DANGYASARAO 25
25
Festa ni sagang ha Paul song ba
1Festa raji khe yao lakha bani nokha sain tham yaohon ha, Kaisari ni phrang Jerusalem ha bo mophosol thang ba. 2Boha Jonthaimarao ode Juda ni hojarao, boni ha Paul ni balam ni grao khe hamya gede bonsi khna ri ba. 3Paul khe Jerusalem ha labu mane khlai hi bonsi khainsu ba, ode lama ha jon hi bonsi sthaima bao ba. 4Thikhabo, Festa thiphin ba, Paul khe Kaisari ha raokhi hi ning deng du, angbo khaisa yaohon ha thangphin ma nang du. 5Bo hamya khusi dang ba thikha de, nisi ni hojarao ni bising ni subung gejesi ang jang thangpha hi, gajai riphai thing, ode thi ba.
6Festa, bonsi ni bising ha nokha sain jai lai, sain jhi lai se ning dongthao hi, Kaisari ha thang la kha. Ode, bo gibin basain ha bisar ni khamthan ha kham hi, Paul khe labu mane khlai hi bo hukhum ri ba. 7Paul sophai ba jang, Jerusalem ni phrang Juda akhai buyarao boni sersi giding songding hi, boni basao ha grao hamya hamya gabang risi hi bonsi thi ba, thikhabo, boni grao ni buju khitha khe bonsi thiphla phuya. 8Thikhabo, Paul de gibi grao khe thiphin ba, Judarao ni Dara ni basao ha ja thing, Madaikhoh ni grao ha ja thing, Kaisar ni basaobo ja thing, musi khebo ang gajai khlaiya. 9Thikhabo, Festa de Judarao ni bising ha bumu hamba nangjao hi, Paul khe thi ba, Jerusalem ha thang hi oraha ani sagang ha nini grao khe bisar khlai mane ning nangjao du? thihi sing ba.
10Paul thi ba, Kaisar bisar khlaiyaba khamthan ni sagang ha bisar khlaijao hi ang dongginyaba ha ning ang song ma se; Judarao ni basao ha musi khebo ang gajai khusi dangya, bokhe ning bo tharmai la du. 11Hamya khusi dang hi, thi mani sosi ang hamya khusi dang ba thikhade, thihba khebo ang maniya jaya. Thikhabo, ebo buthu ang khe gajai riyaba de musi buju khithabo giri thikhade, bonsi ni yao ha ang khe saosi bo yaopha phuya. Ani grao khe Kaisar niha so ri mane khainsu du.
12Odehe, Festa jar jang bisar khlai phayarao jang sainlai blai bani yaohon ha, Kaisar niha so ri mane ning nangjao du, Kaisar niha ning, ning thangma se.
Raja Agrippa ni sagang ha Paul grao thiba
13Khaisa basain ni yaohon ha, Raja Agrippa jang Berniki, Kaisari ha phai hi, Festa jang goron lai phai ba. 14Budu galao oraha dong bani yaohon ha, Festa Paul ni balam khe raja niha thi ba, Felik phatho ha jeblangyaba subung saosi eraha dong, thihi sainthi ba. 15Ang Jerusalem ha dongba ha, Jonthai gedeba ode Juda khraorao boni balam ni grao ha ang khe thi ba, bokhe gajai ja ri mane khlai hi bonsi ang khe khainsu ba. 16Thikhabo, ang bonsi niha thiphin ba, Gajai khlaijao ba ode bokhe gajai khlaiyarao jang naiphalai hi bonsi gajai khlaiya bani balam ha gibi grao khe thi mani hajora maiya si de saosi khebo saja ri mani khlai hi yaopha mane de Rom jadi ni dara ha giri. 17Odehe, eraha bonsi sophai hi, isi laoya hi ning, gibin basain ha bisar ni khamthan ha ang kham hi bokhe labu mani khlai hi ang hukhum ri ba. 18Boha, bokhe gajai riyarao bonsi songba ha, ang baoba lai musi boni basao ha hamya grao thiya: 19bonsi ni dormo ni dara buthu ode, Jisu subung saosi, thilang bani yaohon ha, Paul thi ba, bo thangphin kha, olei bo thi bani se boni basao ha bonsi niyalai ba. 20Ang de, ebo grao buthu khe bisar khlai ma nang du thihi ang baoya, odebani se Jerusalem ha thang hi, bo grao ni balam khe bo bisar khlai ma nangjao du na nangjaoya bokhe ang sing ba. 21Thikhabo, Paul aphoti khlai hi thiphin ba, Raja dedao thaoyaba niha bisar khlai mane khlai hi bo khainsu ba. Odebani, Kaisar niha jing haiha phuya si de hamsisi naiso mane khlai hibo ang hukhum ri ba, thihi bo thi ba.
