2 KORENMEI 2
2
1Kadapokii Inii gong gonyiigo swi tiimashyii tang karam jangpii gonyiida gongloilak taklesii gulung sat totakle. 2Kadaponii Inii gonyiigo lung tiikamage leponii, Inii lung tiikamage katu ah tei supiinii tanii n-gu tii-ntapyii tangpo? 3Teijangpii chiti tei Inii gonyii dakii ryiile...katunii, Inii gonyiida gongsii n-gu tii ntapyii tang karam mei gotei lung tiikamage roule. Kadapokii Inii ka-nta tinglang sek-kii gonyii hangdo ntale katu Inii malumle. 4Inii chiti tei karyii tinglang kak, Inii hang- kapii swi shyiisii lung kamagesii ninado hatsii leile; gonyiigo lung tiikamage tang karam jangpii makle, nlenii Inii gonyii hang go kada- ziikapii lungsyiipo katu tei timatu tang karam jangpiiniile.
Kama katiimeigo kalei kapyii
5Nlenii mei kata hangninanii mei kangkago lung tiikamage leponii, teitei ahnii gudakii tiimakle, nlenii gonyii hang dakii tiibam takle; mak-kii meihang dakii sukido, gonyii mei kangkii dakiinii tiibam takle. Inii ai tamle, kadapokii teitha ka- tiipii ah phyiiryiikii Inii teimahung roule. 6Kadapokii tei kakum tha katiimei phyiiryii teikii aitiisii gonyii mei kamoilamnii dwisii karat tei buitakle. 7Teijangpii ahnii lung kamage katu teipiinii beidijusii matum madum rat toi malei kasu tiisii, gonyiinii ahgo kama kalei pyiisii ahgo lung tiimadi tang karamle. 8Teijangpii gonyiinii ahgo nlailoisii madupii lungsyiisei matu tang karam jangpii Inii gonyii dato khang leile. 9Kadapokii gonyiinii mahlyiihang kito katam kaswi swikasu gonyii mah kasang tei Inii titang karam jangpii chiti tei Inii gonyii dakii ryiile. 10Gonyiinii kata hangniniigo kama kaleikapyii tei, Iniido ahgo kaleipyii takle. Inii mah kata hangninii kaleipyii leponii, Inii kaleikapyii tei, Krista doito gonyii jangpii kaleipyii takle. 11Sara kashyiinii nyii phyiiryiito teimaham gamatu tang karam jangpii Inii ai ai tiile; kadapokii ahmah chem tei nyiinii tile.
Polnii tinglang shangniikii Trosh kito kabam
12Krista mah kabi rasamtei tang ralipyii tam karam jangpii Inii Trosh ki kagong kak, teikito tha tiitang karam jangpii Bangpiinii pwidi laatpyii kabamtei Inii doutakle. 13Nlenii Inii hangkasii lungnaang takle, kadaponii nyii sanapii Taitasgo Inii ngousu takle. Teijangpii Inii ahnyii dato tat n-nou aisii Mesidoniya ki tatjoutu takle.
Kristanii nyiigo kangam tei pyiile
14Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile. 15Kadapokii keikapyii doutang karam pwidi kito kaleimei ninado taitang karam pwidi kito kalei mei kak kito nyiinii Kristanii Saraago kat kalei manam kabi tiiroutou kai takumle. 16Kadapokii maga kaleimei jangpiinii, ai ai gisii kalei manam kashyii katai kai teile; nlenii keikapyii doukalu ahnyii jangpiinii, ai ai karing poigong kapyii manam kabi keirum teile. Teitiileponii, tei kakum tha tiitang karam jangpii tanii tiimajyiipo? 17Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.
Currently Selected:
2 KORENMEI 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
