tuve Samuel nou buyu Ramah nuhdu hisü veloure, ae puhnou puh hi Saul nou soupfüyu teitei sü paongao peie. Süthaisü Samuel puhai hai taho Naioth hinou hrütare. 19David hai Ramah hinou buyu Naioth hinou bushe tea Saul hi mainou paopeie. 20Südonou puhnou David ye panou nüloure donou puhvei maiye seitare. Puletao nou rachipaolayu maime ali hai Samuel nou süthaisa-a shusoua nou lou soua ae chopoa nou buyu ngaoe. Süthaisü Ramai vei rako nou Saul vei maitao hi louloua puletao hai-a shusoua lou soua chotare. 21Saul nou ko hai khesü choulou khaie, puhnou maime kukhe aliye seita pu-e, ae puletao-a cho-a nou shusoua rachi paotare. Puhnou bakha asü chena soua maime ali seitapu-e, ae puletao-a raibütoua baire. 22Süthaisü puh pfüzho vuzünou talai tea Ramah hisü ve loure. Puhnou Seku hi buyu dzükhao hi veyu phaki, Samuel ae David hai daiki nou bue tea mai hi nouyu phaki, puhai hai Naioth hi bue tea mainou paopeie. 23Puhnou buh sühi veyu phaki, Ramai vei rako nou puh hi koulouloua puh-a shusoua cho-a ae rachipaola-a Naioth hi veyu ludu sasü ta-e. 24Puhnou puhvei sabanü teitei sü phalaiwua Samuel vei nghoujünou shusoua cho-a rachipaola-e, ae baitoua puhnou hea ali ae khei ali bue. (Südonou haibüa nada paowe, “Saul koute-a rachipaola apei mai soutarevu?”)
Currently Selected:
1 SAMUEL 19: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
1 SAMUEL 19
19
Saul nou David ye Souveayu
1Saul nou puh nahpoutu Jonathan hi ae puhvei peikho maitao hisü David ye southare donou tsüchoda khaiwure tea paoe. Ana Jonathan nou David ye sü leshi shoe, 2südonou puhnou David hi paoe, “Apuo nou neye sü southalai tea bure, südonou dosho shona hai kailoua nou tutsülo. 3Ae nenou tutsüa buyu buh hisünou Enou apuo pe hinou kou laloua neye donou chi phalai, ae Enou hataralia süloure toulouzü ne hi paongao peilai.”
4Jonathan nou puh puo Saul hi David ye paosho-a haibüa paoe, “Apuo Veowo, ne kilai David pei hi mah souso. Puhnou ne hi vah ashi ali-a soumoe, vah ashi souyu thaosü, puhnou soupfüyu vah teitei hai neye soukha peia baie. 5Puhvei hrirai hayu pimoa taho Goliath ye southa peie, ae Mapao nou Israel maiye panou ngalouyu sü peie. Hai khesü nenou ngaolouyu phaki ne-a asa shoa baie. Ana chuo ne daisounou mah lia hayu David ye sü southalai touge?”
6Jonathan nou paoyu chipao khesü Saul nou keiloua kaore tea poloure, ae Mapao zhih hinou puhnou David ye southalai more tea chaachou souwure. 7Südonou Jonathan nou taho David ye kuloua ko khesü puh hi paongaoe, süthaisü puhnou David ye saloua Saul hi save peie, ae David nou raichoki büa Saul vei kuvah sü soupue.
8Philistin maiye soureih sü soutapu khaire, ae David nou Philistin maiye alaosou southa peie, sübüa Philistin mai hai tutare.
9Teithe ali Mapao hinou veyu rashi rako nanou Saul hisü velou loure. Süphaki Saul hai puh ki hinou heung ali poa nou bue, ae David hai lana poa nou lou soua bue. 10Saul nou David ye sü kivova hi heung nou laikou phyapa khaiwulai tea phyakou-e, ana David nou reiloua puh heung hai kivova hi phyakhai baire, ae David hai tureipa loure.
11Süzhou khei sü Saul nou puhvei maiye seive David ki sü kholoua panou thainesho shona sü puhye southare donou leve-e. Ana David vei chapfü Mikhal nou puh hi paoe, “Zhou khei nou tuvai loumo louzü, ne hai dosho shona thai-a bailai.” 12Südonou Mikhal nou David ye sü panou vabomü hinou taopaloua tuta loure. 13Süthaisü honapai nou kihikha maivei bashara nasü poloua züphao hi zükhai loure, ae nghitumai nou soukhai touyu peikhü nou pei hi thou khüpeia sah nou hopeiwure. 14Saul vei maitao nou David ye salai tea veyu phaki, Mikhal nou puletao hisü David hai souwe tea paopeiwure. 15Ana Saul nou puletaoye seida khaive “David ye zhukhaio, ae puhye züphao hinou kaopoloua haihi poveo, Enou puhye sü southawulai,” tea kharochi peie. 16Puletao nou kikha talou zhuyu phaki, züphao hisü kihikha maivei bashara nasü nghitu mainou soukhai touyu peikhü nou khüpei khaitoua ngaoloua baire. 17Saul nou Mikhal hi noue, “Ne daisounou haibüa shodo ashi sü ahi soupeia panou Eye ngaobayu mainaye tuta louwe?”
Honapai nou haibüa chila peie, “Puhye panou turei palou molouzü Eye southalai tea puhnou paoloure.”
18David nou turei paloua tuve Samuel nou buyu Ramah nuhdu hisü veloure, ae puhnou puh hi Saul nou soupfüyu teitei sü paongao peie. Süthaisü Samuel puhai hai taho Naioth hinou hrütare. 19David hai Ramah hinou buyu Naioth hinou bushe tea Saul hi mainou paopeie. 20Südonou puhnou David ye panou nüloure donou puhvei maiye seitare. Puletao nou rachipaolayu maime ali hai Samuel nou süthaisa-a shusoua nou lou soua ae chopoa nou buyu ngaoe. Süthaisü Ramai vei rako nou Saul vei maitao hi louloua puletao hai-a shusoua lou soua chotare. 21Saul nou ko hai khesü choulou khaie, puhnou maime kukhe aliye seita pu-e, ae puletao-a cho-a nou shusoua rachi paotare. Puhnou bakha asü chena soua maime ali seitapu-e, ae puletao-a raibütoua baire. 22Süthaisü puh pfüzho vuzünou talai tea Ramah hisü ve loure. Puhnou Seku hi buyu dzükhao hi veyu phaki, Samuel ae David hai daiki nou bue tea mai hi nouyu phaki, puhai hai Naioth hi bue tea mainou paopeie. 23Puhnou buh sühi veyu phaki, Ramai vei rako nou puh hi koulouloua puh-a shusoua cho-a ae rachipaola-a Naioth hi veyu ludu sasü ta-e. 24Puhnou puhvei sabanü teitei sü phalaiwua Samuel vei nghoujünou shusoua cho-a rachipaola-e, ae baitoua puhnou hea ali ae khei ali bue. (Südonou haibüa nada paowe, “Saul koute-a rachipaola apei mai soutarevu?”)
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.