22Boha, Agrippa Festa niha thi ba, Angbo bo grao thiyaba khe khna ma hamsi ning nangjao du.
Bo thiphin ba, Dakhna bo grao thiba khe khna nang thi.
23Bo gibin basain ha, Agrippa jang Berniki de gedeba jahi bonsi phai dada, bisarkhoh ha hapsing phai ba, ode siphaiyarao ni hoja gedebarao ode, nogor ni subung hamba buthu jang baosi, ode Festa ni grao jang Paul khe bonsi labu kha. 24Boha Festa thi ba, Raja Agrippa, ode eraha jini bising ha khrip dongyarao: ebo subung khe nisi nu kha, boni balam ni grao ha, Judarao khrip jang bonsi jamthar si bo jirik khao hi bokhe hayu mathao ma nangya thi hi Jerusalem jang bonsi eraha dongyarao ang khe khainsuyaba se. 25Thikhabo, thih ma sosi nede bo musi khebo dangya thihi ang tharmai du; thikhabo bo jar ning Raja dedao thaoyaba niha so rima nangjao bani ang haiha ma nangjao du. 26Thikhabo, ani Raja niha boni balam khe reb ha mane musibo ang grao maiya. Odebani nisi niha ebo khe ang labu du, Raja Agrippa, nini sagang ha labu mane bo ang nang ba, niyalaiba ha ang smaba grao reb ba mai mane khlai hi. 27Subung phatho ha dongyaba Raja niha haiha ba ha, boni basao ha bonsi gajai riyaba grao khe tharmai riphaya kha de, gibir jaba se thihi ang bao phnang du.
Currently Selected:
DANGYASARAO 25: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
DANGYASARAO 25
25
Festa ni sagang ha Paul song ba
1Festa raji khe yao lakha bani nokha sain tham yaohon ha, Kaisari ni phrang Jerusalem ha bo mophosol thang ba. 2Boha Jonthaimarao ode Juda ni hojarao, boni ha Paul ni balam ni grao khe hamya gede bonsi khna ri ba. 3Paul khe Jerusalem ha labu mane khlai hi bonsi khainsu ba, ode lama ha jon hi bonsi sthaima bao ba. 4Thikhabo, Festa thiphin ba, Paul khe Kaisari ha raokhi hi ning deng du, angbo khaisa yaohon ha thangphin ma nang du. 5Bo hamya khusi dang ba thikha de, nisi ni hojarao ni bising ni subung gejesi ang jang thangpha hi, gajai riphai thing, ode thi ba.
6Festa, bonsi ni bising ha nokha sain jai lai, sain jhi lai se ning dongthao hi, Kaisari ha thang la kha. Ode, bo gibin basain ha bisar ni khamthan ha kham hi, Paul khe labu mane khlai hi bo hukhum ri ba. 7Paul sophai ba jang, Jerusalem ni phrang Juda akhai buyarao boni sersi giding songding hi, boni basao ha grao hamya hamya gabang risi hi bonsi thi ba, thikhabo, boni grao ni buju khitha khe bonsi thiphla phuya. 8Thikhabo, Paul de gibi grao khe thiphin ba, Judarao ni Dara ni basao ha ja thing, Madaikhoh ni grao ha ja thing, Kaisar ni basaobo ja thing, musi khebo ang gajai khlaiya. 9Thikhabo, Festa de Judarao ni bising ha bumu hamba nangjao hi, Paul khe thi ba, Jerusalem ha thang hi oraha ani sagang ha nini grao khe bisar khlai mane ning nangjao du? thihi sing ba.
