PHILIPPI 2
2
Krista ni hamjaoma gedeba
1Krista ni gede khah shanti mai la kha, hamjaoma ni phrang shanti, bese jang dongpha lai ba, ode saosi jang saosi khe maya nanglai ba ode khasao laiyaba ja kha. 2Odebani khathai masi jahi, hamjaoma masi jahi, graosi khah masi jahi, ani khajama khe gibi khlai lah. 3Badai hi ode jar khe dejao hi musibo khusi khe dangya hi, nisi basasa ja dada, nisi thane gibin subung khe hamdao bao lah. 4Jar ne khlai hi se ning naiya hi gibin subung buthu ham mane bo nailai lah.
Krista basasa jahi dongyaba.
5Bedehe Krista ha khah dong ba, olei ning nisi nihabo dong thing:
6Bo de Madai jahi ning dong lakha bo,
Bo Madai jang baosi ja mani baoya.
7Subung ni saogari lai bo hajaiphai hi
leng lai bo jahi,
jar khe jar meser hi,
bo khongja khlai la kha.
8Subung ni saogari lahi, bo basasa jahi, thih si grao mani hi dongphai ba,
kross ha thihyaba ha ning bo hang yaopha la kha.
9Odebani, Madai ning bokhe judaothao ha sugu lang la kha,
khrip bumu ni bising ha bumu dedaothao bo ri kha.
10Odese, Jisu ni bumu ha ning khrip jadi sorgoni subung buthu,
phirthi ni subung buthu, ode pirthi bakhla ni subung buthubo
bonsi yasgu thu mani ode,
11bupha Madai ni muima ne khlai hi
khrip jadi ni slai jang Jisu Krista ning Raja se thi dada bonsi baipha lang mane khlai hi.
Habsao ha jnaba lai jna du
12Odebani, hoi ani daphlungrao, nisi grao mani hi ning dongba lai lah, duha ang giriba hatho habo, ar gejebdao hi khinthri jang the the mao hi nisi ni sogoyah ni khusi dangpha lang lah, 13bede thikhade, bo jar nangjao ba lai dang mane ode, dangma bao mane ode nisi ni khah ha bao hi khusi dang riyaba de Madai se.
14Asaba khebo berbaiya hi ode nam khormu giri hi dang lah. 15Greng hamyayaba ode subung gederyarao ni bising ha gajai khusi dangya hi ode, hamba jahi, Madai ni basa hamya thima giriyaba lai nisi japhu mani khlai hi, habsao ha bonsi ni gejer ha sathrai buthu lai jna lah. 16Hayu ni grao khe remsong lah, odese Krista ni basain hade haglai ang khaiya hi dukhu khlaiyaba haglai jaya thihi ang sangga phu mani khlai hi.
17Jadu, nisi ni lonma bandai ode khusi dangyaba ni basao ha lukhlai jaoma thikhabo ang khaja du, nisi khrip jang baosi ang khajapha du. 18Olei jasosi ning nisi bo khaja hi, ang jang baosi khajapha lah.
Timothe jang Epaphrodita
19Gabra ni nangjaoma ja du thikhade, Timothe khe ang srap nisi niha haiha ma asa deng du, nisi ni graojma khe ang khna hi khah shanti japhu mani khlai hi. 20Bo de ang jang baosi dongyaba ar nisi ham mani khlai hi gibi gibi nanglaiyaba se. 21Bonsi khrip bo Jisu Krista ni jinis buthu khe smaiya hi jarni lab ne khlai hi se ning smai ba. 22Timothe khe de, boni lab jathai khe nisi tharmai kha, basa jarni bupha ni khusi khe dangba lai, hamba graojma dengyaba ha ning khusi dangpha du thihi nisi mithi kha. 23Odebani, ani balam ni khlai hi ang tharmai ba jang bokhe srap haiha mani ang asa khlai du; 24Jar bo srap baosi phai mani khlai hi, Gabra ha ang asa khlai du.
25Ani daphlung, ang khusi dangpha laiyaba ode ani siphaiya lugurao, nisi ni grao disoyah ang nangba ha nisi a ne juru mane hai riyaba, Epaphrodita khe nisi niha haiha ma nangma se thihi ang bao du. 26Nisi khrip khebo hamsi ning wainso du, bo limdu thihi nisi khna ba khali habo hamsi ning khah waimu nang ba. 27Bo thima jasi lim ba, thikhabo Madai ning bokhe khasao hi, ode bokhe se ning niya hi bo, khah waimu ni basao ha khah waimu nangdaoyaba khe ang maiya mani khlai hi, ang khebo khasao pha ba. 28Bokhe nisi nuphin baha khaja phu mani ode, ani khah waimu khebo rijengdao mani khlai hi, bokhe ang srap haiha ma nangjao du. 29Odebani, bokhe Gabra ha jadi jadi khajama jang khusi jahi, elei subung khe bakhan khlai lah. 30Nisi ani khusi dang riyaba thaoyaba khe phura dangso mani khlai hi thiba khe khinya hi Krista ni khusi, bo thima jasi bo dang ba.
