HAGAIA 1

Tempul din thar leh tûra Lalpa thupêk

1Lal Daria lal kum hnihna,#1:1 An kum hi March ni 15-a inṭan a ni a, B.C. 520, August ni 15 ni hian Hagaian thu a sawi a, a thla leh ni 9 chuan lungphûm rem an chhunzawm leh ta. thla rukna, ni khat ni chuan Lalpa thu zâwlnei Hagaia hmangin Sealtiela fapa Zerubabela, Judai ramawptu#1:1 Persia sawrkâr hna hming a ni, Zerubabela hi Juda mi ni mah se a kai sâng hle; mahse, lal thu lo chuan hetiang thupui hi a ti ngam lo. hnênah leh Jehozadaka fapa Josua, Puithiam lalber hnênah a lo thleng a.#Ezra 4:24—5:2; 6:14. 2Engkim Lalpa chuan heti hian a ti: “Hêng mite hian, Lalpa In sak a la hun rih lo ve, an ti,” tiin. 3Tichuan, Lalpa thu chu zâwlnei Hagaia hnênah a lo thleng a. 4“Ka in a chhiat rem rum laia, nangni, in ṭha leh nuam tak taka in chêng hi a dik em ni?” tiin. 5Engkim Lalpa chuan heti hian a ti: “In awm dân hi ngun takin chhût teh u. 6Tam tak in chîng a, tlêm tê in thar a; in ei a, in tlai si lo; in sin a, in lum si lo, inhlawhfa hlawh chu ip pawpa thlâk ang mai a ni.” 7Engkim Lalpa chuan heti hian a ti, “In awm dân hi ngun takin chhût teh u. 8Tlângahte han kal ula, thing han la ula, Tempul chu sa rawh u. Chu chu ka lâwmzâwng tak a ni; tichuan, chawimawiin ka awm dâwn nia,” Lalpa chuan a ti.

9“Tam tak seng in beisei a, en teh u, a lo tlêm hle si. Ina in rawn hawn pawh ka lo chhêm darh#1:9 ‘tichhia’ tih theih a ni. a. Eng vângin nge?” tih hi Engkim Lalpa thuchhuak a ni. “Mahni in sa-in in buai ṭheuh va, ka in chu chhe rem rum a, in hlamchhiah vâng a ni. 10Tichuan, nangmahni avângin vân daifîm a tla lo vang a, leiin thlai rah a chhuahsak hek lo vang che u. 11Ram pumah khua ka tikhêng ang a, tlâng te, buh te, grep te, Oliv te a ro zo vang a, leia thil ṭo zawng zawng te, mihring te, ram te leh in thil chîn zawng zawng chuan an tuar ang.”

Miten Lalpa thupêk an zâwm

12Sealtiela fapa Zerubabela te, Jehozadaka fapa Josua, Puithiam lalberte leh mi la awm#1:12 Sala tâng ve lote sawina a ni thei; amaherawhchu, sala tâng thi bâng, Babulon aṭanga chhuakho kha an ni âwm e. zawng zawngte chuan, Lalpa, an Pathian thu, zâwlnei Hagaia thute chu an zâwm a. Ani chu Lalpa, an Pathian tirh a ni a; tichuan, mipui chu Lalpa hmaah chuan an zâm ta a. 13Mipuite hnênah Lalpa chuan, “In hnênah ka awm zêl dâwn,” a ti. 14Tichuan, Lalpa chuan Sealtiela fapa Zerubabela, Judai ram awptu te, Jehozadaka fapa Josua, Puithiam lalber te leh mi la awm zawngte rilru chu a chawk tho ta a. 15Lal Daria lal kum hnihna, thla rukna, ni sawmhnih leh pali ni chuan Engkim Lalpa, an Pathian In sa ṭan tûr chuan an lo thawk ta a.

Currently Selected:

HAGAIA 1: MIZCLBSI

Highlight

Copy

Compare