TAITAS 2
2
Kamalum mei jangpii kasang rali kapyii
1Nlenii gojangpiinii, kabi rali- kapyii jangpii kabi tei ralipyiilo. 2Kamalum kito, lungkasyii kito, sateichii lung leh kati kito sangting wokabui tiisii lung manoilo, nrou sangam tilo, sateichii mpouroinapii mpou pum jum matui tilo, katupii sapfiimei katingmeigo tam ralipyiilo. 3Teitakumpii sapwimei katingmei teinii ahnyii mah jairali kito sadzyii ngariit tiikabui, samlat kashyii tam kasu, mak-kii joumah kikabang tiisupii, kamatei tiilung lungkalei sapwimei takumpii lunglo, katupii ahnyiigo tam ralipyiilo, ahnyiinii kadapei bipo katu tei tam ralipyii tang karamle. 4Saraamah samtamgo tam mashyii matu kasu tiisii, sapwi- mei karanumeinii ahnyii naamei ninado ahnyii nahmeigo lungsyii matutang karam, 5mpou roinapii mpoupum jum kamatwi, kamatei, ahnyii naamei kang nkangsii kalung akipwi kabi tiimatu kabui tiisii sapwimei karanumeigo tiiralipyii tang karamle.
6Teitakumpiinii ahnyii roinapii mpou mpou pum jum matwi kabui tiisii sapfiimei karanumeigo katuikai pyiilo. 7Mahlyiihang kito goroinapii n-go tha kabi jangpii nda tiisii mangoulo. 8Nyiigo ngou karoumei teinii nyiimah kaang kito tam mashyii tang karam kaang hangninii kado dousupii nroumatu tang karam jangpii, gomah ralikapyii kito ka- samsang, hungsii lungkaliit sateichii mamatupei kalak kasang samtam tei mangoulo.
9Kikaleimeinii mahlyii hang kito nyiigo keikapyii Bangpii Saraamah ralikapyii tei bimatu tang karam jangpii, ahnyiimah ki apum mei kang nkangsii mahlyiihang kito ahnyiigo lung kashaat tei tiitang karam jangpii, ahnyiigo khepa supii, 10mak-kii ahnyii dato mah raga supii, tinglang kaleita kasang kabi ninado malum kabui tha tei ahnyiinii tiimangou tang karamle.
11Kadapokii meihangmah keika- pyii karing jangpii Saraamah jumage kapyii tei gongpyii takle. 12Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile. 13Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak. 14Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.
15Aihang ai saa mpat pyiilo; n-go shiisii kaleimei hang go teimaham hang teipii kaswisii lung tiimadi pyiilo, ninado n-gipyiilo. Mei hang- ninii kaniido n-go maning majang matu sulo.
Currently Selected:
TAITAS 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