Currently Selected:
PHILIPPI 2: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
PHILIPPI 2
2
Krista ni hamjaoma gedeba
1Krista ni gede khah shanti mai la kha, hamjaoma ni phrang shanti, bese jang dongpha lai ba, ode saosi jang saosi khe maya nanglai ba ode khasao laiyaba ja kha. 2Odebani khathai masi jahi, hamjaoma masi jahi, graosi khah masi jahi, ani khajama khe gibi khlai lah. 3Badai hi ode jar khe dejao hi musibo khusi khe dangya hi, nisi basasa ja dada, nisi thane gibin subung khe hamdao bao lah. 4Jar ne khlai hi se ning naiya hi gibin subung buthu ham mane bo nailai lah.
Krista basasa jahi dongyaba.
5Bedehe Krista ha khah dong ba, olei ning nisi nihabo dong thing:
6Bo de Madai jahi ning dong lakha bo,
Bo Madai jang baosi ja mani baoya.
7Subung ni saogari lai bo hajaiphai hi
leng lai bo jahi,
jar khe jar meser hi,
bo khongja khlai la kha.
8Subung ni saogari lahi, bo basasa jahi, thih si grao mani hi dongphai ba,
kross ha thihyaba ha ning bo hang yaopha la kha.
9Odebani, Madai ning bokhe judaothao ha sugu lang la kha,
khrip bumu ni bising ha bumu dedaothao bo ri kha.
10Odese, Jisu ni bumu ha ning khrip jadi sorgoni subung buthu,
phirthi ni subung buthu, ode pirthi bakhla ni subung buthubo
bonsi yasgu thu mani ode,
11bupha Madai ni muima ne khlai hi
khrip jadi ni slai jang Jisu Krista ning Raja se thi dada bonsi baipha lang mane khlai hi.
Habsao ha jnaba lai jna du
12Odebani, hoi ani daphlungrao, nisi grao mani hi ning dongba lai lah, duha ang giriba hatho habo, ar gejebdao hi khinthri jang the the mao hi nisi ni sogoyah ni khusi dangpha lang lah, 13bede thikhade, bo jar nangjao ba lai dang mane ode, dangma bao mane ode nisi ni khah ha bao hi khusi dang riyaba de Madai se.
14Asaba khebo berbaiya hi ode nam khormu giri hi dang lah. 15Greng hamyayaba ode subung gederyarao ni bising ha gajai khusi dangya hi ode, hamba jahi, Madai ni basa hamya thima giriyaba lai nisi japhu mani khlai hi, habsao ha bonsi ni gejer ha sathrai buthu lai jna lah. 16Hayu ni grao khe remsong lah, odese Krista ni basain hade haglai ang khaiya hi dukhu khlaiyaba haglai jaya thihi ang sangga phu mani khlai hi.
17Jadu, nisi ni lonma bandai ode khusi dangyaba ni basao ha lukhlai jaoma thikhabo ang khaja du, nisi khrip jang baosi ang khajapha du. 18Olei jasosi ning nisi bo khaja hi, ang jang baosi khajapha lah.
Timothe jang Epaphrodita
19Gabra ni nangjaoma ja du thikhade, Timothe khe ang srap nisi niha haiha ma asa deng du, nisi ni graojma khe ang khna hi khah shanti japhu mani khlai hi. 20Bo de ang jang baosi dongyaba ar nisi ham mani khlai hi gibi gibi nanglaiyaba se. 21Bonsi khrip bo Jisu Krista ni jinis buthu khe smaiya hi jarni lab ne khlai hi se ning smai ba. 22Timothe khe de, boni lab jathai khe nisi tharmai kha, basa jarni bupha ni khusi khe dangba lai, hamba graojma dengyaba ha ning khusi dangpha du thihi nisi mithi kha. 23Odebani, ani balam ni khlai hi ang tharmai ba jang bokhe srap haiha mani ang asa khlai du; 24Jar bo srap baosi phai mani khlai hi, Gabra ha ang asa khlai du.
25Ani daphlung, ang khusi dangpha laiyaba ode ani siphaiya lugurao, nisi ni grao disoyah ang nangba ha nisi a ne juru mane hai riyaba, Epaphrodita khe nisi niha haiha ma nangma se thihi ang bao du. 26Nisi khrip khebo hamsi ning wainso du, bo limdu thihi nisi khna ba khali habo hamsi ning khah waimu nang ba. 27Bo thima jasi lim ba, thikhabo Madai ning bokhe khasao hi, ode bokhe se ning niya hi bo, khah waimu ni basao ha khah waimu nangdaoyaba khe ang maiya mani khlai hi, ang khebo khasao pha ba. 28Bokhe nisi nuphin baha khaja phu mani ode, ani khah waimu khebo rijengdao mani khlai hi, bokhe ang srap haiha ma nangjao du. 29Odebani, bokhe Gabra ha jadi jadi khajama jang khusi jahi, elei subung khe bakhan khlai lah. 30Nisi ani khusi dang riyaba thaoyaba khe phura dangso mani khlai hi thiba khe khinya hi Krista ni khusi, bo thima jasi bo dang ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.