EPHESI 5
5
Jnayaba ni basa ja lah
1Madai ni basa hamdao thaoyarao lai, boni dongthai layarao ja lah. 2Krista nisi khe hamjao bani, bahai midim mani Madai niha jinis yaopha hi bandai ha jini baslai ha bo jar khe riba lai, hamjaoma ha dong lah.
3Subung gatharrao lai jahi, gaori ode, gathar niyayaba khrip, harbaoma jang nisi ni bising ha bumu bo da la thing; 4grao gusu ja thing, grao haglai ja thing, terkhu bo ja thing, ebo buthu de majangya; oleiyaba grao khe thiba thane khajama ni grao khe thi lah. 5Khah nangbaiyaba ode subung gusu ar subung harbaoyaba de, (subung harbaoyaba de saokhuli khe khlimyaba se) Krista jang Madai ni raji ha bonsi ni musibo phantha giri thihi hamsisi tharmai la du.
Jnayaba ni basa lai dong lah
6Saosi bo grao haglai biglai jang nisi khe da thokhi thing; bo jinis ni khlai hi Madai ni thamsi lonyayaba basathu ni basao ha sophai ma se. 7Odebani, oleiyaba subung jang baosi da yaowai phai lai lah. 8Sagang ha nisi andar se, thikhabo duha de Gabra niha nisi jnaphai kha, jnayaba ni basathu lai dong lah. 9Jnayaba ni bathai de hamba ode dormo ar khrip grao gibi ha nu du. 10Gabra ni khajathai la snadi thihi jar khe naipha lang lah. 11Andar ha khusi dangyaba, bathai thaiyayaba buthu, musi ha nangyayaba ha gababa thane boni gajai khe tharmai ri lah; 12(bede thikhade, bonsi andar ha khusi dangyaba buthu khe thi mane bo lasisiyaba grao se). 13Khrip jadi jinis gajai khe nisi tharmai riyaba de jnama khe phnu riyaba se, 14nujao hi dongyaba si de jnama se, odebani,
Ning thuyaba, smao lah,
githi ni bising ni phrang baija lah,
odese, Krista ni jnama nini basao ha jnaphai ma, ode bo thi du.
15Odebani, subung buddi giriyarao lai dongya hi, subung buddi gnangrao lai dong dada, nisi ni dongthai ha girik lah. 16Basain buthu hamya kha bani, hajora buthu khe baraipha lang lah (hajora buthu de gabang muilo gnang se). 17Odebani, gibir da ja, Gabra ni nangjaothai khe ragao sisi tharmai ma bao lah.
18Ju baola jahi da dong, ebo hade dongso se ja ba; bese ha gablai hi se dong lah. 19Bakhan ni rajabthai buthu, Madai ni rajabthai buthu, ode bese gede ni rajabthai buthu ha sainlai hi, khrip khah jang muh jang Madai niha rajab hi khurang majangma ha mili ri lah. 20Jini Gabra Jisu Krista ni bumu jang, asaba bubli habo, khrip jadi ha, Bupha Madai niha khajama ni grao thihi ning dong lah.
Sisaigin ni dongthai
21Krista khe khin hi saosi jang saosi ni hukhum ha hap lai lah.
22Bihih jayarao, Gabra ni hukhum ha nisi hapba la, nisi jar jarni basai ni bakhla ha hap lah. 23Krista de boni saomang longjom ni sogoyahba jahi, longjom ni bokhro jaba lai ning, miyahsa de bihih ni bokhro se. 24Longjom Krista ni hukhum ha hap ba lai ning, bihih jayarao bo jar jarni basaithu ni hukhum ha hap ma nang du.
25Basairao, nisi ni bihihthu khe hamjao lah. Krista longjom khe bede hamjao hi, bonthane jar khe jar rilaba lai ning; 26Longjom khe grao yaowai hi dih ha susa dada bonsi gathar japhu mani khlai hi, 27moryaba giri hi, ragao sisi jahi, mainthi giri hi, gathar jahi ode, mukhang lolo jna hi, jarni ha longjom khe muima ha bonsi yaopha phu mani khlai hi bo ri ba. 28Olei jasosi ning, basairaobo jarni saomang lai jarni bihihthu khe hamjaoma nang du. Sere jarni bihih khe hamjaoyaba de jar khe maya nang ba se. 29Saosi bo jarni saomang khe jajaoya jaya, kharang hi, khasao dada, bo naiso la re. Krista ning longjom ni khlai hi bo dangba lai jasosi; 30jing de boni saomang bedep se. 31Odebani, miyahsa boni buma bupha khe haiger lang hi, jarni bihih khe remsong nang, ode, bonsi gini de saomang masi ja lang la ma se, thihi sastro thiba lai ning. 32Ebo grao makhao de gedeba se, ang de Krista jang longjom ni grao buthu khe thi kha thihi ang bao du. 33Asaba bo ja thing, nisi ni bising ha asaba subung bo jar khe hamjaoba lai ning jarni bihih khe maya nang la thing, bihih bo jarni basai khe man khlai la thing.
