JEMS 2
2
Kaghu kaphang gasii meihang go masamsii tiitang karam
1Gu kangsanamei, pumtei kavamah Bangpii, nyii Bangpii Jisu Kristago kamalum mei tiisii, meinah mah apouju taiswisii gonyiinii kaghu kaphang tei tiisang tiilak tang ka- ramle. 2Kadapokii sana raguibapii katii bah jungna rangkat kaikalei sateichii nat kabi kakaimei hangninanii gonyiimah ndwibamki gongleponii, sateichii nat kashyii kaikaleimei kagamei hangniniido gongleponii, 3sateichii mah kagapii gotei “teiki satlo” mak-kii “gupibang bamlo” sii gonyiinii tamsanii, nat kabi kaikaleipii gotei gonyiinii sadzyii ngariit tiisii mpougo “bam kabi bisang ai poiseilo” sii gonyiinii tamleponii, 4gonyii roinapii gonyiinii gonyii kak kito kasagoi kasana tiisii poitaam katu sateichii kashyii kahong swi teipii samtak katii tii aitak makpo?
5Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo? 6Nlenii gonyiinii mah ka- gamei gotei sadzyii ngariit tiimakle, mah kanimei teinii gonyiigo satui sadzyii tiisii, ahnyiinii gonyiigo Sratki chyiimaa makpo? 7Gonyii dakii pyiikabam zei kabi gotei ahnyiinii tam mashyii makpo?
8Kabi rasam kito katam taiswisii, “Nangnii gopum sekgo lungkasyii takumpiinii goki tiinaniipameigo lungsyii tang karamle” katu sagong- mah ajaitingshang tei tiimatui tiima- sang woleponii, kasangpii nang tiimatou takle. 9Nlenii gonyiinii meiju jusii kaghu kaphang tiileponii, gonyii kem tii aitakle sateichii ajaitingshang taiswisii gonyii ai ajaitingshang tiikapak meile. 10Kadapokii kakhatsam hangninii tiipak kaleimei teinii matum madum tiipak aitakle. 11Kadapokii “mashung maha sulo” sii katam mpou teinii “meigo gi sulo” katu aido tamle. Nangnii mashung maha mak kado nangnii meigo gi aileponii, nangnii ajaitingshang tei tiikapakmei tii aitakle. 12Arangra tiimatu tang karam mah ajaitingshang teipii samtak tiitang karam mei takumpii, gonyiinii tamdo tamlo, tiido tiilo, 13kadapokii lungsyii kapyii mangou kasu ah dakii samtak katii teinii lungsyii kapyii tei haimakle; nlenii lungsyii kapyii teinii samtak goteinii ngamle.
Kamalum ninado ngam
14Gulungkasyii kangsanamei, mei kata hangninanii mpoumah kamalum leilesii tam takpokii, tha katii tei haisu leponii, teiteinii kadapei kabi leipo? Kamalum teinii mpougo kei- pyii wobuipo? 15Sanapii hangninanii mak-kii taipwimei hangninanii pei- mani gasii sateichii tingnei tingneikii mah malot tangsu leponii, 16sateichii ahnyii pum jangpii tangkasu mah pot hangtei ahnyiigo seisupii, gonyii kak kito mei hangninanii ahnyiigo “ma- jungsii tat tulo, lum wolo, sateichii moi maghii wolo,” sii tam leponii, gomah tam kalei teipiinii ahnyii jangpii kadapei kabi leipo? 17Tei- takumpiinii kamalumdo, tha haisu leponii, mpou roinapiinii kataile.
18Nlenii mei kangkanii tam tangle, “Nangnii kamalum leile satei- chii Inii tha leile,” tha kito gomah kamalum tei taamsii gudakii mangoulo, sateichii Inii gumah tha teipiinii gumah kamalum tei godakii mangoule. 19Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile. 20Kapangmei gonyii, tha haisupii kamalum ai kataile katu gonyiigo tiimangou lopo? 21Nyii Pfii Abrahamnii mpounah sapfii mpou Isakgo pyiitoi tang karam mpung phyiiryiikii pyiitoi kalei kito tha teipiinii mpougo tiimatui tiimajyii- pyii makpo? 22Kamalum teinii mpoumah tha tei kaswisii tha tii njoile. 23Sateichii tha teinii ka- malum gotei tiimashang pyiile katu gonyiinii ngoule, “Abrahamnii Saraago malumle sateichii mpougo kasang kamajyiimeile katupii lukai- pyiile,” sateichii mpougo Saraamah kangmeisii latle, katu kabi rasam tei gong matwi takle. 24Tha teinii meigo tiimatui tiimajyiipyiile sateichii kamalum roinii piinii makle katu gonyiinii ngoule.
25Sateichii tei takumpiinii karalu pwi Rahabnii sampao kapungmei gotei lukaipyiisii ahnyii gotei pwidi kaki hangninii kikii langtoi kapyii kito, tha teipiinii mpoupei godo tiimajyii pyiimakpo? 26Rangii hai kasu pumrong teinii katai takumpii, tha haikasu kamalum teido tei takumpiinii kataile.
Currently Selected:
JEMS 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
