PHILIPPI 1
1
Khlimyaba
1Paul jang Timothe, Krista Jisu ni lengrao ni phrang,
Krista Jisu ha subung gathar, Philippi ha khrip dongyarao, longjom ni gedeba rao ode dangyasarao niha; 2Jini bupha Madai jang Gabra Jisu Krista ni phrang khasaoma jang shanti nisi jang baosi dongpha thing.
Philippi subung buthu ne khlai hi Paul biyaba
3Nisi khe ang wainso ha kha ning ani Madai niha khajama ni grao khe ang sainthi re; 4nisi ne khrip ang bi riyaba si ha khajama jang ang bi re, 5sagang thaoyaba basain ni phrang dini sosi hamba graojma gubblungyaba ha nisi dongpha lang bani ang khaja du. 6Nisi niha hamba khusi dang jenyaba ning Jisu Krista ni basain sosi phura dangma se thihi ang lon la du. 7Nisi khrip gede olei khah ha bisar khlaiyaba khe ani khlai hi de nangdao thaoyaba se. Bede thikhade nisi ni khasu ha ang dongpha du; ang sikol khajaoyaba buthu ha hamba graojma khe ang jenyaba grao buthu ha ode ang rao riyaba buthu habo, khasaoma ha nisi khripbo ang jang baosi phantha ja kha. 8Krista Jisu ni hamjaoma ha ang nisi khe khrip wainsoyaba khe sakhi riyaba de Madai ning ja kha.
9Nisi hamjaoma ha bujima jang gyan khrip jadi bara phalang mani khlai hi ang bi du. 10Odebani, hamba jinis buthu khe nisi saikhoba ring la mane khlai hi ode, Krista ni basain sosi ne gathar jang gibi jahi dongphu mani khlai hi. 11Madai ni muima jang bakhan ne khlai hi, Jisu Krista ni kharon jang dormo ni bathai ha nisi gablai rijao hi dongma se.
Hayu de Krista se
12Daphlungrao, ani basao ha jinis sophaiyaba buthu khe, hamba graojma gublung ri mane japhai ba se thihi nisi tharmai mane ang nangjao du. 13Ang sikol khajaoyaba buthu khe raja ni noh naisoyaba dol ni bising ha ode, khrip gibin subung niha, Krista ni khlai hi se thihi bo tharmaijao kha. 14Bangdao hibo ang sikol jang khajao bani bonsi Gabra khe lonba gejeb daohi, khinya dada, khitha raodao hi Madai ni grao khe bonsi sainthirao kha.
15Subung gejesi de khah hingsa nam khormu jang Krista ni grao khe sainthi re, thikhabo gejesi de khah majang hi sainthi re. 16Hamba graojma jen mani eraha nisi khe ang dengba se thihi bonsi tharmai bani, ebo dol buthu nede hamjaoma jang bonsi sainthi re. 17Thikhabo, dol gibin de, ang sikol khajao bani basao hase khah waimu bara rima bao hi, gibi jang niya hi, badai dada, Krista ni grao khe bonsi sainthi re.
18Thikhala, snadi ja du? Ebo de edese, asaba khali bo, bo mosol ja thing, ar gibi jang ja thing, khrip jadi ha Krista ni grao khe khna rihi ning dong du. Odebani, ang khaja du, ar ang khaja hi ning dong ma se. 19Ebo de anthane nisi bi riba ni ode Jisu Krista ni Bese juru bani anthane khlai hi sogoma se thihi ang tharmai du. 20Khusi jang ang jonso phuya kha, ang asa jaba lai ning, asaba balam gede bo ang lajiya kha; bede thikhade duha ni phrang asaba bubli habo ang khitha raohi dong nang, ode ani saomang ha Krista khe ani hayu jang ja thing, thiyaba jang ja thing, bakhan jahi ning dong ma se. 21Ani khlai hi thang hi dongba de Krista se, thih lakha bo lab se. 22Ani khlai hi saomang thang hi dongba ning ani phantha ja thing, ebo se ani khlai hi lab jadao thaoyaba dukhu hadi thiyaba grao se. Thikhabo, snadi khe ang saikho ma ang tharmaiya. 23Glambla gini ni gejer ha ang dong; ang khaja daothaoyaba de baigo lang hi Krista niha dongma bao du, ebo ning ani khlai hi hamba se. 24Thikhabo, nisi ni khlai hi saomang thang hi ang dong ma nang du. 25Ebo ragao si mithi soyaba khe lahi, lonma ha nisi sagang gede thangpha langphu mani ode nisi khaja phuma ni khlai hi nisi khrip jang baosi dongsong ma se thi hi ang tharmai du. 26Odese, nisi niha ang phaiphin ba ha, ani balam ha Krista Jisu sangga mani balam nisi gabang maiphu nang.
27Asaba ja thing, nisi ni dongthai khe Krista ni hamba graojma jang majang hi dong thing. Odehe, nisi khe ang naihi mane ja thing, niyakhala, nisi jang baosi ang dongya kha bo, bese masi jahi raothe the song hi, hamba graojma ni lonma gede ha baothai masi jahi gaba lai dada nisi dong thihi ang tharmai du. 28Asaba grao ha bo sotrurao jang nisi sigringjao hi dongya, ebo ning bonsi ni khlai hi jam mani ragao sisiyaba sin se, thikhabo nisi ni khlai hi de sogoma khe thiphla riyaba se, ebobo Madai ni phrang se. 29Krista ni khlai hi nisi khali bokhe lonba se ning niya hi, boni khlai hi dukhu bo khlai ma nang du. 30Jbah khe ani ha ning nisi nu kha, duha bo aniha dong thihi nisi khna kha, bokhe ning nisi goron ma se.
