DANGYASARAO 26
26
Agrippa ni sagang ha Paul jar grao thi ba
1Agrippa Paul niha thi ba, Ning jarni gibi ni balam ha thila phu du. Paul jarni yao sugu hi, jarni grao gibi ni balam ha bo thi ba.
2Raja Agrippa, bislei Judarao ani basao ha gajai ri du, dini nini sagang ha boni grao thi mani ani khlai hi khajama se ang bao du; 3Judarao ni bising ha dara jang grao banglaiyaba khrip ni balam ha ning ar mithi daoyaba se. Odebani, khah laohi ani grao khe khna mane nisi khe ang khainsu du.
4Ani dongthai khe ang ansa ni phrang ani jadi ni bising ha ode Jerusalem ha bede dong ba, bokhe Judarao khrip tharmai du. 5Jenba ni phrang ani kharmu khe bonsi tharmai du, olei jini dormo ni dara dudao thaoyaba Pharisai ni dara ha ang dong ba; bonsi nangjao kha de, ang jang baosi thipha phu du. 6Madai ning jini greng buthu niha bo grao hanggaiyaba khe asa ni balam ni grao ha duha eraha bisar khlaijao mane ang song du; 7bo grao hanggaiyaba khe, jing jadi jhigin, bo sain jang hor jang Madai ni khusi khe khah jang muh jang dang hi, bonsi mai mane asa deng re. O gabra, ebo asa ni balam ha Judarao ani basao ha gajai ri ba. 8Madai ning githirao khe mathang ba thiyaba khe snadi jabani lonja re thihi nisi baoya ba?
9Ang bo Nazareth Jisu ni bumu khe bodnam khlai hi gabang jinis dang kha la ham nang thihi ang bao ba. 10Olei ning Jerusalem ha ang dangba bo dang re, ode Jonthai hojarao ni phrang ang grao mai hi, subung gatharrao ni bising ha gabang subung khe phatho habo ang jeb re. Ode, bonsi sthaiba ha angbo bonsi jang gaba re. 11Ode sunagog khrip ha ang saja ri re, Madai khe siji ri ma bo bao re; bonsi ni basao ha ang hamsi ning hamya hi raji gibin ni nogor sosibo ang dukhu ri re.
Paul jar hajai slam bani grao khe thi ba
(Dang. 9.1-9; 22.6-16)
12Olei dang mani khlai hi, Jonthai gedebarao ni phrang hukhum maiba jang ode, bonsi haihayaba ni laisi khe lang hi, Damaska ha ang thang ba; 13Boha O Raja, sain daokhusaiba bubli ha, nokhasao ni phrang jnama, sain thane bo jnadao hi, ang jang ani lugu thang phayarao ni sersi giding jnaphai ba khe ang nu ba. 14Jing khrip bo hah ha galai hi, Hebrai grao jang, Saul, Saul, snadi jabani ning ang khe dukhu ri ba? Iyaba goda jang ning khe jikphin kha de nini khlai hi gabang sa ma se dou! thiyaba khurang khe ang khna ba. 15Boha ang thi ba, O Gabra, ning sere? Gabra thiphin ba, Ang de ning dukhu riyaba Jisu se. 16Thikhabo, baija hi song lah; ning jinis nuyaba buthu ode nini ha ang nujaoyaba jinis khe khusi dangba ha ning khe sakhi slam mane, nini ha ang nujao ba se. 17Khrip Israel subung buthu ar Jentailrao ni yao ni phrang ang ning khe dimkhao hi haiha nang. 18Bonsi ni muthai nu mane khlai hi ning khe bonsi niha ang haiha du, odese andar de jnama gede nai nang. Soithan ni hukhum ni phrang Madai ni gede naiphin la nang. Phap map jayaba hathan ne khlai hi ode bonsi ang khe lon bani gathar jayarao niha don ni phantha japhu mane khlai hi, bo ode thi ba.
