Popular Bible Verses from ROM 16

Share

Lapen ning kangsam ekepi a-Arnam prapjin pen Soitan aphan pavirsi nanglitum akengpak arum biji. E-Hemphu Jisu Khristo akangjinso nanglitum along padonang.

Korte marli atum, neli nanglitum aphan choningrilo: nanglitum kecharlitang alam pen kechingbarbe alam thansi monit atum angbong abe abe kethak, lapen monit atum aphan pap kepaklem atum aphan pangtheknon, lapen halatum pen chepahelonon.

Pima lason keklem atum ke e-Hemphu Khristo aphan keklempi atum kalilo, bonta amethang methang apok aphansi klemlo. Halatum alam kedok pen lapen kero parlin alam pensi thangta kechinine atum aphan chobeibomlo.

Tangte ilitum Arnam adak atur pathelonang! Neli kepachethang a-Jisu Khristo alamjir a-Birta Keme, lapen suri suri aningkan pen kepatu, bonta nonke keklangtang, akedip joi ahok alam ateng pen Arnam ke nanglitum akekroi pathir un. Bonta nonke Arnam amontri atum ketok alam pen ajok labangso ahok alam klangdak-lo; lapen kadokave amonit atum Arnam aphan kroisi ahukumta kekroijisi kaita kerengver a-Arnam hukum pisi labangso alam kadokave akhei aphan pachinidak-lo. Arnam ke inutnat; alangli ke kadokave asonta gianilo. Jisu Khristo pen apot ilitum labangso Arnam aphan kejut un-e akai apar akai anta adak atur pathelonang! Amen.