1 THESOLONIKAMEI 5
5
Bangpii gong tang karam jangpii tiidalo
1Nlenii tinglang hangmah kaang kito, kangsanamei, gonyii dakii ryiitang karam kabi gale. 2Kada- pokii karagameinii tinghum kagong takumpii Bangpii mah leimik teinii gong tangle katu tei gonyiinii tiigatpii tile. 3“Ahnyiinii majung takle sateichii doikadang gale,” katu tinglang kiteito tisang tisupii sapwimeinii nah kamanaa ki tiikapi takumpii tiikamaga tei ahnyii phyiiryii gongtangle; teito ahnyiinii nleksang nlekpei wolakle. 4Nlenii kangsanamei, teipiinei karagamei takumpii gonyiigo tii asung gamatu tang karam jangpii, gonyiinii kamyii kito bam makle. 5Kadapokii gonyii hangnii kava ninado tingnamah nah sapfiimei hangle, nyiinii tinghum mak-kii kamyii mah nah sapfiimei makle. 6Teitii leponii kakimei ta- kumpii nyiinii zyiisude, nlenii nyiinii mikraksii lung manoile, 7Kadapokii zyii kaleimei teinii tinghum zyii leile, sateichii jou kapanhiimei teinii tinghum panhii leile. 8Nlenii nyiinii tingnamah katu taiswisii, nyiinii lung manoile sateichii kamalum ninado lungkasyiimah kokryii ninado keikapyii karing doutang karam ma- ning kamalum mah saryii phyiihung tei nyiinii kai wode. 9Kadapokii Saraanii nyiigo rakarhii tei doumatu tang karam jangpii kalai makle, nlenii nyii Bangpii Jisu Kristamah paikito keikapyii karing tei doumatu tang karam jangpii kalaiwo takle. 10Nyiinii ringsii leikado, zyii kado, nyiinii mpougo kaswisii lung njoitang karam jangpii mpounii nyii jangpii taipyii takle. 11Gonyiinii tiikalei takumpii, gonyii hangninanii hangniniigo lung tiimakhii pyiilo sateichii hangninanii hangniniigo tiimakhii halo.
Kalui tiisii tamrali kapyii ninado salam kapyii
12Nlenii kangsanamei, gonyii kak kito tha tiisii kalei, Bangpii zei kito gonyii phyiiryiito kalei sateichii gonyiigo kristenmei mah tiilung kito tampyii ralipyiisii kalei ahnyii gotei tiigatpii titang karam jangpii, 13sateichii ahnyiimah tha jangteipii lungsyiisii ahnyiigo kisii disii sadzyii ngariit tiitang karam jangpii, nyiinii gonyiigo khangleile. Gonyii kak kito majungsii bampyiilo.
14Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo. 15Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.
16Tinglang kaleita ntalo; 17Taksupii riitalo; 18tinglang hang kito hakalang tei tamlo, kadapokii ai ai gonyii jangpii Krista Jisu dato Saraamah kamaning kamarei teile.
19Rangiigo mazhii kasu tiisulo. 20Saraa sam tam ka-mpat tei ma- ning majang sulo. 21Nlenii mahlyii hangtei ajai julo, kabi tei tiigatpii jumlo, 22kashyii jai hang kiteito ryii wolo.
23Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo. 24Gonyiigo lat kapyiipii mpou teinii malum wobuile, mpounii teitei tiido tiipyii tangle.
25Kangsanamei, nyii jangpiiniido riitapyiilo.
26Kamatei bah kajum katu tei kaswisii meihang go salam tiilo.
27Chiti ai kangsanamei hang dakii fiimatu tang karam jangpii Inii Bangpii zei kito khangleile.
28Nyii Bangpii Jisu Kristamah jumage kapyii tei gonyiigo kaswipyii matulo.
Currently Selected:
1 THESOLONIKAMEI 5: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
