MATIMANGOU KAPYII 5
5
Kajui kabam larek ninado jaonah
1Sagongbam gamto bam kalei hangninii mah bah ajiilam pang- kii poulung lamna ryiikabam seal sana laak kabam kajui kabam larek gwum hangninii Inii ngoutakle. 2“Sateichii larek tei laat tang karam sateichii teimah seal tei tiipak tang karam jangpii tiikamajyiimei ta leipo?” sii rok sagoisii tam mati kalei kadi kathang sating gamlui hang- ninii Inii ngoutakle. 3Sateichii sating gamtodo sazyii pouryiitodo mak-kii sazyii pouryii katangdo, larek tei kalaat mak-kii teitei jukatu meika- niido ngam womakle. 4Sateichii larek tei laat katu mak-kii teitei fiikamajyiimei mei kado doukasu jangpii Inii lung hungsii hatle. 5Sateichii katingmei kak kito mei hangninanii gudakii tamle, hatsulo julo, Judah sadung mah kou nongsa, Devit mah maa teinii larek teido seal sana teido laat tang karam jangpiinii ngam wotakle.
6Teito karing kounah madai ninado katingmei hangteinii bang- magwisii kabam, sagongbam sumteito Jaonah hangninii sat kalei tei Inii ngoutakle. Jaonah teinii gitat kabam takumle, sateichii teitei kha sana mik sana pungle, teiteinii sazyii pouryii bamlyii hang kikii lang mpat kabam Saraamah rangii sana teile. 7Sateichii jaonah teinii patsii, sagongbam gamto bam kalei Ahmah bah ajiilam teito larek tei poi wotakle. 8Sateichii Ahnii larek tei poikatu tinglang kak, karing kounah madai sateichii katingmei makaisii madai nkhii teinii jaonah doitei kou- mang takle. Ahnyii mpou mpoumah kitat tung poisii sateichii kamateimei mah kariita tiisii tiiroutou piinii katokryii sanah mah koklat tei leile. 9Sateichii ahnyiinii lhii kasatai tiile:
“Kajui kabam larek nangnii kapoi ninado teimah seal tiipaksii laat majyiile.
Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.
10Sateichii ahnyiigo kanat kajum atingmeimah sagong sazyii hangninii tiipyii takle,
nyiimah Saraamah nga ngamatu tang karam jangpii,
sateichii ahnyiinii sazyii pouryiito apum tiitangle.”
11Teito Inii jule sateichii sagongbam, karing kounah ninado katingmei hang go bangmagwisii kalei sating gamlui hangkii, tang tangpii, sateichii lakh lakhpii lhii tii- kalei roktei Inii shiitakle. 12Ahnyiinii rok sagoisii tamle,
“Gitat kalei jaonah teinii, teimaham, kani kahii, swirek kabi ninado katei kamaham,
sadzyii ngariit katii,
pumtei kava ninado tam kamatoi ai dou kajyiisekle!”
13Sateichii sating gamto, sazyii pouryiito, sazyii pouryii kangto dwi kito ninado sating sazyii lung kito kalei hangnii aitiisii lhii katii tei Inii shiitakle.
“Sagongbam kito bam kalei Ah dakii ninado jaonah dateikii tam kamatoi,
sadzyii ngariit katii, pumtei kava ninado kalui gasii katei kamaham tei matulo!”
14Sateichii karing kounah madai teinii tamle, “Amen!” Sateichii ka- tingmei hangteinii koumangsii matale.
Currently Selected:
MATIMANGOU KAPYII 5: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
