2 THESSALONIKA 3
3
Madai bi ri lah
1Daphlungrao, jamthaoba hade, jinthane khlai hi Madai bi ri lah, Gabra ni grao nisi ni bising ha muima jang raodaothao gublungba lai, bonsi ni bising ha gublung phu mani, ode 2subung hamyayaba ode subung phaphirao ni yao ni phrang sogo jao hi jing dongphu mani khlai hi. Bonsi khrip subung lonya.
3Thikhabo, Gabra de gibiyaba se; bo ning nisi khebo rao ri hi, subung hamyayaba ni phrang nisi khe dimkhao ma se. 4Jing grao saniyaba si khe, nisi mani du, ode nisi mani phalang nang thihibo Gabra ha ning jing lon du. 5Madai ni hamjaoma ode Krista ni khah laoma ha Gabra nisi ni khah buthu khe langsmai la thing.
Khah muh ri hi khusi dang mani sibringthai
6Jini daphlungrao, duha jini phrang grao makhao dengyaba khe nisi maiba lai dongya hi, hamsi dongma nangjaoyayaba daphlung dongthai hamyayaba buthu ni phrang degao mani khlai hi, jini Gabra Jisu Krista ni bumu jang jing nisi khe grao ri du. 7Nisi jar ning jing khe sling ri mani dara khe nisi tharmai kha, bede thikhade, nisi ni bising ha dara giri lai jing dongya. 8Saosi ni makham khebo jing magna jiya, nisi ni bising ha saosibo hamya jaya mani khlai hi, sain hor dukhu khlai hi jing khusi dang du. 9Nisi niha jing juruma sain phuyaba niya, nisi jing khe nai hi sling mani khlai hi thi dada, ode nisi jing khe nai hi su mane khlai hi se jing khusi dang ba. 10Nisi niha jing dongba habo, jing nisi ne grao ri kha, Sere khusi dangya, bo jibabo da ji thing, thi du.
11Nisi ni bising ha sereba sereba sele ja hi dongyarao ni balam ha jing khna ha du; oleiyaba subung buthu de dukhu khlai hi khusi dangma nangjaoya, bonsi haglai se. 12Odebani, duha oleiyaba subung buthu khe bonsi ni khusi buthu khe phirik phirik dang hi dong mane ode, bonsi jar dang hi ji mane khlai hi Gabra Jisu Krista ha grao riyaba jang jing sibring du.
13Thikhabo, daphlungrao, nisi de hamba khusi dangba khe da haiger lah. 14Sere ebo laijma ha jing grao thiyaba buthu khe manima nangjaoya, bo subung khe sin ri lah, bede thikhala, bo laji nu mani khlai hi bo jang lugu da ja. 15Thikhabo sotru lai da nai, daphlung hothaisi lai sibring hi jo lah.
Khlimthaoyaba
16Duha shanti ni Madai ning khrip jadi gede asaba bubli habo nisi khe shanti ri la thing. Nisi khrip jang baosi Gabra dongpha thing.
17Ang Paul jar ning, ebo khlimyaba khe, ang ani yao jang ning reb ba se. Elei ang laijma rebyaba de ani laijma haihayaba si ni sin se. Ebo ani rebthai se.
18Jini Gabra Jisu Krista ni khasaoma nisi khrip niha dongpha thing.
Currently Selected:
2 THESSALONIKA 3: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
