HOSEA 8
8
Rengpa’n Israelhai millim an biak sikin thiam inchang mah
1Bekul kha ni hmûra irsuntir ro, Rengpa sûngkuahai chunga irmupui angin a zuang e, ki thuthung an tho’nchâia, ki dân an lôipai sikin. 2Ki Pathian keini Israelhaiin chu nang kin inhriat, tiin ki kuang khêk an ti. 3Israelhai khan thil sa an hnôla, râlhaiin irzûl an ti.
4Ki itho ni loiin anni khan rêng an siama; kin hriat loiin hruaituhai an siama, an irhmangna hrangin an tangkarua le rângachakin millim an irsiama. 5O Samari, ni sehrâtte irlim kha a hnôl e; an chunga ki ning an mur tak tak a ni. Itik tena mo a irthiang nôk hrang? 6Israel kut theithiamhai millim siam kha, Pathian ni ma. A ni, Samaria sehrâtte irlim kha inkhoipai zit ni a ti; 7phâivua an songa, phâivua saloi an i-ât hrang a ni: a kung inding nei maka, a’rzîk khan ra insua no ni; a ra insuak khom sianlân, mikhualhaiin fa zoi an ti. 8Israelhai kha irlem zoiin an iom a ni: bêl, a sûnga lômna om loi angin atûn hin nam dang laia an iom a ni. 9Ram sakuartung inkhât tak angin Assuria rama an kâia, Efraima khan arditpuihai ar hloppui e. 10A ni, nam danghai irhloppui khomsian, irkhôm ki ta, rêng le hruaitu hriak an ipol ngai kha inmongtir bak ki ti.
11Efraima khan maichâm a inpungtir hi an thil tho sualna sika a nia, an ta hranga sualna rêng rêng kha sualna mai mai a ni. 12Ki dân chu ki’rziak pe tu tuaia, khannisian thil dangin an ibe a ni. 13Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.
14Israel khan a siamtu a’rnghil paia, in roiinpuihai a sina; Juda khan khopui kulhai an pungtira, khannisian a khopuihaia khan mei tîr ki ta, a in roiinpuihai kâng zoi a ti.
Currently Selected:
HOSEA 8: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
