SAM 64
64
Vên him dîlna
Hla hruaitu tân: Davida Fakna hla
1Ka mangang au hi, aw Pathian lo ngaithla la,
Hmêlma hlauhawm lakah ka nun hi hum ang che.
2Mi sual pung khâwm lakah min thukru la,
Thil dik lo titute kal khâwmho lakah chuan.
3Khandaih angin an lei an tât hriam a,
Thu huatthlala tak chuan thal angin min tin.
4Mi pawi sawi lo kah hlum tumin an châng ru a,
An kâp thut ṭhîn, hlauh rêng an nei lo ve.
5Thil sual ti tûrin an intêl ruh a,
Thang kam rûk zai an rêl.
“Tu nge hmu ang?” an ti.
6Thil sual an rawt chhuak a,
“Hmuh chhuah rual loh kan rawt tâk hi,” an ti.
An ngaihtuahna chu a thûk a ni.
7Pathianin a kâp ve thung ang a,
An tlu nghâl phung ang.
8An thu sawi ngei chu an chhiat phah ang a,#64:8 LXX lama lehlin dân zui a ni. Heb. ‘Ani chu an tichhia ang, an thu chuan anmahni a kalh si a.’
A hmu apiangte chuan an lu an thin khum ang.
9Mi tinin an hlau vang a,
“Pathian tih a ni,” an ti ang a,
A hna thawhte an hrethiam ang.
10Mi dikte chu Lalpa-ah chuan an lâwm ang a,
Amahah chuan an tlulût ang,
Mi ngîlte chuan amah an chhuang bawk ang.
Currently Selected:
SAM 64: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
