BAKHAN NI RAJABTHAI 17
17
Hamba subung ni bithai
David ni bithai
1O Gabra, ang bislei gibi jadu ning tharmai lah
Ani khurang khe khna lah.
Mosol jayayaba ni bithai khe gainsong lah.
2Nini sagang ha ang gibi se thi hi nujao la thing.
Nini muh jangbo gibi khe nu la thing.
3Ani khah khe nainai lah
Hor ha phai hi ang khe naidao lah;
Ani khusi khebo wai jang nainai lah.
4Nini khusi khe malai sijiba lai ang de sijiya.
Ang nini grao khe mani du, ode ang malai khe khahrain riya.
5Nini lama slamyaba khe se ning hem bani ang galaiya
6O Madai, ang longba ha, ning thiphin ri.
Ani khurang khe khmao jang gainsong lah.
7Khahlaoma ni khasaoma khe phnu ri
O dimkhaoyasa, nini goda jang sotrurao ni phrang dimkhao-juru lah.
8Nini musa khe dimkhao hi dengba lai jasosi ang khebo dimkhao lah.
Ang khe nini bagrang jang goro phung lah.
9Phaphirao ang khe gakhlik hi sersi giding
Ani sotrurao gading hi dong du.
10Bonsi ni ha khasaoma bo giri, ode sangga hi grao jo du.
11Jing braha thang du bonsi jing khe gading du
Ode galai ri mane bo hajora naibai du.
12Bonsi raigonma lai jasosi jing khe bo siri siri hathan ha jon hi
Birpha hi waithai ma baobai du.
13 Gabra, baija, bonsi ni sagang ha songso hi de lah,
Nini seng jang phaphirao ni phrang sogo ri lah.
14Phirthi ni blaiyarao subung ni phrang bo sogo lah,
Bonsi ni khlai hi dengyaba jang ning bonsi khe saja ri lah.
Bonsi ni sasik khebo saja ri lah.
Bonsi ni sarik-surik sosibo olei ning sajabo ja thing.
15Ang gibi subung bani nini mukhang khe nu phu nang
Ang ning jang baosi jahi ani muh nuphu kha ning
Ani khasu ha suk ja la nang.
Currently Selected:
BAKHAN NI RAJABTHAI 17: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
