MALAKIA 2
2
1Atûn hin o nangni ochaihai,
hi chonginkung hi nin ta hranga a ni.
2Ki’rhming roiinpuitirna hrang nin irngaitua noa,
milunga nin vong no’n chu,
nin chunga khuasâlna zuang intungtir ki ti,
Sipaihai Rengpa’n a ti,
nin satvurna donghai kha khuasâlna ki ti:
A ni, nin laia milunga vong nin om no sikin khua nangni ki isâl chian tâk a ni.
3Irngai u ta, nangni sikin nin chihai kha halirchu ki ta,
nin hmâihai khan êk nâl ki ta,
hruaithe nin ihmangna ngêt leh khan;
kha leh khan lapai ni nin ti.
4 #
Nam 3.11-13
Levia kuang ki thuthung hi an ding thiai theina hrangin,
hi thupêk hi nin kuang ki hong insua a ni,
ti inhria nin ti, sipaihai Rengpa’n a ti.
5 #
Nam 25.12
Ki milung kha a kuang a oma;
hringna le irtharngamna ki pêka,
chi khom a ni ichi a ni,
ki’rhming chia a ngîr theina hrangin a kuanga
khan ki ipêk a ni.
6Thutak dân kha a bâia a oma,
thu insual a hmûra om ma:
Irtharngamna tak le irdîn takin ki makunga a lêng ngaia,
mi tamtak an pualoina ata an kîrtir a ni.
7Ochaihai hmûra chu inhriatna a ivong hrang a nia,
a bâi ata dân kha an izong ngai hrang a ni;
ama kha Sipaihai Rengpa tîrtôn a nia.
8Nangni rêk chu lampui ata nin lei pêt taka;
Dâna khan mi tamtak nin intûktira;
Levia thuthung kha nin insiat a ni,
Sipaihai Rengpa khan a ti.
9Khasikin kei khomin, ki lampui chu tukhomin a hro om mak chêia,
Dân thua mi theibîk nin inei ang zêlin,
mi murdi makunga hmusitom le irhniamin nangni siam ki ti.
Pathian ata mihai iamom loi
10Ei rêngin pa inkhata#2.10: ‘Pa hmunkhat nei’ ti thei a ni. irchi ei ini loi ma ni?
Pathian inkhat siam khom ei ini loi ma ni?
Itho sika mo ei pahai thuthung porinchetira,
urêng le urêng ei irhuang hen?
11Juda khan mi a huanga,
Israel ram le Jerusalem khuaa,
thil intirom tho a nia;
Rengpa’n lung a ithung ngai hmun irthiang kha Juda khan a porinchetir tâka,
Ram dang pathian nâinu a nei tâk a ni.
12Hianga tho chu a tukhom ni sian,
Jakoba puan in ata Rengpa’n irkiangtir zit a ti.
Sipaihai Rengpa kuang thil inhlantu dênin.
13Khan, hi khom hi nin tho nôk saa;
Rengpa maichâm kha mitrithi le chapna,
sabeidongna’n nin irkhuma,
khasika khan nin thilinhlan kha uksak ta maka,
nin kut ata a sân a ipom viat viat ta loi a ni.
14Nangni’n chu, “Itho sikin mo?”
nin la ti sa rêk, ni thuthung nupang leh ni irkoppui ni khomsian,
a chunga dik loi taka ni itho tâk hi,
ni thoibop laia dôngma le nangma kâra khan Rengpa kha thu’nhretu a ni.
15Khan hringna chi kha a nei sikin,
ama khan inkhata a isiam loi ma ni?
Itho sika inkhata siam mo a ini?
Pathian chi kha a izong a ni.
Khasika khan nin irtha khan irdîn unglân mi tukhom a thoibop dôngma kha porinche takin lo no ri sehai.
16“Irmâk hi a sân ki ikhôkmâk a ni,”
Rengpa, Israelhai Pathian khan a ti,
mâni silkai irmanêpnaa irkhum le,
sipaihai Rengpa’n a ti.
Khasikin, nin irthaa khan irdîn unglân,
porinche taka nin tho nona hrangin.
Roirêlna nikhua a zuang nâi
17Nangni rêkin chu, ia khan mo kin insôltir?
nin tia. Thilsual thotu murdi Rengpa mithmua mi sa an nia,
an chunga khom a sân a lôm ngai nin ti ngaia,
roirêl felna Pathian kha khôn mo a iom?
nin itihaia hin a ni.
Currently Selected:
MALAKIA 2: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.