ZAKARIA 5
5
Inlârnaa lekha irzuat vuang hmu thu
1Khanchu ki hei thîr nôka, boiruaka lekha irzuat vuang lai hi ki hmua. 2Khan vântirtônin imo ni hmu tiin a nir dona, keiin, “Boiruaka lekha irzuat vuang lai ki hmua, a dung tiang chu mûk sôminhni a nia, a khang tiang chu mûk sôm a ni,” ki tia.
3Khanchu ama kha ki kuang, “Hi hi khosâlna, ram pumpui chunga fe suak ngai chu a ni, tukhom inru kai chu, phêk kiangkhat tianga irziak angin ram sûng ata hi pai ni an ta, khanchu tukhom khomâkirsâma minlak thotu kai chu lâkpai ni an ti. 4Khanchu sipaihai Rengpa’n, ‘Hi khosâlna hi tîrsuak ki ta, inruhai ina le khomâkirsâma minlak thotuhai ina lût a ta, khanchu an inhaia khan om maiin, inramhai chit a ti,’ a ti” a tia.
Inlârna bôm sûnga nupang hmua om thu
5Khanchu vântirtôn chu a zuang inlang nôka, “En ro, thil i ma ni a zuang,” a tia
6“Imo a ini?” tiin ki’rdona. Khan, ama khan, “Bôm a nia, hi ram sûng murdia an sualna chu a ni,” tiin a ni sâma.
7Khanchu bôm khan a sîng a neia, kha kha a kôra siam a nia. Khan ki en mai laiin, a sîng kha chung tianga irdomin a oma, khanchu a sûnga khan nupang hi a toia!
8Khanchu vântirtônin, “Hi nupang hin pualoina chu an entîr a ni,” a tia. Khanchu nupang kha bôm sûnga khan a nam inlût nôka, a sîng leh khan a sîng nôk tâka. 9Khanchu irvân tiang ki hei ena, nupang inhni hi keima tianga zuang vuang hin ki hmuhaia, phâivosimphûr hrât anga mithahai hi an neia. Khanchu bôm kha hrût likin an vuangpui tâka.
10Khanchu keiin vântirtôn kuang khan, “Khahai khan bôm kha kho tiang mo an ifepui hrang?” tiin ki’rdona.
11Khan ama khan, “Babulon ram tianga ama ta hrangin biakbuk sin pe an ta, khan biakbuk kha an sin zoi tena chu, bôm kha biak hrangin khataka khan sia an ti,” tiin a ni sâma.
Currently Selected:
ZAKARIA 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
