AMOSA 5
5
Irlet hranga ngênna
1O, Israel irchihaio, hi thu hi nangni sûnna hranga ki insîr hi inhre roi.
2Dôngmate irthiang Israel kha a tûk tâka;
inding nôk ta no ni; a ram chunga pai thâk a ni ta;
ama inngîrtir hrangin tûte om mahai.
3Rengpa pathian khan hiang hin a iti a ni: Israel irchihai kuanga khan, khopui irsâng suakna khan, irzakhat mâksan a ta, khopui irzakhat suakna khan, sômkhat mâksan a ti.
4 Rengpa khan Israel irchihai kuanga khan hiang hin a ti, ni zong unglân, hring nin ti: 5Khannisianlân Bethel khua zong no unglân, Gilgala lût viat no unglân, Beerseba khuaa kâi no roi: Gilgal khua kha irningloiin sala an iman hrang a nia, Bethel khua kha chanlamboi hong ni a ti. 6Rengpa kha zong unglân, hring nin ti; khano’nchu, Josefa ina mei angin suak a ta, kâng zoi a ta, Bethel khuaa thatpai hrang tûte om no nihai: 7roirêlna sâipui thinga inchangtira, felna kha irnênga pai thâkhaio;
8 #
Job 9.9; 38.31 Sîruk le sîvazûn siamtu le thina dâihlîm zînga inchangtirtu le sûn kha zân inthima siamtu,
tuikhanglian tuihai koia, irnêng chunga inluangtirtu kha,
ama kha zong unglân,
ar hming chu Rengpa a ni,
9kul chunga irhmangna hong tung dôra,
mi hrâthai chunga irhmangna intungtu kha.
10Kul mikota dik taka roirêltu kha a khôkmâka, thu diktak hriltu kha. 11Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni. 12Nin sualnahai a tamzia le nin sualnahai a’rkhêlzia kin hriata; mi felhai dengintheitira, fâkinrûkna lâka, kul mikota mi irsamhai dongtum ngei khom pêk phal loihai. 13Khanchu mi vâr kha, khaang zoroa chu a dâihreka zoro saloi a ni sikin. 14Nin hring theina hrangin sat loina zong loiin, satna zong unglân; khan, nin insîr angin Rengpa sipaihai Pathian kha nin kuang om mai a ti. 15Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni. 16Khasikin Rengpa, sipaihai Pathian, Rengpa khan hiang hin a ti: kholaidung irzat murdia chap rak rakna om a ta; kholai murdia, a poi bâka! ti an ta; chardong hrangin loi neituhai leh chap rak rak hrangin a sûn thiamhai koi an ti. 17Khan, grep irhuan murdia chap rak rak an ta; nin laia ki ife theng hrang a nia, Rengpa’n a ti. 18Rengpa nikhua nuamhaio, nin chung a zîng e! Ithoa mo Rengpa nikhua kha nin inuam? vâr ni loiin inthim a ni ual. 19Kâmkeibaknei rotsana, savom tong mi ang le ina lûta, bang chunga kut irnghata, mirûlin a inchuk ang a ni. 20Rengpa nikhua kha vâr ni loiin inthim a ini loi hrang ma ni? Inthim irsa le vâr rêng rêng khom nei loiin?
21Nin kûthai ki khôkmâkin ki hnuaisiaa, inkhômpui ir-uphai khan lôm ual no ning. 22A ni, nin hâlirvôm thilinhlan le nin bu inhlan, nin hlan khom unglân, pom no ning, nin sâ mar irngeina inhlanhai khom uksak ual no ning. 23Nin perkhuang irhâi hoi kha irngai no ning: Khasikin keimaa ni hla nin chok kha lapai roh. 24Khannisianlân, roirêlna dik kha vadung angin luang sianlân, felna kha ivapui kang ngailoi angin luang ri se. 25O, Israel in sûngkuahaio, kum sômminli sûngin ramchâra khan irbôlnahai le thilinhlanhai ki kuang nin hong ichôi ma ni? 26A ni, nin rêng Sakut le nin Molok puan inhai le, nin Kaiuan millimhai, nin ârsi pathian, mâni hranga nin isiam kha, nin pêla. 27Khanchu Damaska khua khêl tiang sala nangni infetir ki ta, Sipaihai Rengpa pathian khan a ti.
Currently Selected:
AMOSA 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
