THUHRILTU 3
3
Thil tinrêng zoro
1Thil tinrêng ta hrangin zoro a oma,
vân hnuaia thil tinrêng ta hrangin zoro irfûk a om.
2Irzir zoro a oma, thi zoro a oma;
phun zoro a oma, phôi zoro a om;
3that zoro a oma,
indam zoro a oma; set zoro a oma,
siam zoro a om,
4chap zoro a oma, innui zoro a oma,
sûnna zoro a oma,
lâm zoro a om.
5Irdit zoro a oma,
irhmumâk zoro a oma,
irpom zoro a oma,
irpomloi zoro a om.
6Hmu zoro a oma,
irhmang zoro a oma,
hrê zoro a oma, pai zoro a om.
7Kaithêr zoro a oma,
insui zoro a oma,
dâihrek zoro a oma,
chong zoro a om.
8Lungirkham zoro a oma,
irtheimâk zoro a oma,
irdoi zoro a oma,
irngei zoro a om.
9Sinthotu hin a sinsôlna ata hi imo inlâpna a hmu? 10Pathianin ei chunga hin puakrik a’rnghat ti hi kin hriata. 11Thil tinrêng hi an zoro senga satakin a siama; mihriamhai milunga khom a siaa; khannisian Pathian, a phut ata a mong dêna a sinthohai chu inhre thei mahaia. 12Mihriam ta hrangin an hring sûnga raifân taka oma, sin sa tho bana sa hi chu om mah ti kin hriat tâka. 13Khanchu, mi tinin fâk le nêka an sin sôlna murdihai lômtaka an iom chu Pathian thilpêk a ni.
14Pathian sintho murdihai hi kumkhontuangin om a tih ti kin hriata, khataka khan nangin ite bôk sa thei no chi nia, khatak ata kha ite lâka sen thei khom ni no ni, mihriamin ama an chi theina hranga Pathianin khaang khan a itho a ni. 15Thil omhai hi a lei om ta sai a nia, thil la hong om hranghai hi a lei om sai tâk kha a ni. Pathian chu a lei irhmang sai tâkhai kha a hong lâkkîr nôk thiai a ni
Rammuala thiarthâkna tamzia
16Khabana misa hnuaia hin roirêl felna le dikna omna hrang hmuna, pualoina chu ki hmu saa. 17Khan, ki milungin, “Pathianin mi felhai le mi pualoihai chunga roi la rêl a ti, sin tinrêng ta hrang le sintho tinrêng ta hrang khomin zoro bi seng a om sikin,” ki tia. 18Khan, ki milung dênin, “Mihriamhai chungthua khom, ramsa ang an nih ti an inhriat theina hrangin Pathianin anni chu a ifia a ni,” ki tia. 19Mihriamin a itong hrang le ramsahaiin an itong hrang hi hmunkhat a nia, an ruaiin kha thil khan a nghâkhaia; inkhat a ithi ang dênin, inkhat khom chu thi a ti. Phûksân hmunkhat nei seng an nia, mihriamin ramsahai chunga inchung ualna nei maka, an ruaia ta hrangin hringnun hi chanlamboi a ni sikin. 20An rêngin hmunkhata an fea, an rêngin vâiphina mi an nia, an rêngin vâiphin an chang nôk vinga. 21Tu’n mo mihriamhai irtha chu chung tiang a fea, ramsahai irtha chu hnuai tiang a fe ti inhriat infel? 22Khasikin, mi’n a sin thônahaia a râi a infân nêka sa hi ite dang om mah ti kin hriat tâka, khabana khan chu ite a itho thei om ma, ama hnunga thil la hong om hranghai chu en hrangin tu’n mo ama chu hong hruai kîr thei a ta?
Currently Selected:
THUHRILTU 3: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
