2 KORINTH 3

Grao khayaba gadain ni dangyarao

1Jing jar khe majang ri hi thilayaba japhin kha na? Niyakha la gejesi subung ne dangba lai, jar khe majang rilayaba laisi khe jing labuba ja thing, nisi ni phrang jinthane bo nang ma se na? 2Nisi de jar khe jar thiba majang ri layaba laisi se, jini khah buthu ha reb da kha, khrip subung tharmai mane ode pori mane de nisi ning ja kha. 3Krista ni phrang laijma, khali jang rebyayaba, jing ning riyaba, Madai gathang ni bese ha rebyaba, longthai bakhlap ha reb ba niya hi subung ni khah buthu ha nisi reb ba thihi ragao sisi nisi nujao du. 4Olei ning Krista ni khlai hi Madai ni basao ha ang asa deng du. 5Jing jar jang se ning de soya, jing jar jang dang ba lai thi mani musibo giri. Jing soyaba de Madai ni phrang se ja ba. 6Bo ning khayaba grao gadain ni dangyasarao jayayaba ha bo ang khe slam ba; aikhor jang rebyaba ni dangyasa niya hi, bese dangyasa se bo ja ba; laisi se ning reb kha de bo sthai du; thikhabo bese de hayu se bo ri ba.

7Moses ni mukhang ni muima, jamlang ginyaba ning Israel sarao naipha raoya si boni muima; longthai ha aikhor reb ba, thihyaba khe so riyaba ni dangyasa ning olei sosi bo muima ja kha la, 8Bese ni dangyasa la boni muima jadao nang niya na somo? 9Nisi gajai ja riyaba dangyasa ning boni muima ja kha la, gajai giriyaba dangyaba de muima ha judaothao ja ma se. 10Bo balam ha de, dedao thaoyaba, bonthanebo dedaoyaba dong phai kha bani, botha dedaoyaba musibo giri kha. 11Rain phin ginyaba ning, olei sosi muima ja kha la, dongsong ginyaba la bislei sosi muima ja nang!

12Odebani, olei asama khe jing mai bani, jing hamsi ning khitha rao du. 13Moses dangba lai ang dangya, bode siri siri jamthaoyaba khe Israel ni basathu nai hi dong songyama ni khlai hi, boni mukhang khe phungyaba jang bonsi phung ba. 14Thikhabo, bonsini khah buthu khe rao rijao hi dong ba. Dini sosibo, grao khayaba gajam bonsi pori kha de, bo bonsi ni khah phungjao hi dong kho, Krista ha se ning, bo phungyaba khe khuh khla phu ba. 15Jadu, dini sosibo Moses ni laisi khe bonsi pori kha ning bokhe phungyaba jang, bonsi ni khah buthu bonsi phung re.

16Thikhabo, subung Gabra ni gede sagang kha ning bo phungyaba khe khuh khla re.

17Gabra de Bese se, Gabra ni Bese dongyaba ha de sadin jang dong re. 18Odebani, khrip jini mukhang phungyayarao ning Gabra ni muima khe jing phnu rihi muima ni phrang muima jadao pha lang mani khlai hi, bo jang baosi dong mani jing gibin slamjaoyaba se, bokhe Gabra ni se dang ba, bo de Bese se.

Currently Selected:

2 KORINTH 3: DIMASBSI

Highlight

Copy