EPHESI 4
4
Saomang masi
1Odese, ang Gabra ni khusi khe dang bani khlai hi phatho ha dongyaba, nisi khe bila ha du, bo nisi khe longba ha bedehe dong mane baoba lai ning gibi khlai lah. 2Khrip basasa ja la hi, baosi maigru gru ja hi, suima jang khah lao lai saosi jang saosi khe yaowai lai lah. 3Milima jang khayaba ha Bese masi jayaba khe khah ha deng hi shanti jang dong lah. 4Saomang ar bese masi se ning dong, asama masi ni khlai hi Madai nisi khe longba lai ning. 5Gabra masi, lonma masi, baptisma masi, 6khrip subung ni khlai hi masi Madai ar khrip ni Bupha se ning, bo khrip ni basao ha dong, khrip ha thangthar hi bo dong, ode khrip ni bising habo bo dong du.
7Krista riba lai lai khrip bo yaosandi mai ba. 8Sastro thiba lai,
Basao gede bo gakhu langba ha
Leng ha dongyarao khe bo lang hi;
subung buthu nihabo yaosandi ri kha.
9“Basao ha gakhu lang ba thiyaba de, ortho snadi? Phirthi hathan bakhla jadaothao ha bo akhai daya kha la, bede ja ma? 10Odebani, khrip jadi khe gablai ri phu mani khlai hi, phirthi ha akhai buyaba ning, khrip nokhasao tha judaothao ha thangphin ba se. 11Odebani, gejesi buthu khe Apostol ja mani, gejesi buthu khe gorasali ja mani, gejesi buthu khe hamba graojma sainthiyaba ja mani, gejesi buthu khe longjom naiso mani ode, gejesi buthu khe slingriyahsa ja mani bo ri ba. 12Krista ni saomang slam slammani, dangyasa ni khusi khe dang hi, subung gatharrao phura sothar mani khlai hi salai ba. 13Lonma jang Madai ni basa khe basao mithi bani balam ha jomsi jahi, khrao japhai ba, ode Krista habo phura sotharba lai jingbo sothar si japhu ma. 14Odese, subung giriklaiyarao hamya buddi jang ejang ojang phlab khu hi thokhi dada gibin gibin slingrithai jang ansa hamya lai jahi jing dongba ja nang niya. 15Olei niya hi, bo hamjaoma ni grao gibi khe thihi khrip boni ha jing dedao phalang phnu mani khlai hi Krista de bokhro se. 16Boni khlai hi saomang jang khrip jadi jura ja bani khlai hi baosi mili dada masi jahi jomsi jahi, khrip boni bedep ni juruma jang khusi dangba lai ning, hamjaoma ha hamdao hi, slam slammani khlai hi saomang khe bo bara ri du.”
Krista ha hayu gadain
17Gabra ni bumu jang ang nisi khe thi du, Jentailrao jarni khah baothai jang dongba lai nisi da dong lah thihi ang khna ri du, 18tharmaiyayaba bonsi niha dong, bo tharmaiyayaba jang ning Madai ni hayu ni phrang saikhlai jao hi, tharmaiyayaba ha bonsi ni khah ha gyan giri bani, bonsi andar ja kha. 19Bo buthu de musi khebo bonsi tharmaiya kha bani, khrip jinis gusu khe harbao hi dang mani khlai hi mijingma ha bo khah rithar kha.
20Thikhabo, nisi de Krista ni slingthai ha olei maiya. 21Boni khurang khe nisi khna kha, bo slingriba lai nisi jahi Jisu niha gibi grao dongyaba khe sling rihi nisi dong kha. 22Odebani, nisi gda ni dongthai ni balam ha subung gajam thokhiba mijingyaba hamya daothaoyaba khe khokhlai hi, 23nisi ni khah bese ha ning gadain jahi dong lah. 24Gadain subung ni dormo jang gibi gibi ni gathar Madai jang baosi slamyaba khe la lah.
Hayu gadain ni dongthai
25Odebani, mosol grao thiba khe haiger hi, khrip jarni noharirao niha grao gibi khe saosi jang saosi thilai ha; bede thikhala jing jar jang jar bedep se. 26Thamsi baigo kha bo, phap khusi da dang; nisi ni thamsi khe sain jroba sosi da deng thing. 27Soithan khe hajora da ri lah. 28Makhao jabaiyaba makhao da japhin thing. Dukhisarao khe juru mane don mai bani khlai hi, ar jarne khlai hi don mai mane, khusi dang jen thing. 29Nisi ni khuh ni phrang musibo hamya grao da baigo thing, nangba lai lai hamba slam mani khlai hi hamba grao baigo thing, bokhe khnayarao ni khlai hi khasaoma japhu ma. 30Madai ni Bese Gathar khe khah waimu da nang ri, nisi khe kho mani basain ne khlai hi boni ha ning sin rijao kha. 31Grao gudung joyaba, hamya baothai, thamsi ode sijiyaba, berbaiyaba, ebo khrip hamyayaba khe haiger hi dong lah. 32Nisi saosi jang saosi khe khasao lai hi, maya nanglai lah; bede thikhade Madai ning Krista ha nisi ni gajai khe map khlai ba lai ning nisi bo saosi jang saosi khe map khlai lai lah.
