ROM 14

Nini daphlung ni basao ha gajai da ri

1Lonma ha raoyayaba subung khe, boni baothai khe niyayahi khaja lah. 2Subung saosi de khrip jithar phu du thihi bo lon ba, thikhabo subung saosi de samlai bonlai se ning ji ba. 3Khrip jiyaba jiyayaba khe da naisle thing; jiyayaba bo jiyaba khe da niya thing; Madai ning bokhe lamjao kha. 4Subung gibin ni dangyasa khe niyayaba ning sere kho? Bo songyaba jang galaiyaba de, boni bubra ni sagang ha se, bode song rijao hi ning dong ma se, Gabra bonsi khe song riphuyaba se.

5Sereba de sainsi ni basain khe gibin mani dao du, sereba jakha de khrip basain khe baosi ning mani du. Khrip subungbo jarni baothai khe ragao si jar jar tharmai laila thing. 6Geryaba basain ha de, Gabra khe bakhan khlai mani khlai hi bonsi ger re. Khrip jiyaba de, Madai niha khajama ni grao khe thi bani, Gabra khe bakhan khlai mani khlai hi se bo ji ba; bo jiyayababo Gabra khe bakhan khlai mani khlai hi bo jiya hi, Madai niha khajama ni grao khe bo thi ba. 7Saosibo jarni khlai hi jing thanghi dongya, saosi bo jarni khlai hibo thihya. 8Jing thanghi dong khabo Gabra ni khlai hi se jing thanghi dong ba, jing thih khabo, Gabra ni khlai hi se jing thih ba. Odebani jing thang khabo, jing thih khabo, Gabra ni se. 9Olei bani se Krista thih phai hi, bo thangphin ba, subung githi jang subung thanghi dongyarao magin nibo Gabra se. 10Snadi jabani ning la nini daphlung khe niya ba? Niyakhala, ning la snadi ja bani nini buphlung khe ning naisle ba? Madai bisar khlaiyaba khamthan ni sagang ha khrip bo song ma nang ma se thi. 11Madai ni laisi ha reb du:

Gabra thidu, ang thanghi dongba lai ning,

Khrip jadi ani sagang ha bonsi gonggalai nang,

khrip jadi ni slai bo Madai niha bai ma se.

12Odebani, jing khrip bo Madai ni sagang jarni graojma khe jing sainthima nangma se.

Nini daphlung khe da galai ri

13Odebani, jing saosi jang saosi niyalaiya kha dou; bokhe garhi, saosi bo jarni daphlung galai mani ja thing, malai ni lama ha gaso suso ha ja thing, gabaya mani jing baolei nang. 14Gabra Jisu ha asaba jinis bo jar jang jar de gushu jaya thihi ragao sisi ang tharmai du. Thikhabo jinis gathar niya hi, baoyaba nede bonsi gushu se. 15Ning ji bani nini daphlung khe khai kha de, hamjaoma ni lama ha ning hemyayaba se. Malai, bonthane khlai hi Krista thihpha ri kha, ning jiyaba jang bokhe hamya da khlai. 16Odebani, nisi hamba baoyaba khe hamya da mai thing. 17Madai ni raji de jiba lingba ni grao gede niya, dormo, milima odehe Bese Gathar ni khajama ning ja kha. 18Olei Krista ni khusi dangyaba side Madai khajayaba subung se, subung jang bo sugujao re.

19Odebani, milima jang phola laiyaba khe jing riksai lai nang. 20Jinis ji bani khlai hi Madai khusi dangyaba khe hamya da khlai. Khrip jadi jinis bo gathar ning, thikhabo, ning jiyaba jang gibin subung galai khade, ninthane khlai hi gajai se. 21Nini daphlung galai ma se thikhade, mogong jiya hi, ju lingya hi, niyakha la, gibin jinis musi khebo khlaiyaba hamdao. 22Lonma ning maiyaba khe, Madai jang nisi ni gejer ha hamsisi deng lah. Jar khe hamba thi layaba ni balam ha, jarni basao ha musi gajai thima giriyaba de boni khophal hambi. 23Thikhabo, lon soya hi jiyaba de, bo khusi dangyaba de lonma ha asa dengyaba ni bo gajai jama se. Asaba jinisbo lonma ni phrang baigoyayaba de phap se.

Currently Selected:

ROM 14: DIMASBSI

Highlight

Copy