Paul jarni khusi khe thi ba
19Odebani, O Raja Agrippa, sorgo subung nujaoyaba khe ang niyaya. 20Jenba ha Damaska ni subung buthu ni ha, boni yaohon ha de Jerusalem ni subung buthu niha, Juda raji ni khrip subung buthu niha, Jentailrao nihabo bujai ba, ode khah phin hi Madai ni gede sagang phin mane khlai hi se ang thi ba 21Bo bubli ha de, Judarao Madaikhoh ha ang khe remhi, ang khe bonsi sthaima bao ba. 22Thikhabo, Madai ni phrang ang juruma mai bani se dini sosi subung gedebarao jang khasibarao niha grao ni sakhi rihi ang dong ba, gorasalirao jang Moses bo jinis sophai ma thihi bonsi thiyaba buthu khe garhi de gibin musi grao khe bo ang thiya. 23Krista de dukhu jama, ode bo ning khrip tha sagangthao githi ni phrang baijaphin hi jini subung buthu niha ode, Jentailrao nihabo jnama ni grao khe sainthi ma se, thiyaba grao khe garhi de musi khebo ang thiya.
24Olei Paul grao khe thiba ha Festa, khurang bol jang bokhe thi ba, Paul, ning gibir ja kha. Bede thikhade gabang slingba bang bani bidda jang gibir khlai jao kha.
25Thikhabo, Paul thi ba, O Festa man gnang, ang gibir jaya, gibi jang buddi ni grao buthu khe se ang thi ba. 26Raja Agrippa, ning bo ebo jinis buthu khe tharmai du thihi ang tharmai hi, musi khinya hi ang grao thi du, ebo khrip khe nogrong ha ang thiya. 27Raja Agrippa, gorasalirao ni grao khe ning lon du? Ning lon du thihi ang tharmai du, bo ode thi ba.
28Boha Agrippa Paul khe thi ba, Khaisa bubli ha ang khe phuslai hi ning Kristian slam ma bao ba?
29Paul thiphin ba, Budu lao khabo, laoya khabo, ning khe se ning ang thiya, dini ha ani grao khe khnayarao khripbo ang lai dong mani khlai hi Madai niha ang sain du, thikhabo sikhol jang khajaoya hi.
30Boha Raja jang Latsap ode Berniki ode bonsi jang baosi khamphayarao songkhu thar ba; 31ode, bonsi gibin thang hi, jar jang jar sainlai ba, Ebo subung de thih mane sosi ode sikhol jang khah jaoma sosi ne de, musi khebo bo dangya, thihi bonsi thilai ba. 32Ode Agrippa Festa niha thi ba, Ebo subung ning Kaisar niha so ri mane thiya kha de duhabo go kha mu, bo ode thi ba.
Currently Selected:
DANGYASARAO 26: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
DANGYASARAO 26
26
Agrippa ni sagang ha Paul jar grao thi ba
1Agrippa Paul niha thi ba, Ning jarni gibi ni balam ha thila phu du. Paul jarni yao sugu hi, jarni grao gibi ni balam ha bo thi ba.
2Raja Agrippa, bislei Judarao ani basao ha gajai ri du, dini nini sagang ha boni grao thi mani ani khlai hi khajama se ang bao du; 3Judarao ni bising ha dara jang grao banglaiyaba khrip ni balam ha ning ar mithi daoyaba se. Odebani, khah laohi ani grao khe khna mane nisi khe ang khainsu du.
4Ani dongthai khe ang ansa ni phrang ani jadi ni bising ha ode Jerusalem ha bede dong ba, bokhe Judarao khrip tharmai du. 5Jenba ni phrang ani kharmu khe bonsi tharmai du, olei jini dormo ni dara dudao thaoyaba Pharisai ni dara ha ang dong ba; bonsi nangjao kha de, ang jang baosi thipha phu du. 6Madai ning jini greng buthu niha bo grao hanggaiyaba khe asa ni balam ni grao ha duha eraha bisar khlaijao mane ang song du; 7bo grao hanggaiyaba khe, jing jadi jhigin, bo sain jang hor jang Madai ni khusi khe khah jang muh jang dang hi, bonsi mai mane asa deng re. O gabra, ebo asa ni balam ha Judarao ani basao ha gajai ri ba. 8Madai ning githirao khe mathang ba thiyaba khe snadi jabani lonja re thihi nisi baoya ba?
9Ang bo Nazareth Jisu ni bumu khe bodnam khlai hi gabang jinis dang kha la ham nang thihi ang bao ba. 10Olei ning Jerusalem ha ang dangba bo dang re, ode Jonthai hojarao ni phrang ang grao mai hi, subung gatharrao ni bising ha gabang subung khe phatho habo ang jeb re. Ode, bonsi sthaiba ha angbo bonsi jang gaba re. 11Ode sunagog khrip ha ang saja ri re, Madai khe siji ri ma bo bao re; bonsi ni basao ha ang hamsi ning hamya hi raji gibin ni nogor sosibo ang dukhu ri re.
