HEBRUMEI 10
10
1Kadapokii ajaitingshang tei- nii ai kasang hang mah ajai agok kasang teisupiinii gong tang karam kabi hang mah khiina katu taiswisii, tingkum satui taksupii pyiitoisii kalei njoi katu kakarat hang teipiinii Saraada manang kagongmei hang gotei sajek kaga tei tiisang tiipeiwo lakle. 2Teitii leponii, ahnyiinii pyiitoi kalei tei matou ailakpo? Kamateimei hang gotei binii tiimatei aitakleponii, ahnyiinii kem katii mah tikatu tei leiloi lakle. 3Nlenii kakarat hang teipiinii ting- kum satui kem mah tam maningloi katu hangninii leile. 4Kadapokii twom madangmah ninado Amyiinah mah zai teipiinii kem tei poisang poitoipei wolakle.
5Teijangpii mpounii sazyii pouryii kagong kak tamle,
“Kakarat ninado pyiikatoi hangtei nangnii marei sutakle,
nlenii nangnii gujangpii pumrong hangninii tiikadapyii bamtakle,
6kouring rusii pyiikatoi ninado kem jangpii pyiikatoi hangtei nangnii marei sutakle.
7Teito Inii tamle, ‘julo, ajaitingshang mah larek bung kiteikii gumah kaang kito ryii kabam takumpii,
gomah kamaning kamarei tei tiitang karam jangpii Inii gongtakle, O Saraa.’ ”
8Mpounii kareiki tamle, “Kakarat, pyiikatoi, kouring rusii pyiikatoi ninado kem jangpii pyiikatoi hangtei nangnii marei sutakle, ninado lung- mang sutakle.” (Aihang ai ajaiting- shang taiswisii pyiitoi ai kido mpounii ai ai tamle;) 9teito mpounii tamle, “Julo, Inii gomah kamaning kamarei tei tiitang karam jangpii gongle.” Mpounii hangna kashang tei poi makhii tang karam jangpii karei tei poitoi takle. 10Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.
11Sateichii kanat kajum atingmei hangnii sating kata nga ngasii sateichii njoi katu kakarat hangtei nlai nlai loisii pyiitoi sii satle. Kakarat aipiinii madou kado kem tei poitoi peiwo lakle; 12Nlenii Kristanii kem jangpii karat binii sek-kii kalui kaga jangpii pyiitoi aisanii Saraa- mah bah ajiilam teito bam takle. 13Saraanii mpoumah ngou karou- meigo mpoumah pi pazhii kangkii kai kasuta mpounii teikito koisii leile. 14Kadapokii mpounii binii pyiikatoi teipii tiimatei kaleimei hang go kalui kaga jangpiinii sajek kaga tei tiipyii takle.
15Sateichii rangii kamateiniido nyiigo sakchyii pyiile. Karei kito ahnii tamle, 16gong tang karam tinglang kanaki Inii gonyiigo ka- swisii tiitang karam sat tang karam samtam tei aile:
“Inii gumah ajaitingshang hangtei gonyii lung kikii kaipyii tangle,
sateichii gonyiimah lungswi kikii teihang tei ryiikai pyii tangle,
sii Bangpiinii tamle.”
17Sateichii mpounii tamle,
“Inii ahnyiimah kem ninado kashyii tha hangtei nlailoisii maningloipyii lakle.”
18Teipiinii aihang ai kalaipyii aitakle sekchii, kem hang pyiitoi tang karam jangpii pyiikatoi tei tiiloi tang karam kabi tei gatangle.
Saraada manang gongde
19Teipiinii gukangsanamei, Jisunii taikapyii teipii kamatei bamni liit tang karam mah laat kabam tei nyiinii doutakle. 20Mpounii nyii jangpii kalampei kitei katunii, mpou- mah pumrong paikito, karing pwidi, pwidi kasatai hangninii laatpyii bamtakle. 21Saraamah ki phyiiryiito koipyii tang karam kanat kajum atingmei kadi hangninii nyiinii doutakle. 22Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde. 23Nyiinii tam kalei nyiimah maning kamalum tei sang- tingsii jumjoude; dapodinchii Saraanii mpoumah riishii tei majang lakle katu tei nyiinii mpougo malum wobuile. 24Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde. 25Kangkanii tiisii kalei takumpii, nyii hangnii gong ndwi kalei tei nyiinii matou sude, nlenii Bangpiimah leimik tei nagong bui buisii kalei tei gonyiinii ngoukatu taiswisii, hangninanii hangniniigo kisii lung tiimakhiide.
26Kadapokii kasangmah swirek kabi doukalu teito nyiinii kem tei tiisii leihum leponii, kem poitoipyii tang karam kakarat pot hangninii kado gale, 27nlenii mashak kalei teinii Saraago mazhii kasumeigo tiimaga tang karam ngou kahing mah mi ninado samtak katiimah gong kalei gotei hingsii koitang karam tei roitakle. 28Moses mah ajaitingshang go swikasumei hang gotei, meihangna mak-kii, teisung moisii kalei sakchyii teinii samtak tiisii kama tei dou wosek-kii, mah kado lungkasyii tei gasii girang leile. 29Teitii leponii jumage kapyii mah rangiigo kalet kalou katii, ahgo kem kito tiimatei kapyii Saraamah zaimah sat tang karam samtam go mai kamalamah pot hangninii takumpii poikalei, Saraa nah sapfii mpougo mazhii kasu gotei kadaziikapii kaki kadwi karat tei doumajyiile sii gonyiinii maning leipo? 30Kadapokii “Inii kumfii tangle, Inii powrui tangle,” sii katam sateichii “Bangpii- nii mpoumah meihang gotei samtak tiitangle,” siido katampii gotei nyiinii tile. 31Karing Saraa bahki tak kaliit ainii ngoukahing hangniniile!
32Maning gonglo, tinglang ka- reiki gonyiinii kada takumpii leipo: teitinglang dou, gonyii phyiiryiikii Saraamah kava mangoupyii kaleitai, gonyiinii kamage kalak hangkii doule, nlenii teiteinii gonyiigo ngamwo makle. 33Tinglang hangninii kinii gonyiigo machii doito kalet kalou tiipyii takle, ninado ju tiimashyii takle. Sateichii tinglang kaki hang- ninii kinii aitiisii tiikaleimei gotei gonyiinii haitang karam jangpii tiikada takle.
34Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile. 35Teijangpiinii alangh kadi kaswi kalei, gonyiimah maning kamalum tei rat toi aisulo. 36Kadapokii gonyiinii Saraamah kamaning kamazhii tei tiitang karam jangpii sateichii mpounii riishii tiikabam tei doutang karam jangpii, gonyiinii lung lehti tang karam kabi ai leile. 37Kadapokii kabi rasam kito tamle,
“Tinglang shangniikii tai gongtang karam ahtei gong tangle,
sateichii ahnii rilakle.
38Nlenii gumei kasang kamajyiimei hangteinii,
kamalum teipii ring tangle,
sateichii ahnyii kak kito mei kata hangninanii tailam pang nlaitu leponii,
Inii ahgo lungmang lakle.”
39Nyiinii tailampang nlai katu ninado maga kaleimei hangtei makle, nlenii nyiinii malumsii keipyii kalumei teile.
Currently Selected:
HEBRUMEI 10: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
