1 PITAR 5
5
Saraa mah jaokoi
1Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile, 2Tiirou tiirousii katii teipii supiinii, tiinyii tiinyiisii katii teipii sateichii seh sanahgo lunyii supii lung liitsii, gonyii kak kito kalei Saraamah Jaokoi gotei jumatou pyiilo; 3sateichii gonyii dakii julosii pyiikabam teihang phyiiryii teito apum katiimei takum supii, jaokoimah tiikamangou nda tei gonyii tiipyiilo. 4Sateichii aphyii kasat Jaokakoipiigo mati kamangou kak, myiisang myiikalak vakabi phyiihung tei gonyiinii doutangle.
5Tei takumpii gonyii ranu kaleimei, katingmei kang nkanglo. Gonyii hangninanii hangniniigo nga ngatang karam jangpii meinah mah tingshang kabi tei nat kai kalei takumpii gonyiihang kai wolo, “Kadapokii det palhii kadimeigo Saraanii mazhiimakle, nlenii lung kamanoi meigo jumagep yiile.” 6Teijangpii mpounii kalai kalu tinglang kak ki gonyiigo poisagoi pyii matutang karam jangpii, Saraamah teimaham kadi bah kang teito gonyii lung manoilo; 7Gonyiimah swi kamage katu hangtei mpou dakii pyii ailo, dapodinchii gonyii jangpii mpounii jupyiile.
8Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile. 9Gonyii kamalum kito sangtingsii ahgo saryii tiilo, kadapokii teigo njoi katu tei kakum kamage kalak kapung hangtei sazyii pouryii kalei gonyiigo njoi katu kamalum mei datodo pat takle katu gonyiinii tilo. 10Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle. 11Kalui kaga teimaham tei mpou dato matulo, Amen.
Kalui mah salam kapyii
12Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.
13Bebilon kito kaleipei, Saraanii kalai njoi kalupeinii sateichii gunah sapfii mpou Marknii gonyiigo salam tei pyii leile. 14Lungkasyii mah kama- twum tei kaswisii hangninanii hang- niniigo salam tiilo. Krista dato kalei gonyii hang go kamajung tei matulo.
Currently Selected:
1 PITAR 5: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