Paul jar hajai slam bani grao khe thi ba
(Dang. 9.1-9; 22.6-16)
12Olei dang mani khlai hi, Jonthai gedebarao ni phrang hukhum maiba jang ode, bonsi haihayaba ni laisi khe lang hi, Damaska ha ang thang ba; 13Boha O Raja, sain daokhusaiba bubli ha, nokhasao ni phrang jnama, sain thane bo jnadao hi, ang jang ani lugu thang phayarao ni sersi giding jnaphai ba khe ang nu ba. 14Jing khrip bo hah ha galai hi, Hebrai grao jang, Saul, Saul, snadi jabani ning ang khe dukhu ri ba? Iyaba goda jang ning khe jikphin kha de nini khlai hi gabang sa ma se dou! thiyaba khurang khe ang khna ba. 15Boha ang thi ba, O Gabra, ning sere? Gabra thiphin ba, Ang de ning dukhu riyaba Jisu se. 16Thikhabo, baija hi song lah; ning jinis nuyaba buthu ode nini ha ang nujaoyaba jinis khe khusi dangba ha ning khe sakhi slam mane, nini ha ang nujao ba se. 17Khrip Israel subung buthu ar Jentailrao ni yao ni phrang ang ning khe dimkhao hi haiha nang. 18Bonsi ni muthai nu mane khlai hi ning khe bonsi niha ang haiha du, odese andar de jnama gede nai nang. Soithan ni hukhum ni phrang Madai ni gede naiphin la nang. Phap map jayaba hathan ne khlai hi ode bonsi ang khe lon bani gathar jayarao niha don ni phantha japhu mane khlai hi, bo ode thi ba.
Paul jarni khusi khe thi ba
19Odebani, O Raja Agrippa, sorgo subung nujaoyaba khe ang niyaya. 20Jenba ha Damaska ni subung buthu ni ha, boni yaohon ha de Jerusalem ni subung buthu niha, Juda raji ni khrip subung buthu niha, Jentailrao nihabo bujai ba, ode khah phin hi Madai ni gede sagang phin mane khlai hi se ang thi ba 21Bo bubli ha de, Judarao Madaikhoh ha ang khe remhi, ang khe bonsi sthaima bao ba. 22Thikhabo, Madai ni phrang ang juruma mai bani se dini sosi subung gedebarao jang khasibarao niha grao ni sakhi rihi ang dong ba, gorasalirao jang Moses bo jinis sophai ma thihi bonsi thiyaba buthu khe garhi de gibin musi grao khe bo ang thiya. 23Krista de dukhu jama, ode bo ning khrip tha sagangthao githi ni phrang baijaphin hi jini subung buthu niha ode, Jentailrao nihabo jnama ni grao khe sainthi ma se, thiyaba grao khe garhi de musi khebo ang thiya.
24Olei Paul grao khe thiba ha Festa, khurang bol jang bokhe thi ba, Paul, ning gibir ja kha. Bede thikhade gabang slingba bang bani bidda jang gibir khlai jao kha.
25Thikhabo, Paul thi ba, O Festa man gnang, ang gibir jaya, gibi jang buddi ni grao buthu khe se ang thi ba. 26Raja Agrippa, ning bo ebo jinis buthu khe tharmai du thihi ang tharmai hi, musi khinya hi ang grao thi du, ebo khrip khe nogrong ha ang thiya. 27Raja Agrippa, gorasalirao ni grao khe ning lon du? Ning lon du thihi ang tharmai du, bo ode thi ba.
28Boha Agrippa Paul khe thi ba, Khaisa bubli ha ang khe phuslai hi ning Kristian slam ma bao ba?
29Paul thiphin ba, Budu lao khabo, laoya khabo, ning khe se ning ang thiya, dini ha ani grao khe khnayarao khripbo ang lai dong mani khlai hi Madai niha ang sain du, thikhabo sikhol jang khajaoya hi.
30Boha Raja jang Latsap ode Berniki ode bonsi jang baosi khamphayarao songkhu thar ba; 31ode, bonsi gibin thang hi, jar jang jar sainlai ba, Ebo subung de thih mane sosi ode sikhol jang khah jaoma sosi ne de, musi khebo bo dangya, thihi bonsi thilai ba. 32Ode Agrippa Festa niha thi ba, Ebo subung ning Kaisar niha so ri mane thiya kha de duhabo go kha mu, bo ode thi ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.