Currently Selected:
PHILIPPI 1: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
PHILIPPI 1
1
Khlimyaba
1Paul jang Timothe, Krista Jisu ni lengrao ni phrang,
Krista Jisu ha subung gathar, Philippi ha khrip dongyarao, longjom ni gedeba rao ode dangyasarao niha; 2Jini bupha Madai jang Gabra Jisu Krista ni phrang khasaoma jang shanti nisi jang baosi dongpha thing.
Philippi subung buthu ne khlai hi Paul biyaba
3Nisi khe ang wainso ha kha ning ani Madai niha khajama ni grao khe ang sainthi re; 4nisi ne khrip ang bi riyaba si ha khajama jang ang bi re, 5sagang thaoyaba basain ni phrang dini sosi hamba graojma gubblungyaba ha nisi dongpha lang bani ang khaja du. 6Nisi niha hamba khusi dang jenyaba ning Jisu Krista ni basain sosi phura dangma se thihi ang lon la du. 7Nisi khrip gede olei khah ha bisar khlaiyaba khe ani khlai hi de nangdao thaoyaba se. Bede thikhade nisi ni khasu ha ang dongpha du; ang sikol khajaoyaba buthu ha hamba graojma khe ang jenyaba grao buthu ha ode ang rao riyaba buthu habo, khasaoma ha nisi khripbo ang jang baosi phantha ja kha. 8Krista Jisu ni hamjaoma ha ang nisi khe khrip wainsoyaba khe sakhi riyaba de Madai ning ja kha.
9Nisi hamjaoma ha bujima jang gyan khrip jadi bara phalang mani khlai hi ang bi du. 10Odebani, hamba jinis buthu khe nisi saikhoba ring la mane khlai hi ode, Krista ni basain sosi ne gathar jang gibi jahi dongphu mani khlai hi. 11Madai ni muima jang bakhan ne khlai hi, Jisu Krista ni kharon jang dormo ni bathai ha nisi gablai rijao hi dongma se.
Hayu de Krista se
12Daphlungrao, ani basao ha jinis sophaiyaba buthu khe, hamba graojma gublung ri mane japhai ba se thihi nisi tharmai mane ang nangjao du. 13Ang sikol khajaoyaba buthu khe raja ni noh naisoyaba dol ni bising ha ode, khrip gibin subung niha, Krista ni khlai hi se thihi bo tharmaijao kha. 14Bangdao hibo ang sikol jang khajao bani bonsi Gabra khe lonba gejeb daohi, khinya dada, khitha raodao hi Madai ni grao khe bonsi sainthirao kha.
15Subung gejesi de khah hingsa nam khormu jang Krista ni grao khe sainthi re, thikhabo gejesi de khah majang hi sainthi re. 16Hamba graojma jen mani eraha nisi khe ang dengba se thihi bonsi tharmai bani, ebo dol buthu nede hamjaoma jang bonsi sainthi re. 17Thikhabo, dol gibin de, ang sikol khajao bani basao hase khah waimu bara rima bao hi, gibi jang niya hi, badai dada, Krista ni grao khe bonsi sainthi re.
18Thikhala, snadi ja du? Ebo de edese, asaba khali bo, bo mosol ja thing, ar gibi jang ja thing, khrip jadi ha Krista ni grao khe khna rihi ning dong du. Odebani, ang khaja du, ar ang khaja hi ning dong ma se. 19Ebo de anthane nisi bi riba ni ode Jisu Krista ni Bese juru bani anthane khlai hi sogoma se thihi ang tharmai du. 20Khusi jang ang jonso phuya kha, ang asa jaba lai ning, asaba balam gede bo ang lajiya kha; bede thikhade duha ni phrang asaba bubli habo ang khitha raohi dong nang, ode ani saomang ha Krista khe ani hayu jang ja thing, thiyaba jang ja thing, bakhan jahi ning dong ma se. 21Ani khlai hi thang hi dongba de Krista se, thih lakha bo lab se. 22Ani khlai hi saomang thang hi dongba ning ani phantha ja thing, ebo se ani khlai hi lab jadao thaoyaba dukhu hadi thiyaba grao se. Thikhabo, snadi khe ang saikho ma ang tharmaiya. 23Glambla gini ni gejer ha ang dong; ang khaja daothaoyaba de baigo lang hi Krista niha dongma bao du, ebo ning ani khlai hi hamba se. 24Thikhabo, nisi ni khlai hi saomang thang hi ang dong ma nang du. 25Ebo ragao si mithi soyaba khe lahi, lonma ha nisi sagang gede thangpha langphu mani ode nisi khaja phuma ni khlai hi nisi khrip jang baosi dongsong ma se thi hi ang tharmai du. 26Odese, nisi niha ang phaiphin ba ha, ani balam ha Krista Jisu sangga mani balam nisi gabang maiphu nang.
27Asaba ja thing, nisi ni dongthai khe Krista ni hamba graojma jang majang hi dong thing. Odehe, nisi khe ang naihi mane ja thing, niyakhala, nisi jang baosi ang dongya kha bo, bese masi jahi raothe the song hi, hamba graojma ni lonma gede ha baothai masi jahi gaba lai dada nisi dong thihi ang tharmai du. 28Asaba grao ha bo sotrurao jang nisi sigringjao hi dongya, ebo ning bonsi ni khlai hi jam mani ragao sisiyaba sin se, thikhabo nisi ni khlai hi de sogoma khe thiphla riyaba se, ebobo Madai ni phrang se. 29Krista ni khlai hi nisi khali bokhe lonba se ning niya hi, boni khlai hi dukhu bo khlai ma nang du. 30Jbah khe ani ha ning nisi nu kha, duha bo aniha dong thihi nisi khna kha, bokhe ning nisi goron ma se.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.