1 KORINTH 2

Krista khenbeh thu hril

1Kei zawng unaute u, Pathian thu ril#2:1 Mss ṭhenkhatah, ‘Pathian thu hriattîrna,’ tih a ni. puang tûra in hnêna ka lo kal khân, thu thiam bîk leh fing bîk angin ka lo kal loh kha. 2In zînga ka awm chhûngin Isua Krista leh Krawsa khenbeh a nih thu chauh lo chu eng dang mah hria nih ka tum loh kha. 3In zîngah chak lo takin, hlau leh khûr chungin ka awm a, #Tirh. 18:9. 4ka thu sawiah leh thu hrilah thu sawi tlawr leh thu fing hmang lovin, Thlarau leh a thiltihtheihna tilang zâwngin ka sawi zâwk ṭhîn a ni; 5mihring finnaa innghat lova, Pathian thiltihtheihnaa in innghah zâwk nân.

Pathian finna

6Puitling zîngah zawng thu fing kan sawi ṭhîn, tûnlai mite finna hi a ni lo va, an hotu, tlâwm mai tûrte finna lah a ni bawk hek lo. 7Thu fing inthup kan sawi hi Pathian thu ril, kan ropuina tûra leilung pian hmaa Pathianin a lo ruat lâwk tawh chu a ni. 8Chu chu he khawvêl rorêltu tu mahin an hre lo, hria sela ropuina Lalpa chu an khêngbet lo tûr. 9Lehkha Thu-in:

“Mita la hmuh ngai loh, benga la hriat ngai loh,

Mihring rilrua lût ngai lo,

amah hmangaihtute tâna

Pathianin a buatsaihsak chu,”

a tih kha kan hril zâwk a ni. #Isa. 64:4; 65:17. 10Chûng chu kan hnênah Pathianin Thlarauvin a rawn puang ta a; a ni, Thlarau chuan engkim, Pathian rilru thûk pawh a hre vek a. 11Mihring rilru chhûngril chu amaha awm thlarau chauh lo chuan tuin nge hria? Chutiang bawkin Pathian rilru chhûngril pawh Pathian Thlarau ngawt lo chuan tu man an hre lo. 12Khawvêl thlarau kan dawng lo va, Pathian Thlarau, Pathian hnêna mi kan dawng zâwk a ni, Pathian thilthlâwnpêkte kan hriat theih nân. 13Mihring finna an inzirtîr ṭhin chu hmang lovin, Thlarau zirtîrna hmangin thu kan sawi zâwk a, thlarau mite hnênah thlarau lam thil kan sawi fiah ṭhîn. 14Tisa mi chuan Pathian Thlarau lam thil eng mah a lâwm lo, a tân chuan âtthlâk mai a ni, thlarau chauhva hriat theih a nih avângin a hre thei lo. 15Thlarau mi erawh chuan thil engkim a thliar thiam a; ani lah chu tu man an hrethiam pha si lo.

16Lalpa rilru chu tu nge hriaa, amah chu zirtîr thei? Keini zawngin Krista rilru kan pu a ni. #Isa. 40:13 (LXX).

Currently Selected:

1 KORINTH 2: MIZCLBSI

Highlight

Copy