JOBA 42

1Tichuan, Joba chuan Lalpa chu a chhâng a:

2“Engkim i tithei tih ka hria,

I tum chu dâl rual a ni lo.

3Eng mah hre si lo hian engtizia nge

I remruat hi ka lo sawisêl mai le!

Ka hriatthiam lohte chu ka lo sawi a ni,

Ka hriat phâk loh, ka tâna mak lutukte chu.#Job. 38:2.

4I sawi ngaithla tûr leh

I zawhna chhâng tûrin min ti a, #Job. 38:3.

5Mi sawi aṭang chauhvin ka lo hria che a,

Mahse, tûnah zawng ka mit ngeiin ka hmu ta che a ni.

6Chuvâng tak chuan ka inten a,

Vut leh vaivuta ṭhuin ka sim ta e,” a ti a.

Tlângkawmna

7Tin, Lalpa chuan Joba hnêna hêng thu hi a sawi zawhin, Elifaza, Teman mi hnênah, “I chungah leh i ṭhian pahnihte chungah ka thin a ur hle a ni. Ka chhiahhlawh Joba angin ka chungchâng thu dik takin in sawi si lo. 8Tichuan, bâwngpa pasarih leh berâmpa pasarih keng ula, ka chhiahhlawh Joba hnênah va kal ula, in tân hâlral thilhlan va hlân rawh u. Tin, ka chhiahhlawh Joba chuan a ṭawngṭaisak ang che u a, a dîl angin ka lo pawmsak ang a, in âtzia ang zêl chuan ka thungrûl lo vang che u, ka chhiahhlawh Joba angin ka chungchâng thu dik takin in sawi si lo va,” a ti a.

9Tichuan, Elifaza, Teman mi te, Bildada, Sua mi te, Zofara, Naama mi te chu an va kal a, Lalpa thupêk ang zêl chuan an ti a. Tin, Lalpa chuan Joba dîlna chu a ngaithla a. 10Joban a ṭhiante a ṭawngṭaisak hnuin Lalpa chuan Joba chu a tiṭha a, a hmaa a neih lêt hnih a pe leh ta a.#Job. 1:1-3. 11Tin, a unaute leh a farnu zawng zawngte, tûn hmaa a hmêlhriat zawng zawngte chu a hnênah an lo kal a; a inah chawhlui an kîl ho va. Lalpa chuan a chunga thil ṭha lo a thlentîr avângte chuan pawi an tihzia an hrilh a, an thlamuan a. Mite chuan tangkaraw tlang#42:11 Heb. ‘Kesita’ tih a ni. He tangka hlut dân hi hriat chian a ni lo, ‘berâm’ tia lehlin tûr nia ngai an awm. te, rangkachak zungbunte an pe ṭheuh va.

12 Lalpa chuan Joba hun hnuhnûng chu a hun hmasa aiin nasa takin mal a sâwm a. Berâm sîngkhat leh sângli, sanghâwngsei sângruk, bâwng tuak sângkhat, sabengtungpui sângkhat a nei a. 13Fapa pasarih#42:13 Targum lamah ‘sâwm leh pali’ tih a ni. leh fanu pathum a nei bawk a. 14A fanu upa ber hmingah Jemimai a sa a, a dawttu hmingah Keziaii, a pathumna hmingah Keren-hapuki#42:14 Joba fanute hming hi hming mawi leh duhawma ngaih a ni, a awmzia pawh thil mawi sawina a ni. Jemimai chu ṭhuro-i tihna, Keziai chu thing rimtui hming a ni, thakthîng ang deuh, a hnuhnûng ber hming hi rimtui bâwm tê tak tê duhawm tak si sawina a ni. a sa ta bawk a. 15Ram zawng zawngah pawh Joba fanute anga nula hmêlṭha an awm lo. An pa chuan anni chu an nuṭate nên ro chan tûr a siamsak ṭheuh va.

16Hemi hnu hian Joba chu a dam zêl a, kum za leh sawmli a dam a ni. A fapa te, a tupa te, chhuan li thlengin a hmu phâk a, 17Joba chu upa tak, tarkûna damin a thi ta a.

Currently Selected:

JOBA 42: MIZCLBSI

Highlight

Copy

Compare