BAKHAN NI RAJABTHAI 10
10
Gibi bisar ni khlai hi khainsu ma
1O Gabra, snadi jabani gajain ha dong ba,
Dukhu ni bubli ha snadi jabani thim hi dong ba?
2Phaphirao sangga hi dukhi sarao khe dukhu ri du,
Bonsi jarni dukhon ha ning nang la thing.
3Phaphi subung boni nangjaoma ha sangga la du,
Libima gnang Gabra khe nangjaoya hi naisle re.
4Phaphi subung boni khah ha sanggama dong re,
Madai khe smaiya,
Bonsi ni khah ha, Madai giri thi hi bao re.
5Bonsi ni khusi beleng bi,
Madai ni bisar khe tharmaiya,
Bonsi ni sotrurao khebo minithai re.
6Bonsi jarkhe thi re, Ang khe saosibo smao phuya kha,
Ang dukhu habo galai nang niya kha.
7Boni khuh ni phrang sarithai, mosol ode hophrathai baigo re,
Khuh ni graothai de sanggama ni ode hamya graothai se.
8Nalaibo hamba subung khe sthaima ne jon re,
Juruma giriyarao khebo naidao re.
9Raigonma lai jasosi boni thimthani ha thim hi dong re
Dukhi sarao khe rem mane jon re,
Bonsi khe bo jeh jang saikhip hi siklang re.
10Baijang baijang gong hi thang hi
Khophal hamya subung khe bol jang lang re.
11Bo jarni khah ha bao re, Madai ang khe hamjaoya jaya,
Bode mukhang phung la kha bani, ang khe nuya.
12O Gabra, baija lah, O ani Madai, yao sugu lah,
Dukhisa khe da blao.
13Snadi jabani hamya subung Madai khe siji hi,
Ar khah ha, Ang khe musibo khlaiya? thi re.
14Ning de nalai bo nu la du,
Dukhu ode gmang-giji jayarao khe nai la du,
Juru mane bo salai hi ning dong du,
Dukhu ode mathisarao nini ha phaiyarao ni khlai hi
Juru ginyaba ning se ning.
15Phaphi subung ni yao khe sbai lah
Bonsi ni khrip hamya khusi khebo khaikho lah,
Bo buthu khe nuphinya mane sjam lah.
16 Gabra ning thaoglao ni Madai se,
Gibin madai ha lonyarao raji ni phrang jamthar ma se.
17O Gabra, dukhisarao ni khah ni nangjaoma khe khna kha
Bonsi khe smai ri, ode bonsi biyaba khe khna lah.
18Mathisarao ode nekhlik jaoyarao ni balam ha gibi bisar khlai lah,
Odehe, phirthi ni subung saosibo bonsi khe dukhu ri phu nang niya kha.
Currently Selected:
BAKHAN NI RAJABTHAI 10: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