Currently Selected:
EPHESI 4: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
EPHESI 4
4
Saomang masi
1Odese, ang Gabra ni khusi khe dang bani khlai hi phatho ha dongyaba, nisi khe bila ha du, bo nisi khe longba ha bedehe dong mane baoba lai ning gibi khlai lah. 2Khrip basasa ja la hi, baosi maigru gru ja hi, suima jang khah lao lai saosi jang saosi khe yaowai lai lah. 3Milima jang khayaba ha Bese masi jayaba khe khah ha deng hi shanti jang dong lah. 4Saomang ar bese masi se ning dong, asama masi ni khlai hi Madai nisi khe longba lai ning. 5Gabra masi, lonma masi, baptisma masi, 6khrip subung ni khlai hi masi Madai ar khrip ni Bupha se ning, bo khrip ni basao ha dong, khrip ha thangthar hi bo dong, ode khrip ni bising habo bo dong du.
7Krista riba lai lai khrip bo yaosandi mai ba. 8Sastro thiba lai,
Basao gede bo gakhu langba ha
Leng ha dongyarao khe bo lang hi;
subung buthu nihabo yaosandi ri kha.
9“Basao ha gakhu lang ba thiyaba de, ortho snadi? Phirthi hathan bakhla jadaothao ha bo akhai daya kha la, bede ja ma? 10Odebani, khrip jadi khe gablai ri phu mani khlai hi, phirthi ha akhai buyaba ning, khrip nokhasao tha judaothao ha thangphin ba se. 11Odebani, gejesi buthu khe Apostol ja mani, gejesi buthu khe gorasali ja mani, gejesi buthu khe hamba graojma sainthiyaba ja mani, gejesi buthu khe longjom naiso mani ode, gejesi buthu khe slingriyahsa ja mani bo ri ba. 12Krista ni saomang slam slammani, dangyasa ni khusi khe dang hi, subung gatharrao phura sothar mani khlai hi salai ba. 13Lonma jang Madai ni basa khe basao mithi bani balam ha jomsi jahi, khrao japhai ba, ode Krista habo phura sotharba lai jingbo sothar si japhu ma. 14Odese, subung giriklaiyarao hamya buddi jang ejang ojang phlab khu hi thokhi dada gibin gibin slingrithai jang ansa hamya lai jahi jing dongba ja nang niya. 15Olei niya hi, bo hamjaoma ni grao gibi khe thihi khrip boni ha jing dedao phalang phnu mani khlai hi Krista de bokhro se. 16Boni khlai hi saomang jang khrip jadi jura ja bani khlai hi baosi mili dada masi jahi jomsi jahi, khrip boni bedep ni juruma jang khusi dangba lai ning, hamjaoma ha hamdao hi, slam slammani khlai hi saomang khe bo bara ri du.”
Krista ha hayu gadain
17Gabra ni bumu jang ang nisi khe thi du, Jentailrao jarni khah baothai jang dongba lai nisi da dong lah thihi ang khna ri du, 18tharmaiyayaba bonsi niha dong, bo tharmaiyayaba jang ning Madai ni hayu ni phrang saikhlai jao hi, tharmaiyayaba ha bonsi ni khah ha gyan giri bani, bonsi andar ja kha. 19Bo buthu de musi khebo bonsi tharmaiya kha bani, khrip jinis gusu khe harbao hi dang mani khlai hi mijingma ha bo khah rithar kha.
20Thikhabo, nisi de Krista ni slingthai ha olei maiya. 21Boni khurang khe nisi khna kha, bo slingriba lai nisi jahi Jisu niha gibi grao dongyaba khe sling rihi nisi dong kha. 22Odebani, nisi gda ni dongthai ni balam ha subung gajam thokhiba mijingyaba hamya daothaoyaba khe khokhlai hi, 23nisi ni khah bese ha ning gadain jahi dong lah. 24Gadain subung ni dormo jang gibi gibi ni gathar Madai jang baosi slamyaba khe la lah.
Hayu gadain ni dongthai
25Odebani, mosol grao thiba khe haiger hi, khrip jarni noharirao niha grao gibi khe saosi jang saosi thilai ha; bede thikhala jing jar jang jar bedep se. 26Thamsi baigo kha bo, phap khusi da dang; nisi ni thamsi khe sain jroba sosi da deng thing. 27Soithan khe hajora da ri lah. 28Makhao jabaiyaba makhao da japhin thing. Dukhisarao khe juru mane don mai bani khlai hi, ar jarne khlai hi don mai mane, khusi dang jen thing. 29Nisi ni khuh ni phrang musibo hamya grao da baigo thing, nangba lai lai hamba slam mani khlai hi hamba grao baigo thing, bokhe khnayarao ni khlai hi khasaoma japhu ma. 30Madai ni Bese Gathar khe khah waimu da nang ri, nisi khe kho mani basain ne khlai hi boni ha ning sin rijao kha. 31Grao gudung joyaba, hamya baothai, thamsi ode sijiyaba, berbaiyaba, ebo khrip hamyayaba khe haiger hi dong lah. 32Nisi saosi jang saosi khe khasao lai hi, maya nanglai lah; bede thikhade Madai ning Krista ha nisi ni gajai khe map khlai ba lai ning nisi bo saosi jang saosi khe map khlai lai lah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.