10Paul thi ba, Kaisar bisar khlaiyaba khamthan ni sagang ha bisar khlaijao hi ang dongginyaba ha ning ang song ma se; Judarao ni basao ha musi khebo ang gajai khusi dangya, bokhe ning bo tharmai la du. 11Hamya khusi dang hi, thi mani sosi ang hamya khusi dang ba thikhade, thihba khebo ang maniya jaya. Thikhabo, ebo buthu ang khe gajai riyaba de musi buju khithabo giri thikhade, bonsi ni yao ha ang khe saosi bo yaopha phuya. Ani grao khe Kaisar niha so ri mane khainsu du.
12Odehe, Festa jar jang bisar khlai phayarao jang sainlai blai bani yaohon ha, Kaisar niha so ri mane ning nangjao du, Kaisar niha ning, ning thangma se.
Raja Agrippa ni sagang ha Paul grao thiba
13Khaisa basain ni yaohon ha, Raja Agrippa jang Berniki, Kaisari ha phai hi, Festa jang goron lai phai ba. 14Budu galao oraha dong bani yaohon ha, Festa Paul ni balam khe raja niha thi ba, Felik phatho ha jeblangyaba subung saosi eraha dong, thihi sainthi ba. 15Ang Jerusalem ha dongba ha, Jonthai gedeba ode Juda khraorao boni balam ni grao ha ang khe thi ba, bokhe gajai ja ri mane khlai hi bonsi ang khe khainsu ba. 16Thikhabo, ang bonsi niha thiphin ba, Gajai khlaijao ba ode bokhe gajai khlaiyarao jang naiphalai hi bonsi gajai khlaiya bani balam ha gibi grao khe thi mani hajora maiya si de saosi khebo saja ri mani khlai hi yaopha mane de Rom jadi ni dara ha giri. 17Odehe, eraha bonsi sophai hi, isi laoya hi ning, gibin basain ha bisar ni khamthan ha ang kham hi bokhe labu mani khlai hi ang hukhum ri ba. 18Boha, bokhe gajai riyarao bonsi songba ha, ang baoba lai musi boni basao ha hamya grao thiya: 19bonsi ni dormo ni dara buthu ode, Jisu subung saosi, thilang bani yaohon ha, Paul thi ba, bo thangphin kha, olei bo thi bani se boni basao ha bonsi niyalai ba. 20Ang de, ebo grao buthu khe bisar khlai ma nang du thihi ang baoya, odebani se Jerusalem ha thang hi, bo grao ni balam khe bo bisar khlai ma nangjao du na nangjaoya bokhe ang sing ba. 21Thikhabo, Paul aphoti khlai hi thiphin ba, Raja dedao thaoyaba niha bisar khlai mane khlai hi bo khainsu ba. Odebani, Kaisar niha jing haiha phuya si de hamsisi naiso mane khlai hibo ang hukhum ri ba, thihi bo thi ba.
22Boha, Agrippa Festa niha thi ba, Angbo bo grao thiyaba khe khna ma hamsi ning nangjao du.
Bo thiphin ba, Dakhna bo grao thiba khe khna nang thi.
23Bo gibin basain ha, Agrippa jang Berniki de gedeba jahi bonsi phai dada, bisarkhoh ha hapsing phai ba, ode siphaiyarao ni hoja gedebarao ode, nogor ni subung hamba buthu jang baosi, ode Festa ni grao jang Paul khe bonsi labu kha. 24Boha Festa thi ba, Raja Agrippa, ode eraha jini bising ha khrip dongyarao: ebo subung khe nisi nu kha, boni balam ni grao ha, Judarao khrip jang bonsi jamthar si bo jirik khao hi bokhe hayu mathao ma nangya thi hi Jerusalem jang bonsi eraha dongyarao ang khe khainsuyaba se. 25Thikhabo, thih ma sosi nede bo musi khebo dangya thihi ang tharmai du; thikhabo bo jar ning Raja dedao thaoyaba niha so rima nangjao bani ang haiha ma nangjao du. 26Thikhabo, ani Raja niha boni balam khe reb ha mane musibo ang grao maiya. Odebani nisi niha ebo khe ang labu du, Raja Agrippa, nini sagang ha labu mane bo ang nang ba, niyalaiba ha ang smaba grao reb ba mai mane khlai hi. 27Subung phatho ha dongyaba Raja niha haiha ba ha, boni basao ha bonsi gajai riyaba grao khe tharmai riphaya kha de, gibir jaba se thihi ang bao phnang du.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.