HABAKUKA 3
3
Habakuka chongchaina
1Sigion chunga deipu Habakuka chongchaina.
2O Rengpa, ni chong kin hriata ki chi tâka,
O Rengpa, hi kum sûng hin ni sin tho inthar nôkin lân,
Hi kum sûnghai hin inlârtir nôkin lân,
Ninginmurnaa khan za’rngaina kha inhre mai roh.
3Temana#3.3: Lekhabu senkhata chu Edom ram ata hi Pathian a hong nôka, tia hril a ni. ram ata Pathian a honga,
Mi Irthiang kha Paran tâng ata,
A roiinpuina’n irvânhai khi a tuama,
An pâknain irnêng hi a isip a ni.
4A’rtêkzia kha vâr ang dên a nia;
A kut ata vâr irtêk a hong suaka,
Ama khan a sinthotheina irthupin a om.
5A matona khan hripui kha a fea;
A kehaia irthokin mei ir-al irling a fe suaka.
6A ngîra, irnêng kha an hnînga,
Namhai kha a ena, an hnot indara;
Kumkhua tânghai khom kha indartirin an oma,
Kumtuang mualhai kha an kûn saa;
A lampuihai kha kumtuanga hrang a ni.
7Kusan puan inhai dengthei tuang lai ki hmua;
Midian ram puanzârhai kha an thinga.
8 Rengpa chu ivadunghai chunga khan a milung
a inchukloi ma ni?
Vadunghai chunga khan ni ninginmurna kha a omin,
Tuikhanglian chunga khan ni ninginmurna kha a iom ma ni?
Ni sakorhai chunga khan chuangin,
Ni saninhringna sakor tâlihaia khan ni ichuang hi?
9Ni thalngul kha inrongpai zit a nia;
Thalhai kha a hruia nin khopa.
Khomâksâmna kha namhai hrangin a deta,
Nang chu irnêng kha ivadung nin changtir tâka.
10Tânghai khan nang an hmua, an chia;
Tui irsokhai khom kha an fe irhmang tâka;
Li inthûk khan hnukirhai an suaa,
A kuthai kha chung tiang a phara.
11Misa le tha chu an omnaa khan an ngîr maia,
Ni thalhai kâp suaka om ivâr le,
Ni ufei irtêk zor zor vâra khan.
12Ninginmurin ram kha nir fang suaka,
Ninginmurin namhai ni chîlchita.
13Ni mihai saninhring hrangin ni fe suaka,
Ni sahriak pol saninhringna hrang khan.
Mi sia sûngkuaa irthok khan lu kha nin phopa,
ring dênin a lungphûm kha nin langtir tâk a ni.
14Inrûka inriang fâk irhmanga nuama lômtuhai,
kêllaiher anga hong pûtin,
nin darhtir hrangin an honga,
Irdoi theihai lu kha ni khianghrolin ni sun tâka.
15Ni sakorhai leh khan tuipui nin hroa,
Tui irsok irkhêl tak kha.
16Kin hriatin ki sûngrîl kha an thinga,
Ki hmûrhai kha hnukirhai khan an thing nor nora;
ki ruhaia khan hmonna a hong lûta,
Kha ki omna hmuna khan ki inthing a ni;
Buaina nia khan irngam ki ta,
Mipui, sipai pâl anga ni rûntu chunga a hong tung tika chu.
17Theipui kung kha pâr ta no khom sian,
Grephruia khan a ra om ta no ngân khomsian;
Oliv sika sin sôlna kha mâkana hong niin,
Loihai khan bu hong vâng ta no khom sian;
Belra pâl kha a ina irthoka sâtthâka omin,
Sehrât ina khan sehrât pâl khom om ta nohai khomsian,
18Rengpaa khan raiinfân ki ta,
ki saninhringna Pathiana khan lôm ki ti.
19 #
2 Sam 22.34; Ipn 18.33 Rengpa, Jehova kha ki hrâtna a nia,
ki kehai chu sazukpui kehai angin a siama,
Ama khan ki hmun irsânga nin fetir a ti.
Currently Selected:
HABAKUKA 3: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