Currently Selected:
EPHESI 5: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
EPHESI 5
5
Jnayaba ni basa ja lah
1Madai ni basa hamdao thaoyarao lai, boni dongthai layarao ja lah. 2Krista nisi khe hamjao bani, bahai midim mani Madai niha jinis yaopha hi bandai ha jini baslai ha bo jar khe riba lai, hamjaoma ha dong lah.
3Subung gatharrao lai jahi, gaori ode, gathar niyayaba khrip, harbaoma jang nisi ni bising ha bumu bo da la thing; 4grao gusu ja thing, grao haglai ja thing, terkhu bo ja thing, ebo buthu de majangya; oleiyaba grao khe thiba thane khajama ni grao khe thi lah. 5Khah nangbaiyaba ode subung gusu ar subung harbaoyaba de, (subung harbaoyaba de saokhuli khe khlimyaba se) Krista jang Madai ni raji ha bonsi ni musibo phantha giri thihi hamsisi tharmai la du.
Jnayaba ni basa lai dong lah
6Saosi bo grao haglai biglai jang nisi khe da thokhi thing; bo jinis ni khlai hi Madai ni thamsi lonyayaba basathu ni basao ha sophai ma se. 7Odebani, oleiyaba subung jang baosi da yaowai phai lai lah. 8Sagang ha nisi andar se, thikhabo duha de Gabra niha nisi jnaphai kha, jnayaba ni basathu lai dong lah. 9Jnayaba ni bathai de hamba ode dormo ar khrip grao gibi ha nu du. 10Gabra ni khajathai la snadi thihi jar khe naipha lang lah. 11Andar ha khusi dangyaba, bathai thaiyayaba buthu, musi ha nangyayaba ha gababa thane boni gajai khe tharmai ri lah; 12(bede thikhade, bonsi andar ha khusi dangyaba buthu khe thi mane bo lasisiyaba grao se). 13Khrip jadi jinis gajai khe nisi tharmai riyaba de jnama khe phnu riyaba se, 14nujao hi dongyaba si de jnama se, odebani,
Ning thuyaba, smao lah,
githi ni bising ni phrang baija lah,
odese, Krista ni jnama nini basao ha jnaphai ma, ode bo thi du.
15Odebani, subung buddi giriyarao lai dongya hi, subung buddi gnangrao lai dong dada, nisi ni dongthai ha girik lah. 16Basain buthu hamya kha bani, hajora buthu khe baraipha lang lah (hajora buthu de gabang muilo gnang se). 17Odebani, gibir da ja, Gabra ni nangjaothai khe ragao sisi tharmai ma bao lah.
18Ju baola jahi da dong, ebo hade dongso se ja ba; bese ha gablai hi se dong lah. 19Bakhan ni rajabthai buthu, Madai ni rajabthai buthu, ode bese gede ni rajabthai buthu ha sainlai hi, khrip khah jang muh jang Madai niha rajab hi khurang majangma ha mili ri lah. 20Jini Gabra Jisu Krista ni bumu jang, asaba bubli habo, khrip jadi ha, Bupha Madai niha khajama ni grao thihi ning dong lah.
Sisaigin ni dongthai
21Krista khe khin hi saosi jang saosi ni hukhum ha hap lai lah.
22Bihih jayarao, Gabra ni hukhum ha nisi hapba la, nisi jar jarni basai ni bakhla ha hap lah. 23Krista de boni saomang longjom ni sogoyahba jahi, longjom ni bokhro jaba lai ning, miyahsa de bihih ni bokhro se. 24Longjom Krista ni hukhum ha hap ba lai ning, bihih jayarao bo jar jarni basaithu ni hukhum ha hap ma nang du.
25Basairao, nisi ni bihihthu khe hamjao lah. Krista longjom khe bede hamjao hi, bonthane jar khe jar rilaba lai ning; 26Longjom khe grao yaowai hi dih ha susa dada bonsi gathar japhu mani khlai hi, 27moryaba giri hi, ragao sisi jahi, mainthi giri hi, gathar jahi ode, mukhang lolo jna hi, jarni ha longjom khe muima ha bonsi yaopha phu mani khlai hi bo ri ba. 28Olei jasosi ning, basairaobo jarni saomang lai jarni bihihthu khe hamjaoma nang du. Sere jarni bihih khe hamjaoyaba de jar khe maya nang ba se. 29Saosi bo jarni saomang khe jajaoya jaya, kharang hi, khasao dada, bo naiso la re. Krista ning longjom ni khlai hi bo dangba lai jasosi; 30jing de boni saomang bedep se. 31Odebani, miyahsa boni buma bupha khe haiger lang hi, jarni bihih khe remsong nang, ode, bonsi gini de saomang masi ja lang la ma se, thihi sastro thiba lai ning. 32Ebo grao makhao de gedeba se, ang de Krista jang longjom ni grao buthu khe thi kha thihi ang bao du. 33Asaba bo ja thing, nisi ni bising ha asaba subung bo jar khe hamjaoba lai ning jarni bihih khe maya nang la thing, bihih bo jarni basai khe man khlai la thing.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.