Salmo 146
146
Salmo 146
Pagdayaw sa Dios nga Manluluwas
1Dayawa ang Ginoo!
Dapat dayawon ko gid ang Ginoo.
2Dayawon ko siya sa bilog ko nga kabuhi.
Kantahan ko ang akon Dios sang mga pagdayaw samtang nagakabuhi ako.
3Indi kamo magsalig sa gamhanan nga mga tawo kag sa kay bisan sin-o,
kay indi sila makaluwas sa inyo.
4Kon mapatay na sila nagabalik sila sa duta,
kag sa sina nga adlaw ang ila mga plano nangin wala sing pulos.
5Bulahan ang tawo nga ang nagabulig sa iya amo ang Dios ni Jacob,
nga ang iya pagsalig ara sa Ginoo nga iya Dios,
6nga amo ang naghimo sang kalangitan kag sang duta, sang dagat kag sang tanan nga ara sa ila.
Masaligan gid ang Ginoo hasta san-o.
7Nagahukom siya pabor sa mga ginadaogdaog,
kag nagahatag siya sang pagkaon sa mga ginagutom.
Ginahilway niya ang mga ginbihag,
8ginaayo niya ang mga bulag para makakita,
ginapabakod niya ang mga maluya,
ginahigugma niya ang mga matarong,
9ginabantayan niya ang mga pangayaw,#146:9 mga pangayaw: buot silingon, mga indi Israelinhon nga mga pumuluyo sang Israel
ginabuligan niya ang mga ilo kag mga balo nga babayi,
pero ginaguba niya ang mga pamaagi sang mga malain.
10Mga pumuluyo sang Zion,#146:10 Zion: ukon, Jerusalem ang Ginoo nga inyo Dios nagahari hasta san-o!
Dayawa ang Ginoo!
Currently Selected:
Salmo 146: APD
Highlight
Copy
Compare
Share
Want to have your highlights saved across all your devices? Sign up or sign in
Biblia, Ang Pulong Sang Dios
Copyright © 1996, 2006, 2011, 2022 sang Biblica, Inc.
Gin-gamit nga may permiso.
Ang tanan nga kinamatarong sa copyright nareserve sa bilog nga kalibutan.
Holy Bible, Hiligaynon Contemporary Bible™
Copyright © 1996, 2006, 2011, 2022 by Biblica, Inc.
Used with permission. All rights reserved worldwide.
