Popular Bible Verses from ROM 5

Share

Bonta Arnam ilitum aphan ko-an e-inghonloma, lake alangli ilitum aphan epaklangtang-lo; atheke, ilitum papibomlang ahutsi Khristo ilitum aphan ajok thilo.

Labangso aning kethe ilitum aphan ning epabibe, pima Karjong Kangthir pen ajok Arnam amethang akanghon ilitum aning arlo dungtang-lo. La Karjong Kangthir ke Arnam ekepi adanlo.

Lapen kesung ahutta ilitum aning arong do, pima kesung kepho pen ajok kechechak un muchot ajakong long, kechechak-un ajakong pen ajok e-ot-edur me-i, e-ot-edur keme pen ajok ning ketheta do-i pu ilitum chini.

Lasi ilitum akekroi pen apot nonke ilitum aphan dhoromi pu lakhalo apotsi e-Hemphu Jisu Khristo pen ajok ilitum Arnam pen ning kechingsam dolo. Ilitum Khristo aphan kroilo apotsi alangli pen ajok ilitum Arnam akangjinso longdunlo, lapen ilitum Arnam adak-atur longdunji pu ening kechethedam pen apot ili ning arong-lo.

Pima ilitum ajakong kavedet ahutsi ilitum aphan ajok, atheke dhoromime atum aphan ajok Khristo athikpet apor ahut thi-lo.

Alangli vi pen ajok Arnam ilitum aphan nonke dhoromi pu elakhalo; la aparta alangli ilitum aphan Arnam aning kethi pen epajokji.

Lapen inut amonit Arnam ahukum akekroikre ajoksi kadokave amonit atum papi plang-lo asonthotsi inut amonit Arnam ahukum akekroi pen apot Arnam monit atum aphan dhoromi pu lakhaponji.

Bonta la anchot kali; ilitum aphan Arnam pen kepajalangthu abang e-Hemphu Jisu Khristo pen ajok Arnam keklemtang akam pen apot ilitum chehok-lo.