ZAKARIA 9
9
A kôlvêla namhai chunga roirêlna
1 #
Isa 17.1-3; Jer 49.23-27; Amos 1.3-5 Hi hi Rengpa thuhril chu a ni: Hadrak#9.1: Hadrak ti hi Damaska kôla ram bial inkhat irhming a ni. ram chunga le Damaska khopui chunga hremna chu an kunga. Israel namhai vai hi ni loiin, Suria mihai khopui khom hi Rengpa ta a ni. 2Khanchu Hadrak ramria Hamath khom chu a ta a nia, khaang dênin Tura le Sidon khopuihai le an thiamna murdihai khom chu a ta an ni. 3Tura khan a ta hrangin kul det takhai a sina, tangka le rângachak chu kholaidunga vâiphin ang dôrin a buk zuata. 4#Isa 23.1-18; Ezek 26.1—28.26; Joel 3.4-8; Amos 1.9-10; Mt 11.21-22; Lk 10.13-14 Khannisian, Rengpa’n a thil nei murdihai chu lapai ving a ta, khopui chu hâlin la irvômtir rip a ti. 5#Isa 14.29-31; Jer 47.1-7; Ezek 25.15-17; Joel 3.4-8; Amos 1.6-8; Zef 2.4-7 Askelon khopuiin kha kha a hmuin la chi a ta, Gaza khopuiin la hmu a ta, a sâna innatirin la om a ti. Khaang dênin Ekron khom chu la ni a ta, a sabeina chu a korong la ni a ti. Gaza’n a rêng chu la’rhmang a ta, Askelon chu mâksanin la om a ti. 6Ram dang mihaiin Asdod chu lua an ti. Khan Rengpa’n hiang hin a hrila, “Filistian mihai omlianna chu sâtthâk ki ta. 7Hmê chu a thisen om pumin fa ta ngai no nihaia, thilser fâk hrang danghai khom fa ta no nihai. A hringa la omsunhai chu ki mihai chang an ta, Juda namhai laia panam angin la om an ti. Ekron khom chu Jebus mihai#9.7: Jebus mihai ti hi Jerusalema omhai kha an ni, Davida haiin Jerusalem an lâk hnung khan hi mihai hi khua le tui angin an oma. angin ki mihai la hong chang an ti. 8Ki ram chu hrung ki ta, tukhomin an hro thei loina hrangin sipaihai sia ki ti. Roirêltu ngarhai khan ki mihai hi nuam le ningin inlotirhai ta no ninga, ki mit ngeiin ki mihai tuangzia ki hmu tâk sikin,” a tia.
Reng hong tung hrang
9 #
Mt 21.15
O Zion nâinu, a sân nin raiinfân roi;
O Jerusalem nâinu, raifânin khêk roi.
En ta ni rêng chu ni kuang a zuang e!
Ama chu mi dik a nia,
saninzôkna neiin irngaiintôm takin sakuartung chunga,
Sakuartungte chung ngeia zuang chuangin.
10 #
Ipn 72.8
Khan Rengpa’n hiang hin a hrila,
“Irdoina sakor tâlihai chu Israel rengata sonpai ki ta,
Jerusalem ata sakorhai chu lapai ki ta,
Irdoinaa sâihli hmanga omhai chu lan siatpai ki ti.
Nam tinhai laia ni rêngin irngeina la siam a ta;
Tuikhanglian ata tuikhanglian dênin roi la rêl a ta,
Eufrates dung ata irnêng mongna tena,” a tia.
Pathian mihai indingthara an om nôkna
11 #
Fes 24.8
Khan Rengpa’n hiang hin a hrila,
“Nangma le ki thuthung,
irbôlna thisena namindeta om,
khasika vai khan ni mihai chu lan suahai ki ti,
Khur sûng tui om loina,
sal intângna rengata kha lan suahai ki ti.
12O nangni atûna sabeina nei,
sal intânghai, Lungthi taka nin omna hrang hmun tiang kîr nôk roi.
Nangni ki hril, nin dengtheinahai kha a lêt hniin satvurna’n nangni thuan ki ti.
13Juda chu sipaihai kuta sâihli angin hmang ki ta,
Israel chu thal angin hmang ki ti.
Zion mihai chu Grik mihai doi hrangin khandai angin hmanghai ki ti,” a tia.
14 Rengpa chu a mihai chunga inlang a ta,
a thalhai chu kôlirtêk angin la kâp suak a ti.
Rengpa Pathianin bekul lan ringtir a ta,
Sim tiang ata kêllaiher kâra hong a ti.
15Sipaihai Rengpa’n a mihai chu hrung a ta,
Anni’n an râlhai chu lan boipaihai an ti.
Irdoinaa zu inrui angin la khêk an ta,
an râlhai thisen chu lan suaktir an ta;
Irbôlna thisen berbu ata maichâma buaka a iom angin la luang a ti.
16Kha nikhua kha a hong tung tena chu,
Belrapuin a belrahai ichiomna ata a isaninzôkhai angin,
Rengpa’n a mihai chu saninzôkhai a ti.
Renglukhuma lunghluhai angin anni chu a rama khan la chok an ti.
17Ram kha i dôr takin mo enhoiin sa ta ni!
An bu chu ruathartehaiin raiinfân an ta,
An uain tharin dôngmatehai chu an raiinfântir pehai a ti.
Currently Selected:
ZAKARIA 9: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
