1 KORINTHIA 8
8
Khut do Sak Pthla hin Then Kdown mlei thu mdo Khewl Pau
1Tunva khut dosak pthla hin then kdown mlei thu: “Nen nkheng inni tathloi dok in ava ndee in,” Nenni ndee in, “Kdei cha,” ava kparlin, pdainu wonsat va mdo punchoi. 2Ku mii khat ti do mruk kdei cha ngi plung thu mbin bi, mdo dee kat ra ava mma ngi dei chme. 3Pdainu miilai khatti Isowr wonsat mlobi, Mma ngi miilai khat ava mdo dee.
4Hava thu khut do sak pthla hin then kukdown kchaa ki mlei, “Khut do sak pthla a kring ngi ka am ava pme,” Ungta “Isowr Khat ava kma donle murson khat lee ame, tdit nenni ndee in.” 5Mleija parwaan leh dulti thu isowr rek ka am lam kro, isowr rek leh mukpu rek knempok ki ta am ruk ka am kat kat. 6Anto daat joso nen ntumva Isowr Khat, Npah in, amda, do mkheng nga Mma hinki, ungu Mma tummi nnenna ta am in, ungta Mukpu Khat ditta Jisu Khrista ka am; do mkheng nga Mma thungki ungu nnenna Mma thu ta am in.
7Anto daat joso, mii mkheng va hava kdei dokka kurthuwk me. Pdainu mii angṭhe va khut do sak pthla avaa nopa purthuw da, then ava khut dosak pthla hin mdo down kat kdingi chaa da, ungta ksowlli plung mdo bin lei inni buwr lamda. 8Then ni nenna Isowr hin mido trot pik in ava pme. Nenni then nchaak mana nṭhat ma nraan ungu nchaak na nṭhat bet nraan kurthuwk ava pme. 9Naan do tlot pchaan hava ava ngi ksowl mii rek khusiir parthit na kro kdingi cheek asin chaan. 10Mleija khut do sak pthla luwbuk inn ava thu naan ku mii khatta miilai khatti tebol bengi kuk ong atidee dok in, ungu khut do sak pthla hin then mdo down kchaa rang thu muplung bin msowl bi, muplung tipngar nime mo? 11Ungta Khrista ngi mtum ra mdo diyo pik naan ki a u anao in ksowl kcha ava naanni kdei dok akurthut lei inni me akrea. 12Hanto a u anao in mraal kpii ngi plung thu ksowl li kbin cha rek ava sulpurnul in tinu, Khrista hin pnu ktla cha in pti. 13Ava leiji, then ava ngi nei ku u knao khusiir parthit nra mkurthut ta, neiji saa chaa chliit ni maang.
Currently Selected:
1 KORINTHIA 8: LAMKBSI
Highlight
Copy
Compare
Share
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
