NUJAOYABA 15
15
Deglarao ar yaohonthao ni biyadi
1Odehe, sorgo ha gibin sin gedeyaba ode gmang thaosisiyaba khe ang nu ba: sorgo ni degla sniyaba yaohonthao ni saja masni buthu khe bonsi labu ba, bo saja buthu hade Madai ni thamsi jamthar si sothar kha.
2Boha, derphnai sagor lai ja du, wai jang gibringyaba khe ang nu ba, ode mih rege jang boni saokhuli ar boni bumu ni lombor deyarao, Madai ni seranda khe di dada song hi dongba khebo ang nu ba. 3Bonsi Madai ni khusi dangyasa Moses ni rajabthai jang Melmasa ni rajabthai khe rajab ba:
O Gabra Madai, khrip dangphuyaba,
Ning khusi dangyaba buthu de muima gmang thaosisi,
O jadi buthu ni Raja dedao thaoyaba,
Nini lama buthu de gibi jang dormo se!
4O Gabra, sere nini bumu khe man khlaiya hi bakhan khlai nang?
Ning se ning gathar se.
Khrip jadi phai hi, ning khe bonsi khlim ma se,
Bede thikhade nini bisar buthu khe phnu kha! ode thi du.
5Boni yaohon ha ang naiha ba de, sorgo ni bikhoh hathan gathar jadao thaoyaba khebo khru phai ba. 6Bikhoh ni phrang saja masni di hi, sorgo ni degla sni buthu phai hi, rih guphu gili duduyaba, jna phayaba khe phin hi, gajao ni wadu jang bonsi ni khahbao buthu ha phit thi sop ba. 7Thaoglao ha thang hi dongyaba Madai ni thamsi ha gablaiyaba khaojeb masni, hang gnang mabri buthu ni bising ha masi, sorgo ni degla buthu ne bo ri ba. 8Madai ni muima jang bo raothai ni phrang waikhudi, bikhoh ha gablai ri hi sorgo ni degla sni buthu saja masni langyarao bonsi jamya side, bikhoh ha saosi bo bonsi hap phuya.
Currently Selected:
NUJAOYABA 15: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
