THUHRILTU 10
10
Dik loina sûnhnunghai chu
1Thoivâi thi sai khomin mirimhoi satak khom a mirim an siat ngai, khaang dênin, invêtna chînte hin vârna le mahripomna irsângtak an siat ngai.
2Mi vâr chu a ngaituanahaiin lampui dika a hruai ngaia, khannisian invêt chu a ngaituanahaiin lampui dik loia a hruai ngai. 3Invêt chu lampuia a fe lai khomin an vêtna chu an langtir ngaia, khasikin mi tinin invêt a nih ti an inhriat ngai.
4Roirêltu chu ni chunga a ning an murin, ni sin kha irpai zel no ro, ni dâihrekin chu ni inchâina liantak khom ngaidam ni thei a ti.
5Khan, misa hnuaia hin thil saloi ki ihmu chu a oma, roirêltuhaiin dikloi taka roi an rêl sika a ni. 6Intohai chu hmun poimo takhai pêkin an oma, irchonghai chu irhnuai takin an toia. 7Siahlohai chu sakor chunga an chuanga, rênghai chu hnuaia siahlo anga kea kalchôiin ki hmua.
8 #
Ipn 7.15; Thuv 26.27 Khur ni choia ni’n chu nang chu tâ ni ta; dâi ni seta ni’n chu, mirûlin nan chuk a ti. 9Lung lâkna hmuna sin ni thoa ni’n chu, lungin pop ni ta, thing ni phûra ni’n chu chitna’n sip ni ti. 10Ni hrei chu a môla, a bêhai intâta a om noa ni’n chu, irnak tamtak song a nanga. Khannisian, vârna’n chu hlochukna an tungtir ngai. 11Mirûlin an chuk baka ni’n chu, mirûl indôi theina kha ite a’rfêna om no ni. 12Mi vâr chu a thuhrilnahaiin chôiindômna an tungtir pe ngaia. Khannisian invêt chu ama ngei thuhrilnahaiin insiatpai a ni ngai. 13A phuta a thuhrilhai chu intona a nia, a thuhril mongnahai chu invêtna a ni. 14Invêtin chu thuhai an pungtira, tukhomin imo a hong itung hrang ti inhre mahai, ama hnunga imo a hong itung hrang ti, tu’n mo ama chu hril thei hrang?
15Invêt chu a in lampui ten lua an hriat no sikin, a hring sûngin a sân sintho’n om ri se.
16Reng chu ruatharte a nia, hruaituhai chu zân sôt hruaithenaa an omin chu, ram chu a buai ngai. 17khannisian, rêngin a bingin thutûknahai a siama, roirêltuhai khoma a zoro taka fâk nêk an zonga ni’n chu, ram chu vânnei tak a ni.
18Mi thaboi sin tho nuamloi chu, a in chunghai zung a ta, a in chung chu chim a ti.
19Hruaithena hi raifânna hranga a nia, uainin nunchan chu irthafân takin a siama. Khannisian sum le puan boiin chu an ruai khan nei thei ni mah.
20Reng chu ni lunginchong khomin sêl no ro, khan mi irchong khom ni zâlhmun tentan sûnga khom sêl no ro; chunglêng vahaiin ni thuhai chu chôi an ta, va mitha neihaiin ni thuhrilhai chu van tungna an ti.
Currently Selected:
THUHRILTU 10: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
