1 TIMOTHE 2
2
Madai khlim mani dara
1Odebani, bo sagangthao ha, Madai bi hi sainyaba ja thing, Madai biba ha ja thing, Madai bi riyaba ha ja thing, ode khajama ni grao thiyaba ha ja thing, khrip subung ne yaopha mani khlai hi nisi khe ang khainsu du. 2Rajarao ode hukhum gnangrao khrip nebo Madai bi lah, asaba balam ha Madai khe mani hi, man jang dong dada, mili mani shanti jang jing yaowai hi dongphu mani khlai hi. 3Ebo khe se jini sogoyah Madai ni muh habo hamba ar khajabo khaja ba. 4Bode, khrip subungbo sogojao hi dong mani ode grao gibi khe mithi mane khlai hi nangjao du. 5Bede thikhade, Madai saosi se ning dong ba, Madai jang subung ni gejer ha graodiyahsa bo saosi se ning dong ba, bode Marsi Krista Jisu ning ja kha. 6Bo ning khrip subung khe kho mani khlai hi jar khe yaopha hi, ode boni sakhi khe bo bubli ha ning ri langba se. 7Ebo khusi khe dang mani khlai hi, grao sainthiyaba ode haijaoyasa ne ang saikho jao hi (grao gibi khe ang thi kha, grao mosol khe ang thiya), lonma jang gibi ha Jentailrao khe slingri manebo ang khe saikho jao kha.
8Odebani se, khrip hathan ni miyahrao ni yao gathar buthu khe sugu hi, thamsi jang nam khormu buthu giri hi bi mane ang nangjao du. 9Olei jasosi ning masainjikraobo majang sisi gainsari jang sal khlai thing, lele phale khnai sab hi ja thing, gajao jang sal khlai hi ja thing, niyakha la guphu luphayaba jang sal khlaiyaba ja thing, gainsari dam bangyaba ja thing, sal khlaima niya. 10Madai khe maniyaba masainjikrao dangma ning nang du, olei ning khusi hamba dangyaba jang gainsari khe sal khlai la thing. 11Masainjikrao de khrip jadi ha phirik phirik gonggalai hi sling la thing. 12Masainjik ja hi malai khe slingriyaba ode miyahrao ni basao ha hukhum yaowaiba khe ang nangjaoya; phirik phirik dong la thing. 13Adam khe sagangthao subung slam jen ba, boni yaohon ha se Evi khe slam ba. 14Boha, Adam de thokhijaoya, masainjik se thokhijao hi gajai khlaiyaba ja kha. 15Thikhabo, lonma ha ja thing, hamjaoma ha ja thing, gathar jayaba ha ja thing, bo dongsong khade, nana mai bani dara jangbo sogo jao ma se.
Currently Selected:
1 TIMOTHE 2: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
