THUHRILTU 5
5
Chonginkung saloi lam
1Pathian ina ni fe laiin a sân irdîn ro, mi’ntohai irbôlna nêkin chu irchû hranga va fe hi a sa ual: anni chu thil saloi an tho ti inhre mahai. 2Ni hril mânin ngaitua bak ro, irhnotpasotin Pathian kuang chonginkung no ro; ama chu irvâna om a nia. Nangma chu irnênga om ni ni sikin, khasikin ni hril hrang ban chu hril viat no roh. 3Ni char nin dong dôr, irmang saloi ni nei intam dôr, ni chong intam dôr, chong insual ni nei intam dôr. 4#Ipn 66.13-14 Khasikin, Pathian kuang thu nin kunga ni’n chu, inrang takin sua tum ro; mi invêt chu lômna rêng rêng nei ngai ma, ni chonginkung chu irkiptir lat roh. 5Chonginkungna neia sua loi nêkin chu, inkungna nei loi lolo hi ni ta hrangin a sa ual. 6Ni bâiin suala nang hruai inlût no sianlân, Pathian ochai kuang, “Ki ihril kha, kha lua kha ki ihrilna ni mah kha te,” ti no roh. Itho mo Pathian chu a ninginmurtirin, ni sintho murdi chu inboipaitir ni ta? 7Irmang tamtak phan le thu tamtakhai hril khom hi chanlamboi dên a nia, khasikin nangin chu Pathian chu chi roh.
Mihriam hringna hi chanlamboi a nizia
8Inrianghai chu sorkârin dengintheitirhaiin felna le dikna chu an chunga tho pehai loia an iom ni hmu khomin, ni charindong no roh. Ram hruaitu murdihai chu anni nêka irsâng ualhaiin an en zuihai maia, khan anni nêka irsâng ualhai khom chu an la oma.
9Khan, irnêng inpâkna kha mi murdi hrang a nia, rêng khom chu loimâna irnghat a ni.
10Tangka sum irngaiinnattu’n chu a milung chuk no nia, irchong irngaiinnattu khomin a milung chuk ual no ni: hi khom hi chanlamboi dên a ni. 11Ni’rchonga ni’n chu fâk hrang mi an tama, a neitu ta hrangin a mithai leh a hmu ti bana chu imo a’rfêna a oma? 12Sinthotu chu a fâk intôm khomin, a fâk intam khomin a inmu ar dêna, khannisian irchong chu ar chongna khan in intir thei no ni.
13Misa hnuaia hin thil saloi tak ki hmua; kha kha mi’n irchon a binga dengtheina hrang ngota a inei hi a ni. 14Kha irchonhai kha vânduai nikhuahai a hong tunga, an hek vinga; khanchu nâipasal a hong neia, khannisian a ta hrangin a kuta ite ma pe hrang om ta maka. 15#Job 1.21; Ipn 49.17; 1 Tim 6.7 A nu phîng sûng ata a zuang isuak ang khan, korong ngêtin a fe nôk tâka; a sin sôlna ra khom chu a kuta a ichôi thei ite om mah. 16Khan hi khom hi thil saloi tak chu a ni, mihriam chu a zuang isuak lam ang takin, a kîr nôka, a korongboi ta hrang ngota lei sôl a ni sikin imo an lâpna? 17A dam sûng murdia khan inthim hnuaia a fâka, lungni loi takin, natna tuang le ningmur takin a oma.
18Irngai ta, mihriamhai ta hranga satak ki ihmu chu, Pathianin an hring sûng sôtnote a ipêk sûnga an sintho suakhai fâk le nêka, nunkhonhoi taka an ihmang hi a ni; kha kha mihriamhai tong hranga om chu a ni. 19Khan, Pathianin mi tin irchongna le neinungna a pêka, a sinsôlnaa khan raifânna khom a pêk saa, hi hi Pathian ata thilpêk chu a ni. 20Khan, Pathianin lôm taka om hrang a phal pe sikin, a hringnun bongzia ngaitua’n a charindong ta no ni.
Currently Selected:
THUHRILTU 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
