HEBRAIRAO 5

1Khrip Jonthai khe subung ni phrang se saikho ba, ode subung buthu ni khlai hi bo grao buthu ni balam ha subung buthu kham hi, Madai ni gede khusi dang mane saikho ba, ode phaphi buthu ne jinis riyaba bandai buthu khe bonsi yaopha du. 2Bobo raoyayaba jang gading jao hi dong bani, musibo tharmaiyayarao jang lama gmayarao ni basao ha bo khah laophu ba se. 3Ode, subung buthu ne bonsi yaopha ba lai, bo jar ni khlai hibo, jar ni phap buthu khe yaopha ma nang du. 4Saosibo bo bakhan khe jar ni khlai hi lalaya, Aron lai Madai jang bonsi longjaoya khade.

5Olei jasosi ning Kristabo, jar khe sugu lahi Jonthai dedaothao slam laya, bede thikhade, Madai bokhe saikho hi thi ba,

Ning de ani basa se,

dini phrang ning khe ang basa mai kha.

6Ode, gibin hathan habo, elei thi ba,

Ning de Melkisedek jonthai jaba lai,

thaoglao ni Jonthai se.

7Jisu de jar ni saomang ha dong bani sainkhali buthu ha, thiyaba ni phrang sogo phuyaba niha bol jang jirik khao hi ode mudi jang gundi jang galai hi, bi dada sainyaba buthu khe bonsi yaopha hi, Madai khe khin bani bo khna kha. 8Thikhabo, Basa jahibo, bo dukhu khlai hi grao maniba sling kha. 9Gibi khlai hi jaba ha, jar ni khrip grao maniyarao ne khlai hi thaoglao sogoma ni khithabo ja kha. 10Odebani Melkisedek jonthai jayaba ni greng ha Jonthai Dedaothao ha bo khe saikho kha.

Galaiyaba ni phrang girik mane

11Bo subung ni balam hade grao thima ni bang bi, nisi khmao nathong jakha bani boni balam ha grao bujaibabo du bi. 12Bo bubli khe bao ha khade, slingriyaba nisi jama ja kha mu, thikhabo, Madai ni grao slingriyaba khitha jenba ni phrang nisi ne sling riphin ma se nang du. Makham raotho thane abudih se nisi ne nangdao ba. 13Abudih jiyaba si de bonsi nana se bani, dormo ni grao bonsi jiphuya kho. 14Thikhabo, makham raoyaba de subung phura khrao jayarao ni khlai hi se, bo buthu de hamba hamya tharmaiyaba gyan jang bonsi baisi ja kha.

Currently Selected:

HEBRAIRAO 5: DIMASBSI

Highlight

Copy