MIKA 7
7
Israel tho’nsualna
1Ki chung a zîng bâka!
fûrpui thei an irhmal khôm zoro laia om ang le grep lâk zoro laia grep irhmal la hrang ang ki nia:
a ra irku fâk hrang om ma;
ki hringna’n theipui hmin masa a irzuk a ni.
2Pathian uksak mi chu irnêng ata ar hmanga,
mihriam laia mi diktak zel om mahai:
thisen insua hrangin an inchân zita;
mi tinin mâni urêng kha lênin an ivôr a ni.
3thil saloi thôna hrangin an kut kha a theithiama,
hruaituhaiin inphût an neia,
roirêltuhaiin fâkinrûkna an ngêna,
mi lianhaiin an inuam tak sual an hrila,
an inthurual irhlôm a ni.
4An laia mi satak kha buar ang a nia:
mi dik tak kha sûl ilhling nei nêkin a siat ual:
ni ivêngtuhai nikhua a fanga ni om nia ngei kha a hong tung ta,
kha kha an lunginzîngna nikhua ni a ti.
5Rual kha iam no’n lân,
hruaituhaia iamna irnghat no roh:
Ni rôpsuama om nu ata kha ni bâi mikothai kha vêng insa roh.
6 #
Mt 10.35-36; Lk 12.53 Nâipa’n pa irhming an siattira,
nâinu’n a nu a doia, moiin a pi a doia;
mihriam râlhai kha ama in sûng mihai dên an ni.
Rengpa’n saninhringna a zuan tung
7Keima rêkin chu Rengpa tiang en ki ta;
ki saninhringna Pathian kha nghâk ki ta;
ki Pathian khan a ni irngaitua hrang a ni.
8O ki râl, ni manêp mai no ro:
ki tûk tika khom thoi nôk ki ti:
inthima ki toi khomin Rengpa kha ki ta hrangin vâr ni a ti.
9 Rengpa chunga thil ki tho’nsual tâk sikin,
a milung hoi loina tak tak kha pêl ki ti,
ki chungchâng nin sîrpuia,
ki ta hrangin roirêlna kha a tung mâka chu:
vâra ni hruaisuak a ta,
khan, a felna kha hmu ki ti.
10Khanchu ki râl kuang, khôn mo Rengpa ni Pathian,
titu khan kha kha hmu a ta,
mualinphoina’n ama kha irkhu a ti.
Ki mithai hin ama kha en a ta;
atûn chu kholai dialdôk anga sirbe ni ta a ti.
11Ni kul banghai siamna nikhua hranga chu!
kha nikhuaa khan thu’nkung kha hlatak dêna irzattir ni a ti.
12Kha nikhuaa khan Assuria ram le Aigupta khopui ata,
Aigupta le vadung dên rakin,
tuikhanglian le tuikhanglian kâr ata le tâng le tâng kâr ata kha ni kuang hong an ti.
13Khaang dôra khom khan ram kha,
a sûnga lênghai sik le an
thiltho ra sika khan inramtir ni an ti.
Israel hrangin Rengpa khonzâna
14Karmel tâng kâra ramhnuaia beidong taka om,
nir chon dong belra pâl,
ni mihai kha ni hêmvuak hmangin infa’n lân:
tianlai ang khan Basan le Gilead infa’n om ri sehai.
15Aigupta ram ata ni fe suak lai ang khan,
a kuang thil irkhêl takhai inentir ki ti.
16Nam tinin kha kha hmu an ta,
an thilthotheina murdi kha inzakpui an ti:
an hmûr hîp an ta, an mikuar sêt a ti.
17Mirûl angin pil inliak an ta;
irnênga inboka irvâka fehai angin an omna khur ata khan inthing pumin hong an ta:
Rengpa ei Pathian kuanga khan chi pumin hong an ta,
nangma sikin chi an ti.
18Nang anga pualoina ngaidamtu le irchon dongtum la omsun,
tho’nsualna lôipaitu Pathian tu mo om?
A ninginmurna kha vong mai ma,
lungkhamnaa a lôm tak tak ngai sikin.
19Irhei kîr nôk a ta, ei chunga lungkhamna nei a ti;
ei pualoinahai kha a ke hnuaia sirpha a ti:
nangin an sualna murdihai kha tuikhanglian mong inthûk takhaia khan pai lût ni ti.
20Tianlaia ei puhai kuang chong nin kung tâka,
Jakoba kuang thutak le Abrahama kuang lungkhamna kha hlensua ni ti.
Currently Selected:
MIKA 7: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
