SAM 16
16
Ringtu ṭawngṭaina
Davida fakna hla: lunga ziak#16: Sâm hming: Heb. ‘Miktam’.
1Aw Pathian, i hnênah ka lo tlulût ta a,
Min lo hum rawh.
2 Lalpa hnênah, ‘Ka Lalpa chu i ni,
Nang chauh hi ka tân i ṭha,’ ka ti a.
3Leia mi thianghlim awmte chu ropui ka ti a,
ka duhzâwng tak an ni.
4Pathian dang thlangtute chuan
An thil tuar tûr an tipung#16:4 Hebrai lam a chiang lo. lek a ni.
In tûr thil hlana, thisen an hlannaah ka tel lo vang a,
An pathian hming ka lam ve hek lo vang.
5 Lalpan ka chanpual tûr, ka no mi ruatsak a,
Nang hi i ni ka awm dân tûr mi rêlsaktu chu.
6Ram ṭha min rochuntîr a, a ri min khamsak a,
Ka chan tûr chu a duhawm hle a ni.
7Rem mi ruatsaktu Lalpa chu ka fak ang a,
Zânahte pawh aman min zirtîr ṭhîn.
8Ka hmaah hian Lalpa a awm fo va,
Ka ding lamah a awm ṭhîn a, ka nghîng lo vang.#Tirh. 2:25-28.
9Chuvâng tak chuan, thinlung lâwmin ka hlim ta êm êm a,
Ka taksa pawh thlamuang takin a awm hle hle tawh ang.
10Ka thlarau hi Seol-ah chuan i hnutchhiah lo vang a,
I tâna inserh hi a ṭawih rala hmuh i phal hek lâwng. #Tirh. 13:25.
11Nunna kawng chu mi kawhhmuh a,
Hlimna kim chu i bula awm a ni,
I ding lamah chatuan nawmna a awm bawk si a.
Currently Selected:
SAM 16: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
