BAKHAN NI RAJABTHAI 1
1
PHANTHA SI
(1—41)
Hamba ode hamya subung
1Sere hamyayarao ni bisar khe maniya
Phaphi subungrao ni khamthan ha bo khamya
Mujiyayarao ni khamthan ha bo khamya
Bo subung ni khophal hamba se.
2Boni khajama de Gabra-ni dara ha se ning
Sain-hor boni dara khe bao hi ning dong re.
3Bo dih dergong ha gaiyaba bongphang lai
Thaibli ha thai re, boni balai bo raingya;
Boni khrip dangyaba khusi ha bo japha lang nang.
4Thikhabo, hamya subung de olei niya,
Bar jang sipkhao jaoyaba maijibu lai jasosi se
5Odebani, bisar ha hamya subung songpha phu nang niya
Phaphirao bo gibi ni bojom ha mili phu nang niya.
6 Gabra gibirao khe dimkhao re
Phaphi subung de jam la re.
Currently Selected:
BAKHAN NI RAJABTHAI 1: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
