FESUAKNA 31
31
Rengpa omna hrang puan in sin theithiamhai
(Fes 35.30—36.1)
1 Rengpa khan Mosia chu hiang hin a ti pea. 2“Uria nâipa Bezalela, Hura tupa Juda nama mi chu kin thang tâka, 3kut sinthei le irfûktir theina, thil i ang khom siam hranga kutsintheina nei hrangin ama kha ki sin theina hrangin ki insiptir a ni ta. 4Thil enhoihai ngaitua suaka, rângachak, sumru le dâr siam theina, 5lungmantam inkhop zât ât tan, thing a enhoi tak tak siam theina ki inneitir a ni ta. 6Ama changpui hrangin Dan nama mi Ahisamaka nâipa Oholiaba ki inthang sa a ni ta. Kut sinthei dang khom, sin hranga thu ki ipêk murdi siam theina ki ipêk sa a ni ta. 7Puan in sin an ta, Thuthung Bôm le a sîng, puan in timmatuahai, 8dokâng le hmangruahai, rângachak inzena siam meiser siana le a hmangruahai mirimhoi hâlna hranga maichâm, 9hâlirvôm thilinhlana maichâm, a tuibêl murdi leh, tâbor le an toina hai, 10Arona le a mihaiin ochai sin an tho zoroa an innghâk hrang ochai tukfam roiinpui, 11Irpol zât sahriak, hmun irthianga hrang mirimhoi thil an isiam sa hrang a ni. Hi thilhai siam hranga hin thu nang ki ipêk ang takin an itho hrang a ni”.
Irngam nî sûn sabat
12 Rengpa’n Mosia kha, 13Israel mipuihai chu inhril hrangin thu a pêka, “Ki sabat nî hi an iser hrang a ni, nin irchi la hong om thiaihai hrang khomin keima Rengpa hi, nangni an thangsuaktu ki nih ti nin inhriatmaina hrang a ni sikin. 14Sabat nî hi nin ta hranga nikhua irthiang a nia, nin iser ngêt hrang a ni. Mi tukhom ser loia kha ni sûna sintho chu that hrang a ni. 15#Fes 20.8-11; 23.12; 34.21; 35.2; Dhn 5.12-14 Mâni sinthôna hrangin sûn rukpa zel nin neia, a sûn sari ni chu irngam nikhua irthiang, keima hranga serindang hrang a ni. Mi tukhom hi nikhuaa sintho chu that ngêt hrang a ni. 16Israel mihaiin kin kâra thuthung an inhriatmaina hrangin kumtuanga ser mai hrang a ni. 17Keima le Israel mihai kin kâra thuthung irsinsiana det ni a ti; keima Rengpa hin sûn ruk sûngin irnêng le irvân ki siam zoia, a sûn sarina chu ki sin ki monga, ki irngam a ni ta,” a tia. #Fes 20.11
18Pathianin Sinai tânga Mosia a chongpui zoiin chu, ama Pathian ngêt khan a irziak thupêkhai chuangna lungphêk inhni kha Mosia kuang khan a pêka.
Currently Selected:
FESUAKNA 31: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
