JONA 2
2
Jona ṭawngṭaina
1Jona chu sangha kawchhûng aṭang chuan a Pathian, Lalpa hnênah heti hian a ṭawngṭai a:
2“Ka mangan tâwpah Lalpa ka ko va,
Anin min chhâng a, Seol aṭangin ka au va,
Nangin ka aw i lo hre ta.
3Tuifinriat mawng, a thûk laiah
Nangin min paih lût a,
Tuite chuan min khuh hlup hlup a,
I tuifâwnte leh tui inchhawkte chuan min vûr ta.
4Kei chuan, ‘I hnên ata min hnawt chhuak a,
I in thianghlim ka hmu dâwn tawh lo a nih hi,’
Ka lo ti a.
5Tuite chuan min chîm pil a,
Ka vêlin tuithûkpui#2:5 Lei leh vân huala tui awm nia an ngaih ṭhin kha an sawi ṭhin dân chuan ‘tuithûkpui’ tih a ni. chuan min hual a,
Tuifinriat hnimte chuan ka lu a phuar a.
6Tlâng innghahnaahte ka tla lût a,
Lei hnuai khura tâng reng#2:6 Heb. ‘Lei chhûng kawngkhâr kalh tlat’ tih a ni. tûrin.
Mahse, aw Lalpa, ka Pathian,
Nangin khur thûk ata chu min la chhuak ta.
7Thi mai dâwna ka inhriat lai khân Lalpa chu ka hre reng a,
Ka ṭawngṭaina chu i biak in thianghlimah
I hnên a lo thleng ta.
8Eng mah ni lo milem betute chu
I lakah an rinawm ta lo va ni.
9Kei erawh chuan fak hla sa-in
Inthawina ka hlân ang che,
Ka thutiam chu ka hlen ang,
Chhandamtu chu Lalpa a ni si a,” tiin.
10Tichuan, Lalpa chuan sangha chu thu a pe a, khawmualah Jona chu a law chhuak ta a.
Currently Selected:
JONA 2: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
