Episu Tongod to Soini no Sulat dio to mgo Taga Episu
Tongod to Soini no Sulat dio to mgo Taga Episu
Ka lunsud to Episu, duon to probinsia to Malintok no Asia no nasakup to gobirnu no dio to Ruma. No nigsulatan ni Pablo ka mgo otow no nigtuu ki Hisus no dio to sikan no lunsud. Ka nigsulat si Pablo to soini, napirisu sikandin su ligkat to pognangonnangon din to Maroyow no Nangnangonon tongod ki Hisu Kristu.
To kabinunsuran to soini no sulat, impohitaga ni Pablo ka karoyawon no ogligkat to nigsagboka ki Hisus ka mgo otow no nigtuu kandin woy songo ogkasagboka on sikandan to duma no mgo otow no ogtuu on kandin. Pogkaponga, innangon ni Pablo ka batasan no litos to mgo patalaasawa, woy ka litos to mgo amoy woy mgo inoy, woy ka batasan no oglitos to mgo bato, woy ka litos to mgo uripon woy ka tagtuun kandan. No to katamanan to sulat din, duon ig-anad ni Pablo oyow kono ki ogkaayat to salo. Woy innangon din ko ogmonuon ta ko duon igsulung ni Satanas kanta. No ka ig-atu ta woy ka ig-atang ta, impanag-iling din to kalaglagan to sundalu.
Ka Ignangon to Soini no Sulat
Ka kabinunsuran no ignangonnangon 1:1-2
Ka pogkasagboka ta ki Hisu Kristu 1:3 – 3:21
Ka batasan no litos no og-unugon to mgo nigtuu 4:1 – 6:9
Ka ig-atu woy ig-atang ta ki Satanas 6:10-20
Ka katamanan to soini no sulat 6:21-24
Currently Selected:
Episu Tongod to Soini no Sulat dio to mgo Taga Episu: atd
Highlight
Copy
Compare
Share
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.